السلام عليكم ورحمةالله وبركاته

بنانيتى الحلوين

اقسم بالله انها تجربتى الشخصيه فى عدم انبات شعر الجسم والوجه
انى احبكم فى الله وديه تجربتى احكهلكم من الاول

1- جبت نبات السعد (بضم الواو) مطحون من عند العطار
2- غليه حوالى 5 معالق كبيره ممسوحه من مطحون نبات السعد فى 2 كوب ماء يغلى مره واحده بس وسيبيه يبرد
3- 5معالق كبيره زيت زيتون نقى يغلى ويوضع فيه 5 معالق كبيره ممسوحه نبات السعد الزيت (يتغلى على نار هادئه)

الطريقه

و بعد ازاله شعر الجسم بالحلاوه او الشمع ادكى جسمك (المنطقه المنزوع منها الشعر ) بمطحون نبات السعد كويس وبعدها بالماء اللى غلينا فيه النبات واتركيه لحد ما ينشف على جسمك وبعدها ادعكى بالزيت المغلى فيه نبات السعد
هتحسى بنغز بسيط جدا والطريقه تكرر 5 ايام ويفضل انك تدعكى جسمك باليفه قبل ما تحطى المسحوق كل يوم علشان تفتحى مسام الجلد النتيجه ههتظهر لما الشعر الجديد يطلع هتلاقى الشعر اخف بكتييير جدا من الاول والشعر مش هيطلع تانى ان شاء الله فى خلال 5 شهور طبعا كل واحده على حسب كثافه شعرها بس احب ابشركم ان الوجه ميطلعش فيه الشعر بعد 2 شهر
والله والله والله يا اخواتى ديه تجربتى والحمد لله النتيجه رائعه
المهم انكم تدعولى والله الللى تلاقى النتيجه ديه من اول شهر تدعيلى من قلبها ربنا يهدينى ويرزقنى حبه ويبارك ليا فى بنتى ويدخلنا الجنه جميعا ان شاء الله
اى واحده تحب تستفسر عن اى حاجه انا هرد بكل وضوح ان شاء الله
والسلام عليكم ورحمنه وبركاته

و عليكم السلام و رحمة الله و بركاته

جزاك الله خيرا اختي همس على حب افادتك لنا من خلال تجربتك الناجحة

اكيد بنات كثير سيستفيدو منها ان شاء الله

شكرا لك و الله يبارك لك في بنتك و يهديكم و يجمع بينكم في الجنة...امين يارب

شكرا على المرور

شكرا لك الاخت لنقلك تجربتك والف مبروك على النعومة ...
كم كررتي العملية حتى وصلت الى هده النتيجة ؟؟؟؟؟ لأني بحاجة ماسة للتخلص من الشعر الغير مرغوب فيه بأسرع وقت

السلام عليكم
اختى الجميله فراشه تكريرى الخلطه على حسب كثافه الشعر وعموما شعر الوجه اخد منى مرتين وشعر الكتاف 4 مرات
اما شعر الارجل حتى الان النتيجه مش 100% بس قولى كده حوالى 7 مرات اى 7 اشهر وان شاء الله تكون النتيجه اسرع معاكى كل واحده على حسب كثافه شعرها

السلام عليكم
جزاكي الله خيرا وجعله الله في ميزان حسناتك
يعني الطريقة بالضبط علشان حاسة أني متلخبطة
5 ملاعق كبيرة نبات السعد على 2 كوب ماء ونغليه مرة واحدة ونسيبه يبرد وبعدين نضع 5 ملاعق كبيرة زيت زيتون نقي + 5 ملاعق كبيرة نبات السعد ونغليهم عل نار هادئة صح كدا يا قمر

السلام عليكم
جزاكي الله خيرا وجعله الله في ميزان حسناتك
يعني الطريقة بالضبط علشان حاسة أني متلخبطة
1) 5 ملاعق كبيرة نبات السعد على 2 كوب ماء ونغليه مرة واحدة ونسيبه يبرد
2) وبعدين نضع 5 ملاعق كبيرة زيت زيتون نقي + 5 ملاعق كبيرة نبات السعد ونغليهم عل نار هادئة صح كدا يا قمر ولا نغلي الزيت الأول وبعدين نحط الخمس ملاعق النبات ونغليه تاني أرجو التوضيح

وعليكم السلام ورحمته وبركاته
صديقتى قبل ما استعمله بدعى لك ان يصلح حالك ويحقق لك كل الىى بتتمانيه ويجمعك باحباءك فى الجنه جميعا ان شاء الله
رجاااء منى توضحى الطريقه اكثر لانى متلخبطه بجد من فضلك
مرمر

وعليكم السلام ورحمته وبركاته
شوفى يا قمر الخطوه الاولى
5 ملاعق كبيرة نبات السعد على 2 كوب ماء ونغليه مرة واحدة ونسيبه يبرد ونصفيه وناخد الميه المتصفيه
الخطوه التانيه
5 ملاعق كبيرة زيت زيتون نقي + 5 ملاعق كبيرة نبات السعد ونغليهم عل نار هادئ يعنى العشب على الزيت ونغليهم مع بعض ونصفيهم وناخد الزيت المصفى
ان شاء الله اكون وضحت

شكرا همس المتاب على الوصفة. بس شو هو نبات السعد بالمغربية