انا كانت مشكلتى حب الشباب والبقع والبشرة الدهنية وروحت للدكتورة كتبتلى على جل زاروتكس بجد جل جميل جدا جدا انصحكم تستعملوا بس استخدموا جمبوا الماسك ده والله والله فعال جدا فى ظرف اسبوع حتحسوا بالفرق وادعولى ربنا يوفقنى فى حياتى واتخرج من الكلية.
الماسك هو :
خميرة بيرة + معلقة صغيرة ماء او ماء ورد على حسب + ماء بقدونس .
وتخلطيهم مع بعض زى العجينه بس بلاش يكون خفيف او تقيل اوى وتسبيه على بشرتك لحد مايجف وتحسى ان الماسك بيتقشر واغسلى وجهك وامسحيه بقطنة ماء ورد مثلج ولو تقدروا تاكلوا قطعة خميرة بيرة صغيرة جمب الماسك حيكون فعال اكتر متنسوش تتدعولى.
وبالنسبة للبقع والزيوان السوداء انا بعمل كل اسبوع حمام بخار فى البيت وبستخدم سنفرة اصالة او اى سنفرة تحبوها انتوا مرة واحدة فى الاسبوع وبنضف الزيوان بخيط من فوق لتحت وشوفوا بشرتكم حتبقى ازاى بعد العلاج والماسك .
اللى عاوز اى معلومات عن الجل وعلاج البقع اللى كتبتهولى الدكتورة واسعارهم يقولى.
معلشوا طولت عليكم بس يارب يفيكم زى ما انا استفدت مستنية ردودكم بعد وقبل ما تجربوا وشكرا لدخولكم موضوعى.
الروابط المفضلة