السلام عليكم ...

ممكن طريقة فرد جست فور مي للاطفال ؟

ما فهمت زين من العلبة و بنتي ضيعت ورقة التعليمات ........

وعليكم السلام ورحمة الله وبركاته

اقتباس من النت

طريقه فرد الشعر بسوفت اند بيوتفل


هاذي طرييقه فررد الشعر بسوفت اند بيوتقل جست فورمي :د0:


الشروط .. لازم شعرك يكون نظيف تماما ماعليه زيوت أوكريمات يعني تروشين وتستشوريبنه خفيف بحيث إنه يكون ماهو متشابك وناعم .

الطريقة ..

1. تقسمين شعرك بالنصف إلى قسمين وبعدين تقسمين كل نصف اربع أقسام من تحت لفوق ..وتلفين كل قسم مثل الكعك وتثبتينه ببنسة .

2. تمسكين كل قسم وتدهنينه بالواقي (اللي هو البكتات الصغيرة رقم 1 )

وكل قسم تخلصين من دهنه ترجعين تلفينه وتثبتينه بالبنسه وإنتبهي لاتخلصين

الواقي عن باقي شعرك ..يعني حاولي توزعينه بالتساوي ..

3. تأخذين الجل الواقي للبشرة وهذا للإسف ماهو موجود بالصورة بس أكيد

موجود عندك وشكله مستطيل شفاف وعليه كتابه بالأسود .. توزعينه على


جبهتك وعلى أطراف شعرك من الأمام وعلى رقبتك على أطراف شعرك من تحت

وحول الأذان .

4. تجيبين وعاء بلاستيك (( لازم بلاستيك لإن المعدن خطير ويتفاعل مع المواد ))

وتخلطين فيه العلبه الكبيرة مع العلبه (C) (رقم 2) خلط مضبوط لحد ماتختفي التكتلات ..

5.. تبدين بأخر قسم من شعرك من تحت القسم الأيمن وبإستعمال القفازات

تفكينه من البنسةو تحطين كميه من الكريم وتحاولين تضغطين بظهر كفك على

هالخصلة من أولها إلى أخرها أو باستخدام مشط أسنانه واسعة ..يعني تحاولين

تدخلينه داخل الشعر .. وتسوين هالطريقة مع باقي الشعر ...

6 .. تتركين الكريم فترة تكون على حسب طبيعة شعرك وتلقينه مكتوب بالجدول

في الورقة ((تشوفين الحد النهائي للكريم على الشعر بحيث إنك ماتعدين

هالوقت )

7.. بعد ماينتهي الوقت تأخذين الشامبو (D ) (رقم 3 ) وتبللين شعرك بالماء ثم

تحطين عليه الشامبو (الأفضل إنك تحطين الشامبو على دفعات مايصير مره وحده

علشان تعرفين هو نظف شعرك أولا وأول شي لون الماء اللي يطلعلك من شعرك

وردي وترجعين تغسلينه وبيطلعلك وردي أخف وكذا تستمرين تغسلينه حتى

يختفي اللون الوردي ويصير الماء نظيف ... وبكذا تعرفين إنه نظف تماما ..

8.. تجففينه شوي بالفوطة وتحطين عليه البلسم (E )(رقم 4) وتتركينه عشر

دقايق بعدين تغسلينه وتجففينه زين ...

9.. تحطين على شعرك المثبت (F ) (رقم 5) بعده تحاولين تسرحينه عالخفيف

وتربطينه بشكل خفيف وتتركينه اما 1او2 او 3 او 4 او 5 ايام على شعرك بدون غسل ولإستشوار .. ((وأنتي

تسرحينه بتلاحظين إن شعرك يتساقط شوي بس عادي شي طبيعي ..

وكل يوم لازم تفكينه وتسرحينه شوي ..


وان شاءالله تصيير شعووركم حريييير

يااختي ترى ماانصحك بالفرد يدمرررررررررر الشعر
انا مجربة سوفت اندبيوتفل للاطفال دمرررررررر شعري

ورده في البستان الله يجاريك خير ..

ابى حق شعر بنتي ,, شعرها حلوو و طويل ما شاء الله بس قدام مشكلة ,, و قبل كم شهر سويت لها فرد جليت العادي نفعها وايد ...