السلام عليكم
حبايبى طبعا مفيش اكتر من الاسئله عن تساقط الشعر هنا فى المنتدى وفى جميع المنتديات
اكتر الاسئله انتشارا هو
تساقط الشغر
الشعر الخفيف
الشعر القصير الذى لا يطول
وانا طبعا زيكم نفسى الاقى شعرى طويل
والاهم من الطول الكثافه والنعومه والحيويه
وبما اننى ببحث فى كل مكان عن زيوت او وصفات وبجرب كل حاجه احس انها ممكن تنفع
وفعلا جربت حاجات كتير بس احسن حاجه حسيت انها بتوقف التساقط وبتطول الشعر فعلا والله عن تجربه زيت التوم مع زيت الخروع
بس الحلو ما يكملش الريحه فظيعه كأنك بتعملى ملوخيه او مخلل بالتوم هههههههه
وطبعه مينفعش جوزى خالص يشم الريحه ده يعنى حرام ملوش ذنب
المهم لقيت الحل اخيرا
الى يجمع بين الاتنين زيت التوم ولكن من غير الريحه الكريهه للتوم وهو
زيت كازانوفا باريس
صناعه سعوديه
بالتوم
بصراحه رائحته حلوة يعنى مش توم
خالص وفعلا بيمنع التساقط وبيطول الشعر
وينعمه وده طبعا مع الاستخدام والمواظبه عليه
يعنى مش سحر من اول مرة
وفيه منه بزيت اللوز
وزيت جوز الهند
وزيت الجرجير
وهو موجود فى مصر بس فى الصيدليات الكبيرة
بحوالى من 20 الى 24 جنيه حسب كل صيدليه
وطريقته كحمام زيت على فروة الرأس
يوميا لمده اسبوعين وبعدين مرتين فى الاسبوع لمده اسبوعين تانيين
يعنى النتيجه بتبان بعد شهر تقريبا
بس بتحسى ان التساقط قل من اول مرة
ويا ريت تجربوه بجد حلو والله
واى سؤال انا فى الخدمه
الروابط المفضلة