شعرى بقة فظيع من بعد الرجيم القاسى مقصف جدا وعلى طول هايش وناشف خالص زى المقطع او محروق وبيقع بطريقة فظيعة وكمان بقة خفيف من قدام بيرجع لورا يعنى حجم الجبهة بقة اكبر ودة شئ صعب انا حاسة انى مخنوقة ياريت حد يساعدنى فى حل مشكلتى

كتبت بواسطة روشا 3

شعرى بقة فظيع من بعد الرجيم القاسى مقصف جدا وعلى طول هايش وناشف خالص زى المقطع او محروق وبيقع بطريقة فظيعة وكمان بقة خفيف من قدام بيرجع لورا يعنى حجم الجبهة بقة اكبر ودة شئ صعب انا حاسة انى مخنوقة ياريت حد يساعدنى فى حل مشكلتى

سلامتك يا قمر من الخنقه متزعليش نفسك

بصى انا كنت عملت رجيم برضه وهلكنى يعنى مش قادره اقولك

وشعرى برضه باز خالص والى زودها اكثر انى كمان عملت لشعرى هايليت

فكان بيقع كثير جدا وضعف وقصف برضه

وكويس انك من اسكندريه بصى روحى فتح الله الى فى المندره اكيد ان شاء الله تعرفيه

ادخلى قسم العطاره وقولى للى واقف هناك انا عايزه تركيبه لسقوط الشعر بس تكون كويسه ومش مهم السعر

هيعملك تركيبه حلوه انا عملت كده وعملى تركيبه هى ريحتها مش حلوه اه وكان كل الى فى البيت بيشمها اه بس عشان شعرى كله يهون

والحمد لله عملت نتيجه كويسه وكان سعرها مش عالى قوى يعنى متقلقيش كان سعرها معداش ال40 جنيه تقريبا بالعكس كان اقل من كده كمان حيكون حسب الزيوت الى حيعملهالك

بالنسبه بقى للشعر الى بيسحب على وراه ده

اجرى على اقرب كوافيره عندك اعملى لشعرك أسه(رش او ديجراديه ) حسب ما تحبى علشان لما تلمى شعرك تفضل الاسه سايبه ومش ملمومه

وحاولى قدر الامكان لما تلمى شعرك متلمهاش جامد سبيه سايب شويه يعنى حطى التوكه فى نصف شعرك كده عشان يبقى براحته

وربنا معاكى انا رغيت كثير انا عارفه بس نفسى اساعدك والله

وتبقى طمنينا عليكى

ممكن تروحي دكتورة جلديه وتغذيه لانك عامله رجيم

وتفضلي

http://www.lakii.com/vb/showthread.php?t=597323

والله ياحياتي ماعندي حاجه افيدك فيها شعري من قدام يمكن زي شعرك وماخليت شي ماسويته والنتيجه واحده

ميرسى ياقمرات على ردكم واهتمامك بمشكلتى بس انا والله روحت لدكتورة جلدية ومفيش حل وبرضو استخدمت زيوت كتير وبرضو مفيش فايدة انا عايزة اى منتج يكون لية تاثير فعال لمشكلتى يكون احسن

حبيبتى خدى حبوب البانتوجار وزيت روتاج استعملية كل يوم وقبلها اغسلي شعرك بشامبو نيزابكس ولو عندك امكانية ممكن تزودى لوسيون كامينو موتو هو بي 180 سعرو والجرجيررررررر لو بتحبية كلي منو لو لا اضربية في الخلاط وحطى علي شعرك كل يوم ومتنيس تدعيلييييييييي