بنات انا اليوم رحت وقصيت شعري في صالون عناية و انا صابغة شعري احمر بس عندي الجذور باين لونه الطبيعي و مابدي اصبغه تاني لانه شعري مرة تعب من الصبغات قامت الكوفيرة جابت صبغة قالت لي هادي بدون اكسجين ومابيعدم الشعر و هي بتنخلط مع الشامبو و بتقعد على حسب مرات الاستحمام يعني كل ما تحممتي بينزل اللون
و بصراحة مرة عجبتني و نفسي مرة اعرف شو اسمها لانه حلو اخليه عندي في البيت اذا عندي مناسبة وحبيت اعمل نيو لوك احط منها بعدين بتعطي حيوية للشعر و في منها لون احمر زي لون شعري و في لون موف
فياليت اللي بتعرف ايش اسمها و فين الاقيها هنا في جدة عشان اجيبها قبل العيد الله يخليكم ويتقبل صيامكم يارب
الروابط المفضلة