ازيكو ياقمرات ....ان شاء الله تكونو كلكو بخير

انا عملت موضوع اكتب فيه تجربتي مع الكثيرا وزيت هندتلر علشان شفت ناس متحمسه تستخدمهم جدا

وخصوصا البنوتات الي شعرها مجعد وخشن بتبقا عايزه تلاقي اي حل لمشكله شعرها


مش عايزه احبطكم بس انا قريت كلام خبير تجميل بيقول انو مفيش حاجه طبيعيه تم اكتشافها الي الان ممكن تفرد الشعر المجعد لكن ممكن تنعمه فقط

كفايه رغي بقا ونبدا بسم الله مع تجربتي مع عشبه الكثيرا

انا استخدمتها بطريقتين:

الاولي: غسلت شعري بالشامبو وحطيت بلسم وحمام كريم وبعد شطفه جبت الكثيرا (وهي بتبقا عامله زي الجيل) وبدات احطها علي خصله خصله واسرح كويس علشان تتفرد التجعيدات زي ماقريت علي المنتديات طريقه استخدامها للفرد

يعني من الاخر بتحطيها زي مابتحطي كريم الفرد بس مش بتفرد التجعيدات ولا حاجه يعني شعري كان مجعد زي ماهو ...بعد ماحطيتها علي كل الشعر جبت الرولو (او لفافات الشعر او البكر) ولفيت كل شعري بيه وبردو نسيت اقول اني حطيت منها علي الفروه ...المهم بعد لف الشعر بالرولو غطيته ببلاستيك ولبست فوفيه طرحه ونمت

صحيت بعدها بحوالي 6ساعات وفكيت شعري كان ناعععععععممممممممم جدااااااااااااااااااااا بطريقه مش عاديه كانت بصراحه نعومه خياليه ....بس بالنسبه للفرد ....كان شعري مجعد زي ماهو المهم شطفت الشعر من الكثيرا بالماء فقط وبعدها عملت حمام زيت دره لمده ربع ساعه وشطفته بالماء فقط وبعدها لفيته بالرولو ....تاني يوم كان شعري ناععععمممممم بس شكله عادي .....تالت يوم كان مفرود شويه وشكله جميل سرحته علي جمب واخواتي ومامتي قالولي انتي كاويه شعرك صح؟فقلتلهم لا وكانو مش مصدقين....فضل شعري ناعم لغايت الغسله الي بعدها


الطريقه التانيه:

ودي كانت الغسله التاليه لاستخدام الكثيرا فقلت اغير في الاستخدام ولما اشوف النتيجه

انا جبت الكثيرا الي متبقيه من المره الي قبلها ...وقبل غسل شعري حطيت الكثيرا علي شعري خصله خصله بردو ومش لفيت شعري بالرولو ...غطيته بالبلاستيك والطرحه فوقيه بس ونمت وتاني يوم لما صحيت كان شعري ناعم بس مش زي المره الي قبلها ....غسلت شعري بالشامبو والبلسم وحمام الكريم بس مش عملت حمام الزيت والنتيجه......شعري كان عاااااااااادي ...يعني مش ناعم ولا حاجه وبعدها بيومين كان مش مفرود ولا اي حاجه ومش ناعم عااادي كاني مش حطيت الكثيرا خالص

بعد التجربتين دولا بيومين لقيت تساقط شديد في شعري فعملت عصير الجرجير علي شعري وخف التساقط شويه ورحت لدكتور تجميل كتبلي امبولات وكبسولات واخدتهم ووقف التساقط ومش استخدمت الكثيرا تاني


بالنسبه بقا لتجربتي مع زيت هندتلر

انا مش متاكده هو الزيت الاصلي ولا لا.....لاني اشتريته من اعلان علي قناه الناس انه زيت لفرد الشعر ولمنع التساقط والقشره ولتنعيم الشعر وانه من وصفات الدكتور عبدالباسط ....فتخيلت انه الدكتور عبدالباسط هو الي عامله ولما اتصلت بالرقم قالولي انه زيت هندتلر المشهور وانه حلو جدا وقالولي طريقه استخدامه

وصلني الزيت بعدها بفتره وشكله ايه؟؟؟؟....زجاجه بلاستيك لونها ابيض مش مكتوب عليها حاجه وريحه الزيت الي فيها زيت جرجير ولونه عسلي

جربته بنفس الطريقه الي قالولي عليها وهي اني بعد غسل شعري بدهن الزيت ده عليه...والنتيجه.......حسيت ان شعري بقا خشن اكتر من الاول وحاولت اجربه اكتر من مره والنتيجه واحده


ملاحظه(طريقه تحضير الكثيرا وهي انك بتجيبي العشبه هي بتبقا شفافه وتحطيها مع كوب ماء علي نار هاديه لمده ساعه او اكتر مع التقليب وتزوديها بالماء كل ماتحسي انو بيقل من عليها لغايت ماتتاكدي انها كلها دابت في الماء وبتبقا شكلها زي الجل بتاع الشعر وانا اول مره استخدمتها وهي دافيه وتاني مره كانت بارده)
دولا تجاربي مع الكثيرا وهندتلر .....اتمني اكون مش طولت عليكو بس كنت لازم اقولكو الامانه تحتم عليا كده

مشكورة حبيبتي..

الف شكر لكي حبيبتي

جزاك الله خير

مشكوره للافاده

مشكورين ياقمرات علي مروركم

me25mo تسلمي

مشكوره حبيبتي


:

ام ايات ...تسلمي علي مرورك العطر ياقمرايه

علي فكره يابنات انا عملت سيرش علي النت ولقيت ان زيت هندتلر الي عندي مش اصلي فعلا .....الزيت الاصلي قرات انه ريحته توم علي بصل علي حلبه علي صبار والزجاجه ابيض في ازرق لكن الزيت الي عندي ريحته جرجير والزجاجه ابيض .....ابقو خدو بالكم بقا علشان مش تتعرضو للموقف الي انا فيه او يتنصب عليكم