اعملي كده لشعرك وصدقيني هتلاحظي الفرق

السلام عليكم ورحمه الله وبركاته

ازيكم .... كيفكم ... شلونكم .... وش اخباركم ( بكل اللهجات )

انا النهرده لا اخترعت اختراع ولا أي شيْ

عملت حاجه بسيطه جداا لشعري ولاحظت ان حصل فرق من قبل الاستخدام وبعد الاستخدام

نبدأ بسم الله :::

اول شي عملت ماسك لشعري

مكون من علبه زبادي + عسل + زيت عافيه (( الكميه على حسب شعرك من كل شيْ)

وخليته ساعه على شعري (( مش بحب اخلي الماسك كتير عشان ميجبش نتيجه عكسيه ويموت البصيله وشعري يقع ))

بعدين دخلت اغسل شعري بالشامبو كويس وبميه سقعه (بارده )
لان السخنه غلط جدااا على الشعر

وبعدين عملت حمام كريم لسه شرياه من صيدليه من مصر وهو بالنخاع كنت خايفه اجربه

بس توكلت على الله وجبته وجربته وطلع حلووو ودي صورته

وخليته على شعري ربع ساعه عملت فيها سنفره لجسمي بالرز المطحون

وبعدين غسلت شعري واستنيت لما ينشف شويه وحطيت عليه السيرم ده

دكتوره الجلديه اللي بروحلها كتبتلي السيرم ده وهو سيرم معالج وليس سيرم تصفيف

يعني غير سيرم الزيرو والانواع دي بس انا بحطه دلوقت عادي بدل كريم التصفيف بتاعي

وهو حلووووووووو جدا بصراحه

ودي صورته:::

وبستعمل خلال الاسبوع لوسيون الو بانثين ودي صورته

واخيرا ماسك الزبادي والعسل والزيت ررررررررررررائع بجد وحمام كريم النخاع حلو جدا

والسيرم واللوسيون مازلت بجربهم بس السيرم حلو فعلااا

يارب يكون الموضوع افادكم ومتنسوووووش تقيموه لو عجبكم

مشكوره يا اختى على وصفتك
بس انا عايزه حاجه تتقل شعرى وتطوله هو ناعم اصلا
بس خفيف جدا ومحتاره وشايله همه اووووى
وفرحى قريب

اعمل ايه انا تعبانه اوووى

العفو ياقمر بس اقولك ايه الحال من بعضه هههههههه

بصي لو الموضوع وراثه يبقى صعب ان شعرك يتقل

بس حاولي تداومي على حمام الزيت وكمان الحنه بيقولوا بتتقل الشعر

واهم حاجه لو فيه تساقط عالجيه الاول ولو فيه تقصف للشعر

كمان عالجيه بالقص الاول دلكي شعرك دايما عشان تحركي الدوره الدمويه فيه

ولو شعرك فعلا نموه ضعيف روحي لدكتوره احسن وكتري من اكل الفاكهه والخضار

مشكورة حبيبتي على طرح تجربتك حتى يستفادوا البنات

:

جزاك الله خيراً

شكرا يا قمر على موضوعك وان شاء الله نجرب الطريقه

يعطيك العافية

وعليكم السلام ورحمة الله وبركاته

جزاك الله خير

مشكوره يااختي

انا اخواتى شعرهم حلو وتقيل وانا بس اللى شعرى خفيف
انا قولت اروح لدكتورة قالولى مفيش فايده منهم ع الفاضى يعنى
وشعرى فيه تقصيف كتير بس انا لازم اهتم بقى كفايه كسل
بس اى حاجه تعرفيها قوليلى عليها يا قمر

ما شاء الله
إن شاء الله فيهم العافية
سلمت الأيادي

كتبت بواسطة الدلوعه المصرية

مشكوره يا اختى على وصفتك
بس انا عايزه حاجه تتقل شعرى وتطوله هو ناعم اصلا
بس خفيف جدا ومحتاره وشايله همه اووووى
وفرحى قريب

اعمل ايه انا تعبانه اوووى

جربي زيت الكثيرة يباع عند العطار سمعت ناس يمدحونه ولم أجربه