محتاجة خبراتكم اوىىىىىىىىىىىى

**nesal elzohery** · 06-05-2009, 04:18 PM

السلام عليكم ورحمة اللة وبركاتة
عندى مشكلة ومحتاجة خبراتكم
انا اختى قامت بعمل فرد لشعرها من حوالي سنة والان مفعول هذا الفرد بدا ينتهي وجذور شعرها بدات تنبت بس طالعة كتير مجعدة ومكسرة
رغم ان هي شعرها بالاصل مش مجعدكدة ولا مكسر للدرجة دى بس كان مجرد هيشان وهي
عمل الفرد دة من غير استشارتنا
فارجوكوا ساعدونى هي تستخدم وصفات اية وحمامات كريم والشامبوهات وكدة
وربنا يجزيكوا كل خير يارب

**ريهـــام ~** · 06-05-2009, 10:27 PM

وعليكم السلام ورحمه الله وبركاته

اختي ما اعتقد ان السبب من فرد الشعر ،، اعتقد ان التجعيد صار واضح اكثر لان النصف الاخر من شعرها مفرود

وهذه حمامات زيت في هذا الرابط ان شاء الله تفيدها

http://www.lakii.com/salon/modules.php?name=News&file=article&sid=358

::

**indomy000** · 07-05-2009, 11:07 AM

http://www.lakii.com/vb/showthread.php?t=555371
ده موضوع انا كاتبه فيه وصفه حلوه للشعر شوفتها في التلفزيون
واقولك انا عملت زيها بالظبط اولا اوعي تسيبيها تعمل اي خلطه فيها حنه لاني عملت كده والشعر المفرود وقع كلو والي فضل الجدور الي لسه طالعه بس الحمدلله كانت قريبه من كتفي
ثانيا انا عملت خلطتين والاتنين حلوين اوي بس ممكن ادمجهم لك في خلطه واحده عشان تاخد الفايده كامله الوصفه هي:
تجيب زيت دره او مجموعه زيوت من دره ولوز وسمسم وزتون او اي زيوت بس الدره اساسي وتنقع فيهم شويه املج (بتشتريه من العطار)
وبتجيب زبده من غير ملح وكمان نخاع لو تقدر (بيتجاب من الجزار) وكمان تجيب اي حمام كريم زي بوناويل او كاريتيه للشعرالتالف
تاخد معلقتين من الزيوت والزبده والنخاع وتسخنهم علي النار شويه وبعدين تزود عليهم معلقتين من حمام الكريم وتخلطهم مع بعض وتحطهم علي شعرها قبل غسله او بعده وتسيبه اطول وقت تقدر عليه بس مش اقل من نص ساعه
الخلطه دي هتغذي شعرها جدا جدا لان النخاع والاملج بيطولو الشعر وبيمنعو تساقطه وبيخلوه طري وناعم والزبده خياليه في التنعيم كمان وحمام الكريم انا اول مره احطه علي الخلطه دي امبارح علي شعري ومخلي شعري نايم وجميل بس ممكن تستغني عنو عادي وكمان ممكن تبقا تاخد وصفه الخبير الي في اللينك وتدهن بيهم فروه الراس يوم بعد يوم