وصفه خيليه للشعر

السلام عليكم خواتي الغاليات هذي وصفه للشعركلمه خيال قليله بحقهاومن المقادير بتعرفون ان كلامي صح وان اخذتها من منتدى ثاني بس قلت انقلها لكم علشان تستفيدون وهذي طريقه الخلطه
علبة زجاجية فاضيه ويوضع فيها التالي :

المقياس فنجال القهوة
( زيت زيتون مقري فيه - زيت الآس – زيت حبة البركة – زيت الجرجير – زيت البابونج – زيت السمسم – زيت الصبار – زيت اللوز – زيت الخروع )
ممكن تضيفين أي زيت ثاني يناسبك..او تحذفين اللي مايناسبك ... اخر مرة سويته اضفت معاه زيت كيشو الهندي..زيت لونه احمر قرشته صغيرة ..

خلصتي من الزيووت ...بعدين ضيفي عليهم

المقياس ملعقة طعام
مسمار او قرنفل مطحون + حلبه مطحونه + محلب مطحون + اوراق ميرامية
وانا اضفت آس مطحون

خلصنا من خلطة الزيوت ....سكري العلبة جيدا ...وحطيها على الشباااك...او الدريشه ...لمدة 10 ايااام او اسبوووعين ...مع الالتزاام برج العلبه جيداااا كل يوووم
وبعد الاسبوعين
سخني الزيت على النااااار ... ثم صفيه بمصفاااة نااااعمه ...وضعيه بعلبه ثااانيه ...
وهكذاااا يكوون جاااهز للاستعمااااااااااال

والاستخداام يكوووون على الاقل مرتين بالاسبوووع...ويظل على الشعر لمدة ساعتين او ثلاث...
طبعا هي كاتبه خلطه ثانيه تكمل هالخلطه وراح انزلها لكم اذالقيت ردود منكم

تسلمي

مشكووووووووووره كتيررررررررررررر

مشكوره ما تنسي نزلي الوصفة الثانيه

انا سويت نفس الخلطه الي كاتبتها .. بس بدون زيت الآس ... بصراحه شي روعه وانا كتبت عنه بموضوع ..

تسلمين حبيبتي ... موضوعج اكد كلامي

وعليكم السلام ورحمة الله

شكرا لك على حب الإفادة

مرحبا خواتي الغاليات مشكورين على الردود الحلوه وراح انزلكم الحين الوصفه الثانيه وزي ماقلت الوصفتين هذي روعه وامشوا على الجدول اللي كاتبته راعيه الوصفه وبتشوفون اللي يسركم ان شاء الله مااطول عليكم هذي هي الوصفه الثانيه(( فص ثوووم + ملعقة كبيرة سدر مطحون +كمية من زيت براشوت ...حسب شعرك))

اذكركم بشيء اني ماخلطت براشوت مع خلطة الزيوت السابقه ...لانك بتستخدمينه بالخلطه هذي

والخلطة هذي تسوينها وتحطينها على طووول ...يعني ماتخزنينها ..تستعمل فريش...

الطريقة :
الاسبوع الاول
تستخدم خلطة الثوم (يوميا) ..بتدليك الفروة جيدا ...وخصوصا مقدمة الشعر..اقصد مناطق الفراغات
مع ترديد
((بسم الله الذي لايضر مع اسمه شي في الارض ولا في السماء))
مو مهم تلمسين اطراف الشعر ..المهم الجذوور
وتتركينها لمدة ساعتين ..وبعدين تغسلينهااا..اذا متوفر عندك القبعه الحرارية تحطينها ربع ساعه ..فائدة اكثرررر

واذا مو متوفرة ..مو مشكله...البسي القبعة البلاستيك ...العادية ...

بس فيه شي احب انبهكم له...عند استعمالك القبعه الحراريه ..لازم يكون شعرك مبلول شوي..

يفضل انك تبدئين يوم السبت ...ويكوون اخر يووم الجمعه ..
وتكونين مجهزة حنه صافية ومخمرتها ...طبعا تكونين حاطة خلطة الثووم وبعد ساعتين تحطين الحنه ويظل الحنا ثلاث او اربع ساعات على شعرك ...وبعدين اغسلي شعرك

بناااات للامانه
شي اكيد انه ريحة الثوم ...ماتطلع بسهولة ...الحنه بيخففها ...وبعد الغسل بخري شعرك ...وحطي له مخمرية بالاطراف ..لا تقربين من الجذور..الريحه بتخف ولكنها مااااراااح تروووح كلش
ولا تقولووون غسل الشعر يوميا يضر ...... ابدا مايضر.... اهو اسبوع واحد
تحملوا ...وبتشووفوون اللي يسر خاااطركم

الاسبوع الثاني
نفس الخلطة بس يقل استعمالها يصير يوم وترك
نبدا
السبت راحه
الاحد الخلطه ( ثوم + سدر + براشوت )
الاثنين راحه
الثلاثاء الخلطه
الاربعاء راحه
الخميس الخلطة + الحنه
الجمعه راحه
بنفس الطريقه اللي قلت لكم عنها


الاسبوع الثالث
يوم استخدام ويومين راحه...
يعني
السبت راحه
الاحد الخلطة
الاثنين راحه
الثلاثاء راحه
الاربعاء الخلطة + الحنه
الخميس راحه
الجمعه راحه


الاسبوع الرابع
يوم استخدام الخلطة وثلاث ايام راحه
السبت راحه
الاحد الخلطه
الاثنين راحه
الثلاثاء راحه
الاربعاء راحه
الخميس الخلطه + الحنه
الجمعه راحه

بالتدريج لما تصير الخلطه مرة وحده بالاسبووع مع الحنااااا ..خليهاااا يووم الجمعه افضل
والشاامبو انصحكم بشامبو السدر ..لانه طبيعي ...وينظف الشعر عدل
جونسون اللي بالبابونج ... ممتاز لكنه ماينظف الشعر من الزيت ...

اول اسبوعين امشي على خلطة الثوم بروحها ...وبالاسبووع الثالث تبدين تستخدمين التونيك بعد الحماااام ...

تونيك سورسير...

موشرط هالنووع هذا بالذااات ...جاايز انك ترتاحين لتونيك ثااني ...اهم شي يكون فيه محفز مساعد لشغلك ... hair grower



وبالاسبووع الرااابع ...
ابدي باستخدااام خلطة الزيووت اللي انتي سويتيهاااا بايدينك .... مرتين بالاسبوع
حطيها لمدة ساعتين او ثلاث ...

طبعا انا مااستخدمت حنالاني اصبغ شعري فحطيت سدر جربوها وادعوا لراعيه الوصفه الاصليه وادعوا لي

الله يكتب لك الآجر والثواب مشكوووووورة

السلام عليكم ورحمة الله وبركاتة
الله يجزيكى خير عنا بس لو سمحتى هو السدر ليه اسم ثانى بمصر وكمان زيت براشوت ده كمان له اسم ثانى لانى مش هقدر اعمل الوصفة وانا مش عارفهم
وجزاكى الله خير يا حبيبتى