الشامبو السحري الي حل مشكلتي مع تساقط الشعر ... رائع بمعنى الكلمه

**شذا_شذا** · 25-11-2008, 10:46 AM

مرحبا بنات شحالكم ...

حبيت انقل تجربتي الرائعه مع هالشامبو العجيب ...

طبعا تقريبا نص بنات المنتدى يدرون معاناتي مع تساقط الشعر من زود ما اشتكي منه ... اليوم يبت لكم الحل النهائي لهالمشكله ... ولله يابنات صارلي اربع ايام بس من استخدامه .. شي روووعه خفف لي التساقط بنسبه 70 % ... شعري تغير كليا ... قلت لازم اخبر بنوتات المنتدى يستاهلن كل خير ...

هذي صورة الشامبوا ... بنات فيه منه انواع على حسب طبيعه الشعر ... أنا الي خذته للشعر الحساس والناعم ... والي عندها تساقط شعر تستخدم الشامبو من خشب الصفصاف ... راح تعرفين من الكتابه ورى العبوه ...

وهذا يابنات المحلول اليومي من ( السليولوز) المستخرج من خشب الاشجار ... هذا تحطينه كل يوم على فروه راسج مع عمل مساج خفيف ... روعه يبرد فروه الراس ويريحها ... خاصه الي عندها تقرحات في فروه الراس ومشاكل وحتى الي عنده ثعلبه بسم الله عليكم ...

أي استفسار بنات انا حاضر ...

في شي ثاني حابه اقوله لكم .. انا استخدم حاليا خلطه زيوت لأول مره لا يسبب لي التساقط لأن بالعاده اي زيت او اي خلطه تسبب لي التساقط والتهابات ... راح اخبركم عنها في موضوع اخر انشالله ..

**كيرلي** · 25-11-2008, 11:00 AM

شكرا كتير اختي شذا على المعلمومة والإفادة..

اول مرة أمع عن هذا الشامبو.. صنع أي بلد؟؟

وبانتظار موضوعك القادم ان شاء الله

**شذا_شذا** · 25-11-2008, 12:47 PM

اسم المنتج رواش ومعروف عنا بمراكز التجميل ...

مكتوب عليه ... made in Switzerland سويسري الصنع

**سيدة ملعقة33** · 25-11-2008, 05:22 PM

شكرا عزيزتي
بس من وين ممكن اشتريه؟

**شذا_شذا** · 25-11-2008, 05:56 PM

بالصيدليات .. ومراكز التجميل موجود ... تلقين معاه ملطفات للشعر وكريمات وكل مستلزمات الشعر .. وكلها روعه

**سابية العين** · 26-11-2008, 10:23 AM

الحمد لله اختي شعرك تحسن و ان شاء الله عقبال عند شعري
و الله اشعر اني بحاجة ماسة لهذا الشامبو و التونيك بس نفسي أعرف فين القاهم في الرياض / السعودية
اذا اي وحدة عندها فكرة يا ليت تدلني و جزاها الله الخير
شكرا لك عزيزتي على الافادة