ما الأجمل للعروس ...؟؟؟

**الغصن الرطيب** · 17-12-2002, 11:32 PM

مراااااااااااااااااااااااحب
عندي استفسار وأحب أن أرى رأي الاخوات في هذا المنتدى .
أخواتي ما الشيء الذي يساعد على ابراز جمال العروس وابراز أنوثتها في
ليلة زفافها من ناحية طريقة تصفيفها لشعرها (طبعا اذا كان شعرها طويل )أهو ...
الشعر المفتوح أم التسريحه.........؟؟؟؟؟؟؟؟؟؟؟؟؟
أتمنى ان أرى وجه نظر أكثرية العضوااااااااات ..
والمعذرة ..

**om-maryoom** · 17-12-2002, 11:50 PM

اكيد المرفوع الى الاعلى
انا شوي خيالية يعني اذا تتذكرين تسريحة سندريلا بالحفلة رووووعة
وناعمة ماكو احلى من جذي ومكياج ناعم طبيعي يبرز الجمال وليس المكياج

**الغصن الرطيب** · 17-12-2002, 11:58 PM

تسلمين يا الغالية على ردج ..
ما شاءالله خياليه ..
واسمحيلي ابدي رايي .. فعلا التسريحه المرفوعه حلوة بس المشكله
ما تناسب كل العرايس ..مثلا انا طولي 164 وبلبس كعب عالي قولي اقل شي 10 سم
لان فستاني طبقات ويحتاج اني ابرز طول القامه ,, عشان هذا للأسف حتى لو سويت
تسريحه بتكوووون هادية جدا ..
اشكرج الغاليه على ابداء رايج وفي انتظار باقي الاخوات ..

**أم سارونا الحلوة** · 18-12-2002, 02:06 AM

الف مبروك عزيزتي انا بقولك عن نفسي انا في زواجي سويت مثل التسريحات اللبنانية يعني الشعر مرفوع لفوق وعملتله بفير على النار وطلع متموج وحط لي فيه كرستالات صغيرة وكان مكياجي لبناني بس قوليلي انت من وين عشان افيدك اكثر .

***كـراميل*** · 18-12-2002, 03:25 AM

سلام

ولا يهمك يا عروسنا

حسب خبرتى ووصفك

لك طريقتين

اولها:-

تسريحه ولكن تكون مو مرتفعه
اى مو فوق الراس لانها بتعطيج
طول ومنظرها اساسا مو حلو ابدا

يعنى تكون منخفظه او ورى الراس بحيث
يبان منها القليل على الجوانب

الطريقه او الخيار الثانى

انك تعملى نص تسريحه وباقى الشعر منسدل او رول

حضرت لك صورا ولكن النت شوى تعبان ادرجها غدا

سلام

واتمنى اكون افدتك

**الغصن الرطيب** · 18-12-2002, 02:37 PM

أم سارونا الحلوة
مشكوره الغاليه .. وتسلمين على ردج .. وانا عيناويه من الامارات ..
,,,,,,,,,,,,,,,,,,,,,,,,,,,,,,,,,,
كـراميل
مشكوره وما تقصرين .. دومج في الفزعات ..
وانا في انتظار الصور ..
يعطيج الف الف الف عافيه ..
,,,,,,,,,,,,,,,,,,,,,,,,,,,,,,,,,,
وشكررررررررررا للجميع ..
أختكم
الغصن الرطيب

**دارينو الحلوة** · 18-12-2002, 03:30 PM

احب النعووووووووووووووومه والبساطه
مكياج العروس احب التركيز على عيونها
لانه ماكو احلى من عيون الخليجيه
والتسريحه هم تكون بسيطه بس لافته للنظر يعني
اذا كان مكياجي مكثف على عيوني والروج في قمه النعومه
وافضله سائل فالتسريحه من الطبيعي تكون ناعمه واذا كانت الطرحه دانتيل فرنسي
تصير العروس عجيبه
دارينووووووووووووو

***كـراميل*** · 18-12-2002, 06:23 PM

سلاملم..

لك الصور

تلاحظين بهالتشكيله انها تسريحه لكن مو عاليه وناعمه وراقيه

هنا حطيت لج علامه الصح على اللى يمشى معك
وخطأ على الاشياء اللى ما تمشي

هالتسريحه جمع بين التسريحه والشعر المفتوح
وانا جربتها شخصيا فى عرس حد من الاهل
وكانت رائعه على بس التشكيله اللى فوق
غير طبعا على حسب الكويفيره وافكارها

وتحياتى

**الغصن الرطيب** · 18-12-2002, 11:31 PM

مرحبا بأحلى دارينو في المنتدى.. رايج يهمني .. والحمدلله انج علقتي على الموضوع ..
وتسلميييييييييييين يا الغاليه ....
,,,,,,,,,,,,,,,,,,,,,,,,,,,,,,,,,,,,,,,,,,,
كراااااااميل ..ربي يسلمج ويوفقج .. مشكوره على الصور .. ادري تعبناكم معانا ..
بس السموووووووووحه منكم ..
اختكم ...
غصووووووونه