شنطة سارة لفرد وتنعيم الشعر.

**بشاير** · 14-12-2002, 05:10 PM

احلى سلالالالام لأحلى بنات في الدنيا ..
بصراحه صارلي مدة طويلة ما كتبت أي موضوع معاكم ولا أي مشاركات أعذروني لأن ظروف شغلي وايد متعبتني ... المهم اليوم عندي خبر يمكن ينفع البنات أللي عندهم مشكلة خشونة وتجعد الشعر ...

من يومين كنت عند الحواج ( العطار) وبالصدفة طاحت عيني على شنطة مكتوب عليها (( شنطة سارة لفرد وتنعيم الشعر بالوسائل الطبيعية)) المهم سألت الحواج وقال لي انها طبيعية 100% وما فيها أي مضره لأنها خلطة اعشاب ومعاها زيت معالج،،، بس بصراحه ما شريتها لأني ما أحتاجها ابدا لأن شعري ناعم ورقيق مثل الأطفال ... لكن افكر اقول لصديقاتي واللي احبهم عشان يجربونها طالما انها إذا ما نفعت ما تضر وخاصة بنت خالتي بتنخطب قريب،، الفال لكم ان شاءالله يالعذارى ... أبي يالحلوين أللي سمعت عنها أو جربتها تقول لي عنها وخاصة بنات السعودية لأنها اصلا مصنوعة في السعودية بس .

وعندي طلب خواتي ادري انكم ما بتردوني (( شنو افضل قناع يخلي الشعرة سميكة شوي)) لأن شعري رقيق ويتطاير بسرعة بس ما أبيه يخليه دهني.

**الحب الخالد** · 14-12-2002, 05:16 PM

تسلمين يا الغالية وانشالله بنسال عنها ونجربها

وبعد الف الف الف مبرووووووووووووووووك لبنت خالتج

وتسلمييييييييين

**بشاير** · 14-12-2002, 05:28 PM

مشكورة أختي الحب الخالد على الرد وتسلمين .

**أم مرح** · 14-12-2002, 09:13 PM

مشكووورة أختي بشاير ولكن ماتعرفي محتوياتها بالضبط أو من أي منتج
واستخدامها مرة وحدة ولكي جزيل الشكر

**عسل النحل** · 14-12-2002, 10:50 PM

سلاااااااام
انابصراحه انصحكم لا تجربونها لأني جربتها على اختي ااصغيره وما سوى اي شي بالعكس صار ريحة شعرها كله اعشاب لين الحين وخرب شعرها
وطريقة استعمالها صعبه
وسلامتكم

**بشاير** · 16-12-2002, 11:29 AM

عسل النحل متأكده عزيزتي من كلامج ؟ لأن الحواج مدحها وايد ويقول انها تخلص بسرعة من كثر اللي ياخذونها ، مع ان سعرها غالي شوي ، على العموم ينات أللي عندها معلومات زود تقوللي عنها .

**تفاحة حمراء** · 16-12-2002, 12:14 PM

انا بصراحة اختي استخدمتها وهي كانت جايبتها من السعودية و هم بنت خالي مستخدمتها و هي حلوة وتنعم الشعر و الحين امي جايبة لاختي الثانية وهم حطتها و طلع شعرها ناعم لكن يقولون انه اذا استخدمته مرة ثانية رهح يطلع احلى
وشكرا

**بشاير** · 16-12-2002, 12:58 PM

مشكورة أختي تفاحة حمراء على الرد ،، بسألك عزيزتي صج أن لازم تنحط على الشعر 18 ساعة مثل مايقول الحاوج، مو جنها مدة وايد طويلة الله يعين أللي بيستخدمها.

**بشاير** · 16-12-2002, 01:02 PM

عزيزتي أم مرح : كل أللي سمعته أن بداخل الشنطة كيسين من أعشاب مخلوطة ،الأول يفرد وينعم ويسود الشعر ، والكيس الثاني يستخدم إذا وحده تبغي تغير لون شعرها للبني الكستنائي....يعني ما تبغي الأسود ... وفي بعد زيت لتنعيم الشعر بعد الفرد يستخدم اعتقد كل اسبوع مرة .