السلام عليكم ............
انا كنت عايزه اسأل البنات اللي ليهم تجارب مع مكواة الشعر السيراميك ويقولولي رأيهم فيها ايه وايه احسن نوع انا عايزه اشتري واحده ومحتاره في اي نوع انا شعري خفيف وناعم بس بيهيش وفيه كسره وعايزه حاجه تكون فيها درجات اتحكم فيها عشان متحرقش شعري انا حاطه صور للانواع اللي محتاره مابينهم ياريت اللي يعرف حاجه يقوللي وعن الاسعار برضو وجزاكم الله كل خير ........

hi
انه شريت شركة rowenta- elite او وايد زين مو بس مكواة في 8 قطع لكل انواع التزين في الشعر -- كسرات-كيرلي-ويفي-لفات اطراف-لفات حيوية-
بس نفسي افضل شركة braun احسن الانواع اهي

يلا يا بنات........


في انتظار الردود

انصحك ماركة بيبي ليس بالسيراميك

حبيبتي اذا شعرك ناعم لا تستخدمينها والله تحرق الشعر اختي عدها امجوي 2 في 1 تفرد الشعر وتبرمه وحلوه سعرها بحدود 140 ريال

انا عندي واحد حلو كتيير
احسه عملي اكثر من السشوار لاني لا اتمكن من استشوار شعري من الخلف
ومريح جدا

متشكره اوي لكل واحده ردت عليا بس انا امبارح جبت البيبي ليس الابيض في فوشيا ب 400 جنيه من الصيدليه بس خساره فيها انا رجعتها تاني وطلبت براون بس هي مش عندهم ولسه هايجبهالي اكيد هاقولكو عملت ايه اما البيبي ليس اللي انا جبتها بصراحه وحشه جدا فيه 2 درجه للحراره وضعيفه جدا جدا جدا غير انها مش بتقفل على الشعر كويس علشان يتفرد لازم ادوس عليها بأيدي وطبعا هي سخنه غير انها قطعتلي شعري وبتخلي الشعر هايش زي ماهو بس مفرود والله مقرفه ودي اول تجارب ليا مع السشوار والمكوى يارب اجرب البراون وتكون حلوه اللي جايب براون رأيو فيها ايه واي موديل لأن زي ماسمعت ان في موديلات كتير اوي منها وجزاكم الله كل خير ...........

مش عارفه والله بس جربتها بالكوافير خالت شعرى تحفه بس مش عارفه انهى ماركه بصراحه
مرمر

والله يا اختى الشركات كثيره وموديلات كثير حول جهازى السراميك

وا ن شاء الله البنات افادوك من خبراتهم

انا عندى مكواة سيراميك براون العاديه اللى انتى واضعه صورتها اسفل على اليسار وهى هايله فعلا وانا شعرى جاف ومكسر
لافضل النتائج وبناءا على نصيحه البائعه لى
يجب تجفيف الشعر اولا بالسشوار
يدهن الشعر على خفيف بالسيروم اى نوع متوفر عندك وهذا لحمايه الشعر من الحرارة ويعطى لمعه جميله
اختارى درجه الحرارة المناسبه لك وهى فيها 13 درجه حرارة وانا باضبطها على رقم 10
مناسبه لى جدا
خذى فى كل مرة خصله صغيرة وحاولى تلفى الاطراف لتحت ومن تانى او تالت مرة ها تقدرى تحصلى على نتيجه مشابهه لنتيجه الكوافير وعلى فكرة استعمالها سهل جدا
انا اشتريتها من قطر ب 156 ريال قطرى ومش عارفه سعرها فى مصر كام اعتقد فى حدود 400 جنيه
انا كمان جربت بيبى ليس عند الكوافير لكن براون عجبتنى اكتر بكتير المهم انك تفتحى كسرة الشعر بالسشوار قبل استعمال البراون