السلام عليكم
ازيكم يا بنات
عاوزين افادتكم يجازيكم الله خيرا
انا جحالى من السعوديه زيت الحشيش وزيت ام الجدايل
بس مش عارفه استخدم مين الاول ولا ازاى

استخدم واحد ولمنا يخلص اجرب التانى ولا اعمل ايه
وياريت حد يقولى تجربته وكيفيه الاستخدام

اختي الغاليه
احزرك من استخدام زيت الحشيش لا نه محرم يدخل تحت تصنيف المخدرات
ولقد سمعت عن فتاه كانت اذا وضعت زيت الحشيش على شعرها اغمى علها لانه مضر لخلايا المخ
اللهم قد بلغت فاللهم فاشهد

مشكور اختى على التحذير
لكن انا لما عملت بحث بجوجل
قريت ان زيت الحشيش مستخرج من حشيش الارض وليس الحشيش المخدر

والله مادري لكن ممكن له انواع او ممكن لتمويه
على العموم انا بلغتك والافضل الابتعاد عن الشبهات

وهو محرم لاختلاط الحلال بالحرام

جزاكى الله خيرا
بس اعتقد ان لو الحشيش المخدر مكنش هيتداول كده بالمحلات

وانا قريت حاجات كتير عن حكم الشرع فيه قبل شراه

يا رب البنات يفيدوكى يا ايمى لانى محتارة ذيك بالظبط و شكرا يا جميل

يارب يا ريرى
ميرسى يا قمر على الرد

احلى قطة
استعملى كل واحد منهم ره بالاسبوع بالتناوب
يعنى الاسبوع ده زيت الحشيش
الاسبوع اللي بعده ام الجدايل
والاسبوع التالت تريحي شعرك فيه من الزيوت
لان كترها على الشعر وحش ( هينشفه ويخليه هايش او ملزق )
واستعماله بانك تحطيه على شعرك قبل الشاور مثلا بساعتين على الاقل ووتحطي على الجذور وتدلكي فروة شعرك بيه كويس وخاصه المناطق اللى شعرك ضعف فيها وبعدن تلفي شعرك ببونيه شعر اللى هو عامل زي المشمع وتعدى
بيه فتره مش اقل من ساعتين وبعد كده تفكيه تسرحيه عشان الزيت كله ييجي على الاطراف بعدين تلفيه تانى ساعه كمان وبعد كده تستحمي وتغسليه عادى جدا بماية دافيه وبعدين بمايه فاتره وطبعا مع شامبو وبعد كده تعملى حمام كريم اى نوع عندك
لان الزيت عامه بينشف الشعر
اى سؤال تانى انا معاكي

جزاكى الله خيرا على الرد يا يميم
بس رايك استخدمه كل يوم ولا يوم ويوم
لانه لو كل يوم فغسيل الشعر يوميا
مش هيديله فرصه يفرز الماده الدهنيه الطبيعيه ولا رايك ايه