تيجو نلون شعرنا من غير اى صبغة او اكسجين للون البنى المحمر

**ميمايا** · 09-10-2007, 09:50 PM

السلام عليكم ورحمة الله وبركاته

عايزة تلونى شعرك
محتاجة للتجديد
بس خايفة من الاكسوجين لانه بيقضى تماما على خصلة الشعر
انا لقيت الحل بالصدفة
وهو حل جميل جدا وامن ويارب تعجبكم
عايزة تلونى شعرك لايه ايه رايك فى اللون البنى المائل للاحمر
خليكى معايا للاخر ومش هتندمى
ابشرى البصل وضعى عليه كمية مناسبة من الشاى واتركيهم شويه لما يتخلطوا ببعض واعملى ماسك لشعرك
وان شاء الله هتلاقى النتيجة وهتعجبك انتى كمان
وما تنسيش تدعيلى وتردى عليه مستنياكى
على فكرة عارفة ان الريحة هتكون صعبة لكن مش هتبقى اصعب من ريحة كريمات وماسكات كتير وان شاء الله هتروح مع الشامبو وهتشوفى الفرق

**سميرة81** · 09-10-2007, 09:57 PM

اختي يعني كيف نضيف الشاي نفسه ولا موية الشاي تقصدين وكم المدة اللي ينحط على الشعر والمقادير بالضبط مثلا شعرك لحد فين وكم مقاديرك ونقدر احنا كل وحدة على حسب طول وكثافة شعرها وهل شعرك غامق وصار افتح بهذه الخلطة واول مرة اسمع عن طريقة تلوين للشعر من دون حناء يالله نجرب

**ميمايا** · 09-10-2007, 10:37 PM

اولا تسلميلى يا سميرة على اهتمامك
بصى انتى تحطى الشاى نفسه مش ميته اوك
على العموم انا شعرى طويل بس مش كتير وكثافته معقولة علشان كدة انا صنعت كمية تكفينى وهى انى بشرت بصلة كبيرة وبالنسبة للشاى حاولى تحطى كمية كافية
على فكرة فى شعر مبيتغيرش لونه الا بالاكسوجين اللى فى الصبغة وهو الشعر الاسود الغامق
اما انا فشعرى بنى نحاسىولما اتغير احمر اكتر انتى مش عارفة ان الشاى بنحطه مع الحنة علشان يحمر الشعر
ويارب تعجبك ومتنسيش الدعوة لاختك ميمايا

**سميرة81** · 10-10-2007, 10:58 AM

هنيءا لك يا اختي شعرك فاتح انا شعري اسود سواد الليل لكن بحاول اجرب يمكن اشوف شوية تغيير لأني تبت من الصبغات الي دمرت شعري واللحين بحمامات الزيوت وكمان بطلت السشوار بدأت استرد شعري جميل يعني تموجات ناعمة ومش جافة وحتى ما صرت احتاج ادهن شعري الحمدلله على النعمة لا يكمن اصبغ ثاني واصبحت احنيه في ثلاثة اسابيع او في الشهر مرة وبستمر كذا بس بجرب خلطتك علشان هي طبيعية ولو ما لونت ما عليه المهم ما تجفف الشعر