اللي عانت من شعرها ومو راضي يطول

السلام عليكم
كيفكم با بنات منتدى لك؟
هذا اول موضوع أكتبه هنا في المنتدى
أدري كان المفروض اول موضوع لي يكون في منتدى الترحيب
بس شسوي كل واحد واهتماماته وانا بصراحه احب قسم الشعر
تعرفون مثل ما يقولون الشعر نص جمال المرأه مادري عن صحة المقوله
بس أمي دايم ترددها علي أنا وأخواتي
المهم
الموضوع هذا للي يعانون من شعورهم
يعني حطو فيه كل شئ تتوقعونه زيوت وحناء وأعشاب وفي بعضهم يحطون فواكه ومواد كيماويه
مواد طبيعيه لكن بالأخير يقولون ياربي ليش شعري ما يطول
أقول لك ... ترا العيب مو في شعرك...الشعر نعمة من عند ربي لا تخلينه في يوم من الأيام نقمة وتتأزمين منه مثا ما يصير مع بعض البنات الله يهديهم يقولون شعري يفشل وما احب أفكه واتدلع فيه قدام صديقاتي
الحل ومافيه انك لازم نتبهين لشعرك كويس
أول شئ نتكلم عن خلطات الشعر
دايم تقرين في المنتديات او في مجلات خلطة الـ ...... تطويل الشعر او خلطة الـ ...... لتكثير الشعر
وتروحين تجربينه وبعد الفتره اللي هم كاتبينها عشان ظهور النتيجة تلقين شعرك ما اعطاك النتيجة اللي انتي تبغينها
ههههههههه تحصل معاي كثييير
بس أقول لك الأسباب
1- أنتي عارفه ان كل وحده نوعية شعرها تختلف عن الثانيه ... يعني شئ أكيد ان شعرك مو زي شعرها هي يمكن شعرها من النوع اللي يستجيب للزيوت بسرعه وأنتي لا
2- او يمكن الزيت او خلطة الزيوت او خلطة الأعشاب ما تناسب شعرك بنفس الدرجه اللي ناسبت شعرها
3- دايم تلقين مكتوب في مواضيع المنتديات او المجلات " يطول شعرك في أسبوع او في شهر" يعني حاطين لك مده زمينه
وتروحين ياقلبي عليك تشدين حيلك في المده اللي هم كاتبينها وتكونين مهتمه في شعرك مره بعد هذه الفتره يخف اهتمامك لانك ما لقيتي النتيجة المطلوبه وهنا أكبر مشكله
مثل ما قلنا قبل شعر عن شعر يختلف وشئ طبيعي ان شعرك مو زي شعرها يمكن يطول قبل المده اللي هي كاتبها او بعد المده بفتره
لكن المهم اللي لازم تتأكدين منه اي شئ تحطينه على شعرك له تأثير عليه
4- مو كل الزيوت تناسب شعرك ومو كل الأعشاب تناسب شعرك يعني لما تسمعين عن زيت انه يطول او ينعم او يكثر ولقيتي مفعوله عكسي هذا دليل انه ما يناسب شعرك وعلى طول توقفي عن استخدامه
:
وفي حاجه مهمه وهو الاستشوار
المده اللي انتي تحطين فيها الزيت على شعرك نقول مثلا انتي مخصصه شهر للزيت الفلاني عشان يطول شعرك
يسمونها فتره علاج الشعر
طووول هذه الفتره انسي شئ اسمه استشوار وياحبذا تخلين احد يخبيه عنك عشان حتى لو فكرتي تستشورين شعرك ماراح تلقين الاستشوار
وبعد حاجه مهمه انك ما تخلين شعرك دايما مفلوت فتره علاج الشعر تخلينه طول الوقت مربوط لان الهواء الخارجي يأثر على الشعر وأشعة الشمس لها تأثيرها
والاخير لا تنسين قبل ما تحطين أي شئ على شعرك او حتى تمشطينه تسمين بالرحمن
ودايما احمدي ربك على النعمه لان شكر النعمه تدوم وجحود الشكر زوالها
السموحه منكم هذا اول موضوع وهذرت واجد بس انتم خوذو خلاصة الموضوع

موضوع راااااااااائع يالغلا ..

و كل اللي كتبتيه صح ..

ربي يوفقك ..

حبي ..

ملامح القمر

تسلمين حبيبتي

يوفقك الجميع إن شاءالله

ياحبي لك انتي وهاللقلب الاكثرمن رائع
صراحة كلام من ذهب اختي وهي اختي ماقالت لي هالكلام
الله يعطيك على قد نيتك وحبك لنشر الفايدة لغيرك
اموووووووووواة

ياهلا الا السعودية
ههههههههه ياحياتي انتي
هو صدق كلام من ذهب بس تعرفين هذرتي واجده شويتين
يعني السوالف خليها على جمب
وخذي المفيد منها
أدعيلي اوكي

الله يكرمك احلى جمله قولتيها هي الجمله القبل الاخيره المكتوبه بالاخضر
زي ما بيقولوا في مصر (فيها المفيد )

هههههههههه شكرا موندي على الدعوه

يجزيكى الله كل الخير
على النصائح والمعلومات الغايه والمفيده

والاخير لا تنسين قبل ما تحطين أي شئ على شعرك او حتى تمشطينه تسمين بالرحمن
ودايما احمدي ربك على النعمه لان شكر النعمه تدوم وجحود الشكر زوالها

صادقة ، وليت هذا في البداية مع الدعاء ، فقد كانوا يسألون الله لو أنقطع شسع احدهم أو يسألوه الملح ! بارك الله فيك أحب أمي كثير أنا أيضا

يعطيك العافية ويخليك لامك يارب