انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 16

الموضوع: طريقة عمل الطقية المصرية للشعر

  1. #1
    تاريخ التسجيل
    Jan 2007
    الردود
    76
    الجنس

    طريقة عمل الطقية المصرية للشعر

    السلام عليكم
    ازيكم؟ عاملين ايه ؟ اتمنى تكونو كلكم بخير يا رب
    انا جايبالكم موضوع جديد و لاكنه معروف جدا في مصر
    ماما قالتلي طريقة كانت بتعملها زمان هي و اخواتها بدل السيشوار و الحاجات المضرة للشعر
    وهي اسمها الطقية بتعمليها قبل النوم بخمس ساعات و تقلبيها على الجانب التاني قبل النوم مباشرة و لما تصحي هتلاقي شعرك زي السيشوار
    فائدة الطقية:
    تنشط الدورة الدموية في الراس و ده بيخلي الشعر يطول و انتي هتحسي بسخونة في شعرك و ان فعلا الدم بيوصل للشعر
    تعالج التقصف بكثرة الاستخدام
    و كثرة استخدامها تكثف الشعر و تجعله ناعم
    ما تحتاجينه لعمل الطقية:
    مراية كبيرة
    مشط خشب واسع لتسليك الشعر
    مشط خشب ضيق جدا يستخدم بعد التسليك
    بنس شعر
    كريم مغذي لا يشطف او كريم منعم استخدمي اللي يعجبك و يريح شعرك
    ايشارب قطن 100%
    الطريقة:
    غسل الشعر و تنشيفه بمنشفة الشعر(الفوطة)
    اقلبي شعرك للامام مع وضعية تجعل شعرك لا يرجع للخلف اي مثل وضعية الركوع
    ضعي كريم الشعر
    سلكي شعرك حتى يكون سهل التسريح
    و استخدمي بعد ذلك المشط الخشب لعمل الاتي:
    مشطي الشعر من الخلف للامام كله و بعد ذلك ضعي بنسيتين جنب بعض في وسط الشعر
    مشطي الشعر اللي بالجانب الايمن و هاتيه على الجانب الايسر و ثبتيه ببنسة شعر و كملي تمشيط الجانب الايمن اللي ثبتيه مشطي بقيته مع الجزء الايسر و اجعلي اتجاهك كله للجانب الايسر و لفيه على الراس بشكل دائري مع التثبيت بالبنس و يجب مراعاة انك تجعلي شعرك في النهاية بعد كل ذلك غير متشابك و شكله متناسق و مفيش شعر واقف من اي جنب
    ضعي الايشارب القطن و اربطيه مع مراعاة ان شعرك كله يكون متغطي
    بعد خمس ساعات اي قبل النوم مباشرة فكي الايشارب و اخلعي البنس و لا ترجعي راسك للوراء اي يكون شعرك كله للامام و اعملي الجانب الايسر بحيث يكون كل اتجاه الشعر( ماعادا اللي في الوسط )تجاه اليمين و ثبتي الشعر بالبنس و ضعي الايشارب القطن و يكون الشعر كله متغطي و اربيطيه و نامي
    و الصبح فكي الايشارب و البنس و سرحي الشعر جزء جزء ليسها تسريحه من من الامام للوراء و شوفي شكل شعرك جميل ازاي و لو هايش شوية ممكن تحطي لمسات كريم عليه عشان ميكنش هايش
    بس هيروح النعومة لو جبتي عليه مياه يعني لو غسلتيه هيروح كل دهبس هتلاقيه طري

    انا بعمله على طول و شعري اتحسن الحمد لله عن الاول
    بس متخفيش في الاول هتلاقيها صعبة و مش مظبوطة لاكن مرة بعد مرة هتتظبط معاكي

    اللي يجربها و تعجبه يقولي عايزة ردودكوا بس لازم متكونوش متعصبين على شعري و متشدوهوش عشان ميوجعكوش

    عايزة ردودكم و رايكم ردو عليا اول ما تجربوها هي سهلة جدا بس شرحها صعب جدا

    مستنية رودودكم و متخفوش دي عن تجربة اجيال و انا منهم

  2. #2
    تاريخ التسجيل
    Apr 2007
    الردود
    360
    الجنس
    ذكر
    يسلمو على الفكرةالجميله والسهله

  3. #3
    تاريخ التسجيل
    Aug 2007
    الموقع
    في قلب زنزانة الحب
    الردود
    410
    الجنس
    مشكورة اختي على بوكي

    على العملية هذي وانا كنت حابة اعرفها من زمان بس ما كنت اعرف كيف اعملها

    وانتي دلوقتي ساعدتيني تسلمي حبيبتي

    الله يخليكي يا رب

  4. #4
    تاريخ التسجيل
    May 2007
    الموقع
    الاسكندريه. مصر
    الردود
    2,865
    الجنس
    أنثى
    شكرا ليكى
    انا ماما بتعملها ليا
    وهيا بتعملها
    بس عايزة اسالك سوال انتى منين
    علشان انا عارفه ان اسمها دوامه

  5. #5
    تاريخ التسجيل
    Aug 2007
    الردود
    55
    الجنس
    اهلا يا بنات اه هى فعلا اسمها دوامه بس فى اسكندريه
    لكن فى القاهره والمحافظات الاخرى فى مصر بنقول عليها طقيه
    بس حبيبتى عايزه اسألك هى مش بتوجع الشعر لانى عملتها قبل كده كام مره كده وحسيت بعد ما قلبتها ان شعرى واجعنى جداااااا وخفت لحسن تعملى تساقط ولا تنحل شعرى من قدام مع انى معترفه انها بتنعم الشعر جداااااااا وبتفرده فعلا

  6. #6
    تاريخ التسجيل
    Aug 2004
    الموقع
    فى اجمل وطن فى الدنيا مصر
    الردود
    901
    الجنس
    أنثى
    الف شكر على الموضوع انا بردة استغربت لانى اقول عليها دوامة
    انا بقى مبعملش غيرها اصلا وكنت مفكرة انها حاجة عادية بتعملها كل البنات

  7. #7
    تاريخ التسجيل
    May 2007
    الموقع
    الاسكندريه. مصر
    الردود
    2,865
    الجنس
    أنثى
    حبيبتى هيا بتوجعك علشان شعرك مش متعود انك تغيرى التسريحه بتعته
    بتعملى تسريحه معينه ومش بتغيريها
    اما با النسبه انه هيا تنحل الشعر لما تتعمل كتير
    وده كلام ماما واحده صحبتى
    فكانت بتقول نعملها مرة او مرتين فى الشهر علشان الشعر مينحلش

  8. #8
    تاريخ التسجيل
    Mar 2007
    الموقع
    انا ان قدر الاله مماتي لا تري الشرق يرفع الرأس بعدي
    الردود
    1,828
    الجنس
    أنثى
    مشكورة بس كنت عايزة اوضح حاجة مهمة جدا ان الطقية غلط لانها بتشد الشعراية عشان تفردها وكده بتتسبب في تساقطها ودي بقي كتير اعرفهم عانوا من الموضوع ده وسبب الوجع طبعا عدم تغير تسريحة شعرك بالاضافة الي شده ووقوعه وربنا يستر تحياتي وقبلاتي للجميع

  9. #9
    تاريخ التسجيل
    Jul 2007
    الموقع
    مصر ام الدنيا
    الردود
    221
    الجنس
    امرأة
    ايوة فعلا انا كنت بعملها مرتين او تلاته فى الاسبوع بعد كل حمام بس نحلت الشعر من قدام ومن الجناب فياريت ماتعملوهاش غير مرة او اتنين فى الشهر لكن بجد هى بتخلى الشعر حرير ومبقتش اعملها غير للضرورة

  10. #10
    تاريخ التسجيل
    May 2003
    الموقع
    الرياض
    الردود
    628
    الجنس
    أنثى
    يسلموو طريقه حلوه بس تصلح للشعر المتساوي

مواضيع مشابهه

  1. طريقة عمل المحوجة المصرية للتسمين
    بواسطة وردة الفراعنة في ركن التغذية والصحة والرجيم
    الردود: 11
    اخر موضوع: 17-10-2011, 06:05 AM
  2. طريقة عمل الحاووشى على الطريقة المصرية
    بواسطة gehadkhaled في المعجنات والسندويشات والفطائر والخبز
    الردود: 14
    اخر موضوع: 16-03-2009, 01:43 PM
  3. طريقة عمل طبق أم على الطريقة المصرية
    بواسطة wida في الحلويات والكب كيك والكيك وحلويات العيد
    الردود: 5
    اخر موضوع: 14-08-2007, 09:22 AM
  4. طريقة عمل طبق أم على الطريقة المصرية
    بواسطة wida في المعجنات والسندويشات والفطائر والخبز
    الردود: 1
    اخر موضوع: 10-08-2007, 12:27 PM
  5. طريقة عمل القطايف المصرية
    بواسطة sherynawar في الحلويات والكب كيك والكيك وحلويات العيد
    الردود: 2
    اخر موضوع: 01-07-2007, 09:48 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ