زيت فاتيكا ..... ام زيت بارشوت

**بشاير** · 17-08-2002, 12:22 PM

أحلى ســـــــلام لأحلى بنات...

لاحظت ان الكل يمدح بزيت فاتيكا ( زيت من دابر بجوز الهند) ..... وبعد لاحظت الجميع يمدح بزيت بارشوت ( بجوز الهند أيضا) ورغم أن الأثنين من نفس الماده ...حبيت آرائكم في الأفضليه من حيث سرعة إطالة الشعر ولمعانه وكثافته..واللي جربت الأثنين بعد وايد زين لا تبخل علينا برأيها في أيهما أفضل من خلال ملاحظاتها ....يالله يبنات عاد لا تفشلوني وردوا علي عشان الكل يستفيد..

**ونات** · 17-08-2002, 02:34 PM

هلا عيوني..انت تامرين امر..
زيت الباراشوت حلو...لكن دابر احلى...جربته انا واخواتي وشعورنا مختلفه..تصدقي..نفع الجميع..والكل خلاها الزيت الأساسي..يعطي لمعه للشعر..ونعومه,,بس انا احب انام به يعطي نتايج اسرع..وريحته كمان حلوه...هاه ..ان شاء الله اكون افدتك..

تسلمين لي.

**she** · 17-08-2002, 03:44 PM

بشاير
انا ماجربت بارشوت لكن فاتيكا مرة روعة
وزي ماقالت همسات ريحتة مقبولة

**عروس البحرين** · 17-08-2002, 03:48 PM

إي والله آنه جربت فاتيكا وايد حلو

وريحته بعد حلوه

**شمعة نجد** · 17-08-2002, 03:59 PM

هلا بشاير...
انا استعمل فاتيكا وفعلا ممتاز وريحته مقبوله.
وبارشوت ماجربته..

**مرايم** · 17-08-2002, 05:33 PM

وأنا جربت باراشوت .. ومن زمااااااان استخدمه .. هو ريحته زينه .. خفيفة ومقبولة .. ينعم الشعر خصوصا الجاف .. بس الظاهر من كلااام البنات انه فاتيكا أحسن .. إن شاء الله بجربه ..

**A m s** · 17-08-2002, 07:47 PM

مرحبا اختى بشاير

انا ا سيرة الحب ا ستخدمت فاتيكا وفاد للشعري وشعري من النوع الجاف
نعومه واعطاء لمعان وطول شعري واحس انا شعري تختفي الكسرات؟

معا انا تونى مستخدمتها؟ ما اخذ الا 3 اسابيع.

بااااااااااى
مع تحياتى:

ا سيرة الحب

**بشاير** · 18-08-2002, 11:27 AM

أخواتي العزيزات:
همسات الصحراء
she
عروس البحرين
شمعة نجد
مرايم
A M S
تسلمون والله على التفاعل والتجاوب ، لاحظت أن معظمكم يفضل زيت (فاتيكا) مع أ،ي بصراحه لحد اليوم كنت أستخدم بارشوت ، وأقول ((كنت)) لأني ناويه من اليوم أجرب فاتيكا ( ومن تجاربكم نستفييييييييييد ) مشكورين وايد وماقصرتوا

**هيونه** · 18-08-2002, 02:49 PM

مرحبا خووواتي
حبيت اعرف عن طريق استخدامه والمده المطلوبه وكم مره احطه في اللاسبووووع

**زعفرانه** · 18-08-2002, 03:19 PM

مرحبا أختي أنا استخدم زيت الفاتيكااااااا نفس ما قالو معظم البنت انه واايد زين ومفيد للشعر
صح انه طول شعري وايد في فتره اقل عن 3 أشهر بس شعري حسيت انه قام يتساقط
صح انه طول لكن استوى خفيف وايد ورحت قصيته شوي عشان يستوي كثيف يعني ما استفدت شي

وانا استخدمه في الاسبوع مرتين تقريباااااا
وأحطه قبل لا انام لانه مكتووب عليه للحصول على افضل النتايج ضعيه قبل النوم
وفعلا يصبح ناعم وبتلاحظين شعرج طول بس عن سالفه تساقط الشعر يمكن شعري ما استحمله
وأنا في هالفتره ما اقدر اغيره لازم استمر عليه على الاقل 6 اشهر يمكن يناسب شعري مع الايام لانه لو الوحده تمت كل فتره تغير الزيت شعرها بخترب