تبغي تفردي شعرك بمواد طبيعية؟؟؟ أتفضلي

عندي ليكم خلطة مجربة وسررررررية دايما أسويها..
وتقدري تتحكمي في لون شعرك وتحميه من التقصفات وتفردية ازا ملفلف ..

وأحلى شي انه طبييييييييييييييييعي .. ومايخرب شعرك ولا يقصفه ولايقلله ..

أولا .. لازم تداومي عليها كل يومين او تلاتة أو أربعة لمدة طويييييييييلة جدا جدا ((5 او ستة شهور))
عادي لاتشيلو هم المدة .. خلوها عادة عندكم ..
حتتعبي .. بس النتيجة رائعة وأنا مجربة وغيري مجرب كمان ..

الي تبغى الحلاوة والجمال لازم تصبر .. مافي شي يجي بالساهل .. لحسن كل واحد فينا يبغى طريقة تظهر نتايجها في ساعتها وانا اولكم .. نبغى شي زي السحر ..

المهم ..

الحنة يبنات أحسن علاج للشعر .. والرسول كمان قال عليها ..

أولا بسم الله نبدأ

تجيبي حنة أصلية ((مو مخلوط معاها غبار أو مغشوشة))
وحنة التاج أحسن شي أو الحنة اليمنية ..
ولعلمكم حنة التاج في وحدة مغشوشة وفي وحدة أصلية ..

يعني انتبهوا ..

الخلطة :

1-تحطي كيس حنة التاج .. او كيسين حسب غزارة شعرك وطوله .. في زبدية كبيرة مرة ..
2-بالنسبة للون ..
ملاحظة (قبل ماتختاري اللون .. راعي لون شعرك ازا فاتح أو غامق ولون بشرتك هل يناسبها أم لا )

الخلطات حقت اللون :
أ-ازا تبي لون شعر أحمر مرة ..((مو أحمر الفاتح .. هداك الأحمر الي على كستنائي))
**جيبي كاستين فيها موية حارة .. وحطي في أربعة أكياس شاهي ليبتون .. أكياس يعني الصغيرة الي تشيلها وترميها بعد كدا.. مو الأكياس الكبيرة ..
واخلطيها مع الحنة .. ××ازا الحنة تقيلة برضو .. أرجعي زيدي شاهي مع الموية الحارة ..
لاتحطي موية حارة بدون شاهي .. عشان يمسك اللون ويسير أحمر ..**
هادا انا جربتو مية في المية تمااااااااااااام..

(ب-ازا تبي لون شعرك بني على رمادي ..
**جيبي البابونج الطبيعي .. وحطيه مع الحنة .. وأضيفي موية حارة ..
أو انك تجيبي كاستين موية حارة وتحطي اربعة اكياس شاهي البابونج الي زي الشاهي العادي ..
((لأنه ما شاء الله الشاهي سار بنكهات كتيرة))**


ج- ازا تبي شعرك رايح للبني الفاتح ..
**جيبي نسكافية .. وحطي المبيض حق القهوة في موية حارة ((((كأنك تشربي قهوة مع مبيض))))
وحطيها مع الحنة ..س لاتكتري القهوة نفسها **)

اللونين الاخيرين هدول ما جربتهم لكن شفت ناس عاملينو في شعرهم وسألت عن الطريقة


3- بعد كدا أضيفي الخل للخلطة .. لأنه ملمع ممتاز للشعرر .. حطي تلاتة ملاعق كبيرة .. حسب كمية الحنة ..والسائل المحطوط في الخلطة ..
وأخلطي وحطيها في شعرك . ..
واجلسي الوقت الي تقدرري عليه .. أقل شي ساعة ..

4-بعدين غسلي شعرك ..

ولاتسوي فيها النظيفة وتحطي علطول شامبو وتغسلي شعرك ..

لالالالالالالالالالالا ..



5-جيبي زيت زيتون في زبدية وانتي في الحمام .. أضيفي الزيت لشعرك وأدعكي وملي شعرك بالزيت .. عشان يثبت اللون و يرطب الشعر لآنة الحنة تنشف الشعر حبتين لكنها مرة مفيدة لفروة الراص وللشعر نفسه وتفرده ..
واجلسي 5 او 10 دقايق بعد كدا غسلي بالشامبو .. وحطي كريم بانتين الدهبي .. مرررررررررررررررررررررررررررررررة ممتاااااااااااااااز مرة ينعمممممممم وهادا أهم شي ..


تقدري تعملي مرة في الشهر ماسك لشعرك بالحنة ..

تضيفي البيض والخل ولبن الزبادي ... بدون خلطة اللووووووون ..


وأدعوووووووووووووولي .. وسامحوني طولت عليكم ..

تسلمي حبيبتي على موضوعك المفيد
لكن من الأحسن يكون في ركن الشعر

يعطيك العافيه خيتو
انا لى سنه ونص استخدم الحناء بس شكله مغشوش
كيف اعرف الحنه الاصلى

مشكورررررررررررررررررررررررررررررررره

مشكوره اخت على الموضوع

شكرا على الموضوع اختي

جزاك الله كل خير يا نونا
أكيد شكرا على تعبك بس أنا مش فاهمه أي حاجه خالص
أنا عاوزة أعرف طريقه فرد الشعر مش تلوينة
أنا مصرية ومش فاهمه لغتكم قوي .. أرجو المعذرة ومحاوله كتابتة الموضوع مرة أخري ولكن بصيغه مصرية أو بالعربي الفصيح حتى أفهم
وأسفه على التطويل
السلام عليكم ورحمة الله وبركاته

كلام جميل يا نونا ........لكن يا نونا يا ننوش يا ننونتي ويييييييين الفرد

يسلمووووووووووووووووووووووووووووو

يااختي ماعاد الشباب يستخدم الحناء لانة متعب بصراحة