خاص للمصريات و مشرفه الركن

السلام عليكم ورحمه الله وبركاته

انا مش قصدى ان موضوعى يكون للمصريات فقط لالالالالالا


انا قولت كده عشان سؤالى يمكن المصريات يعرفوه اكتر
بصو يا قمرات
انا فرحى قريب ان شاء الله ومش كنت بهتم بشعرى خاالص بشوف وصفات وبكسل اعملها
المهم بقى انا جربت الذبادى وعصير الجرجير وكان حلو
سؤالى بقى
*
*
*
*
*
*
*
*
الطـــــــــــــــــــــــــــــــــــقيه
مين يعرفها
هى عباره عن لف الشعر بعد قسمه نصفين ودى عشان تفرد الشعر انا قولت اجربها واحده قالتلى عليها
انا جربتها وكانت جميله وفردت شعرى بس سمعت انها بتقصف الشعر وتوقعه ؟؟؟ وهو واقع لوحده

باللـــــــــــــــــــــــــــــــــــه عليـــــــــــــــــــــــــــــــــــــــــكم
اللى تعرف اى حاجه مفيده لشعرى او اى حاجه عن طريقه الطقيه للف الشعر تقولى

وجزاكم الله خيرا؛

بصى يا مشمشه
انا بعمل على طول الطقيه وهى فعلا بتفرد الشعر
وعلشان ما تقصف الشعر ما تضعى بنس الشعر
وبعد نصف ساعه من لفه فوكيه ولفيه على الاتجاه التانى
علشان يبقى نصفين الشعر مفرودين زى بعض
انا بعمل كده وعليكى بالزيوت
يارب اكون قدره افيدك
ومبروك مقدما

تسلمى يا فخفخ على اهتمامك بشعرى ههههه

طيب قوليلى زيوت ايه ؟؟؟؟؟؟ وانتى اصلا شعرك نوعه ايه ممكن يكون ما شاء الله ناعم ( الله اكبر )
الله يبارك فيك ...

الزيوت زى زيت الثوم والخروع واللوز وجوز الهند
فى نوع اسمه كزنوفا بجميع انواعه وتمنه 15 او عشرين جنيه
انا شعرى من كتر الصبغات صار جاف وانا بحاول اعلجه كمان
عليكى بقص الاطراف كل 15 يوم
وان شاء الله تتمتعى بشعر جميل وزواج سعيد

تسلمى يا فخفخ بس ممكن اسالك سؤال بعيد عن الشعر؟؟؟؟

اسمك ايه؟؟؟؟

ولو انتى من مصر وتعرفى رجب العطار انا رحت له انهرده وادانى زجاجه مجموعه زيوت ( جرجير - زيتون - جنين القمح - حس -لوز - سمسم )
مش عارفه استخدمه عادى ولا حمام ولا ممكن احط عليه ثوم وذبادى وكده يعنى ؟؟؟؟؟؟

انا تعبت راسك سامحينتى
وبارك الله فيك

انا اسمى شيماء او ام جويريه
وعادى يا حبيبتى احنا اخوات اه انا عرفه رجب العطار
انا سكنه فى الهرم
من الاحسن انك تضعيه حمام زيت
وانا هقولك على واحد بيعالج بالاعشاب ممتاز والله وعن تجربه وهو فى العتبه واسمه محمد حراز
ممتاز واى سؤال انا فى الخدمه

اه نسيت اقولك ان كمان الميونيز ممتاز وبيخلى الشعر طرى جدا وجميل
جربيه حطيه على شعرك وضعى عليه بونيه بلاستيك لمده ساعه واغسليه بماء فاتر
ان شاء الله هيعجبك

تسلمى يام/ شوشو انا سمعت على حراز من تيته بس رحت لرجب ربنا يسهل واروح له ان شاء الله

بارك الله فيك .....

بصى يا مشمشة متعوديش شعرك على الزيوت علشان ميقصفش من غيرها

بصي يا قمر انا اعرف ان فعلا الطقية بتوقع الشعر لانها بتشده عشان تفرده وطبيعي لما تشده هتضعف الشعراية وهتقصفها وتوقعها بس في وصفات حلوة كتير لشعرك وحلها عندي ادخلي موضوعي وهو بأسم ( هااااااااام لجميع العضوات ) وان شاء الله هتلاقي وصفات طبيعية كتيرة مختلفة لجميع المشاكل اللي بتعاني منها يعني هتلاقي حل للشعر الضعيف والباهت والمقصف والخفيف وهتلاقي وصفات طبيعية لفرد وتنعيم الشعر وزيادة كثافتها وااااااااااااااا اقولك ادخلي وانت تشوفي بنفسك وصدقيني هتعجبك جدااااااااااااااا وماتنسيش تردي عليا وتقوليلي رأيك ايه وايه الوصفة اللي عجبتك وارتحتلها وجابت معاكي نتيجة وبعد اد ايه ظهرت النتيجة
والف الف الف الف مبرررووووووووووووووووووووووووووووووووووووووووووووو ووووك