اليوم راح أقولكم عن تجربتي مع زيت الجرجير
بكل أمانه أقول ها الزيت رووووووووووووووعه ، ينعم الشعر و يساعد على فرده و سهولة تمشيطه بعد غسله خاصة للشعر الجاف (ترا أنا شعري دهني لكني كنت أستخدم السيشوار و دمرلي شعري sid و تركت استخدامه من سنه.. يا بنات لا تستخدمو السيشوار و مع زيت الجرجير راح ترمون السيشوار و أبو السيشوار في الزباله )
و أنا أستخدم زيت الجرجير من اسبوعين و لاحظت الفرق
و ان شاء الله تستفيدون و قولولي رايكم "JH"

فعلا يافلونه السشوار يدمر الشعر والافضل ان الوحده ماتستخدمه الا فى المناسبات ...

مشكوووووووووره أختيه فلونا..
أنا قريت أن معظم الاخوات كاتبين عن زيت الجرجير والخروع.. ويمدحون هالزيتين وااايد.. وبما أن 80% يمدحون هالزيتين يعني هالزيتين مفيديين وواااااااايد اوكيه.. فلازم استخدمهم..
بس ما قتيلي أختيه فلونا.. كيفية استخدام زيت الجرجير.. يعني احطه في شعري وعقب أغسله وعقب امشط عادي؟؟ ولا أحط الزيت بعد ما أغسل شعري؟؟ وكم فتره يباله.. يعني كم ساعه؟!
وشكراااااااا..

مشكوووووورة اختي فلونا وحبيت اسالك ما يسقط الشعر في بداية استعماله
ويزيد من كثافته ولا بس اينعم 00لاني انا استعمل زيت بارشوت من سنوات ونفع شعري كثير
واخاف اغير الزيت ويتساقط شعري والسموحه منك00

عزيزتيPink_Rose
استعمال ها الزيت سهل مثله مثل أي زيت أو كريم عادي
بعد ما تغسلين شعرج و ينشف ادهنيه بالزيت(راح تكون ريحته قويه شوي في البدايه بس النتايج الحلوه بتنسيج الريحه و راح تتعودين عليها مع الأيام) و الزيت ما له وقت محدد و أنا أستخدمه يوم بعد يوم لأن شعري دهني أما اختي تستخدمه كل يوم لأن شعرها جاف ...و نصيحتي لج بعدم خلط أكثر من زيت لأن ها الشي ممكن يضر شعرج .. مع تحياتي
عزيزتي دمعة فرح
ها الزيت ما يسقط الشعر و يكثف الشعر و ينعمه ...و إذا إنت مرتاحه مع زيت باراشوت لا تغيرينه لأن التغير المفاجئ للزيت يضر الشعر واااايد (و انا جربت ها الشي) ....... و مع السلامه ......

مشكوووووووره أختيه فلونااااااا.. ويزاج الله الف خير..
بس سؤال.. زيت الجرجير يطول الشعر؟؟ ولا بس ينعمه ويكثفه؟!

هلا اختي Pink_Roze
أنا مش متأكده إنه يطول الشعر أو لأ ، بس ممكن يطول الشعر مع الإستعمال لفتره أطول.
بس أنا متأكده إنه ينعم الشعر و يكثفه و إن شاء الله راح تستفيدين من ها الزيت...و إذا عندج أي سؤال ثاني أنا حاضره