السلام عليكم, انا كنت اتمنى المساعدة منكم يا بنات, فرحي كمان شهر و كنت عايزة اسأل عن كوافير سحر اللي في المنيل, عنوانها, التليفون, والأسعار و اذا في اي فرع تاني غير المنيل عشان سمعت عنه كتير انه كويس في موضوع فرد الشعر وشكرا
للبحث في شبكة لكِ النسائية:
|
السلام عليكم, انا كنت اتمنى المساعدة منكم يا بنات, فرحي كمان شهر و كنت عايزة اسأل عن كوافير سحر اللي في المنيل, عنوانها, التليفون, والأسعار و اذا في اي فرع تاني غير المنيل عشان سمعت عنه كتير انه كويس في موضوع فرد الشعر وشكرا
وعليكم السلام
ان شاء الله الأخوات يفيدوك..
وان شاء الله تطلعي قمر 14
انا اعرفه لأنى من سكان المنيل هوا فعلا كوافير حلو هوا عنوانه اول المنيل بس ممكن اجيبلك التليفون بتاعه بعد يوم او اتنين ينفع؟؟ على فكره فى كوافير تانى هايل برضه فى المنيل اسمه سيد مرسى انا شخصيا رحتله يوم فرحى بس الماكيره اللى هناك بتعمل مكياج تحفه
دا الميل بتاعى لو تحبى التفاصيل ادخلى ونتكلم
آخر مرة عدل بواسطة الورد فى الاكمام : 02-06-2007 في 01:22 AM السبب: يمنع وضع الايميل
معقولة يا جماعة اكتر من 100 واحدة شافت الموضوع وماحدش عنده معلومة, فين المصريات؟؟؟؟؟؟
هالوووووووووو يا جميل ربنا يتمم على خير ان شاء الله ادعيلى انا كمان فرحى كمان شهر...........المهم انا من المقمين فى كوافير سحر بس مش اللى فى المنيل لاء اللى فى مدينه نصر وكنت احب اقولك انه بتاع فرد الشعر بس ده اللى انا اعرفه بس
مرسي يا جميل على الرد و الف مبرووووك بس يا ترى معاكي نمرة التليفون؟؟
حبيبه قلبى انا رحته لما نزلت مصر من 6 شهور و عملته من 5 شهور و طلع شعرى تحفه
كمان كنت بعمل خلطه هنا فى المنتدى نزلتها و كنت ماشيه عليها غزرت شعرى و طولته و رحت عملت الفرد و كان
شعرى رهيب و لازال الطول و غزاره الشعر بيعمله شكل رهيب و على فكره شعرى لغايه دلوقتى حلو قوى
و اهم حاجه علشان يعملولك الفرد ماتكونيش عامله فيه فرد او صبغه من سنه
و لو عندك تقصف اكيد هايقصولك شعرك لانه بعد الفرد هايظهر انه قش و هايكون شكله صعب قوى علشان كده
وافقى على القص من اولها كمان وهم بيعملوه هاتشمى روائح مش لطيفه من الفرد و هاتلاقى فروه راسك مولعه
( بكلم بجد بيحرق شويه ) بس هاتستحملى و ممكن تلاقى بعد يوم او اتنين كان فى اماكن متعوره بسيط لكن
ماتخافيش عادى
حاجه مهمه لما تعمليه لازم قبل فرحك نقول باسبوعين او تلاته لانو ليه ريحه شديده ومش حلوه معلش على
التشبيه ( عامله زى ريحه المجارى على خفبف ) يادى النيله يا لهوى اكيد قولتى كده انا قولت كده بس بعد ما
اتدبست و عملته
حاجه مهمه كمان لما تروحى بيتكم و بعدين بقى لما تغسليه عادى حطى شويه بلسم على الشعر علشان تعرفى
تسرحيه لانه فى اول 3 اسابيع مش هاتعرفى تسرحيه كويس و هو مبلول علشان كده انصحك تسرحيه قبل ما
تغسليه و بعد ماتغسليه و تشطفى البلسم تسبيه و هايكون مفرود و هاينشف بسرعه بس طبعا نشفيه بالفوطه
اضغطى بالفوطه على الشعر خفيف وهاتلاقيه نشفه و بعد ما ينشف خالص سرحيه و هايبقى عسل حاجه كمان
مهمه ماتنسيش حمامات الكريم مهمه جدا ماشى
معلش طولت عليكى لكن حبيت اديكى خلاصه تجربتى و على فكره بجول واصول بشعرى طبعا فى البيت و لسه
جميل كانى لسه عاملاه و البنات هناك بيعملوا حلو قوى
ولو عزتى العنوان قولى اكلم اختى بكره و اجيب منها العنوان
مرسي قوي يا سائلة الرحمن على المعلومات الجامدة دي وانا فعلا عاملة صبغة و هاي لايت من سنة وشهر في خطوبتي, فا مش عارفة حينفع ولا وينفع اصبغ بعدها يوم فرحي ولا؟؟ ويا ريت العنوان معلش حاتعبك معايا
حبيبيتى شوفى لسه مكلمه اختى وهى ماتعرفش العنوان بالكتابه يعنى توصف لان هى اللى ودتنى و انا معرفش القاهره كتير لكن هاقولك على وصف اختى ووصفى يوم ما رحت فى اول المنيل عند كليه طب اسنانهناك فى موقف ميكروباس تقفى وضهرك للكليه وتمشى على طول فى حاجه كده زى جنينه صغيره بس هاتعدى السكه
و على طول فى محلات هاتلاقيه واحد منهم و لو سالتى اى حد هايدلك لانه معروف قوى هناك
و نمره التليفون اختى ناسياها و كمان بتقولى مش بيرودوا
و يستحسن تساليهم على موضوع الصبغ احسن و ربنا يتمملك على خير و يوفقك فى حياتك
السلام عليكم
ماشاءالله البنات افدوكى اختى
اختى سائله الرحمن ممكن تقوليلي ع الوصفه اللى عملتيها ف شعرك عشان تتقلو
وتسلمممممممممممممممى
الروابط المفضلة