مشكلة ابنتي والشعر

**مهندسة ديكور** · 08-07-2002, 03:12 PM

اولا المنتدى اهنيه روعه بس ابي استشارة مممن عندهم الخبرة
انا بنتي عمرها 4 سنوات وللحين شعرها خفيف حيل وانا من النوع الي اهتم بالشعر كل انواع الزيوت احطلها وماباقي شي ما سويه الا الحنا لانها تخاف منها ولبصراحه انا بعد اكره ريحتها
بشنو تفيدوني الله يخليكم لاني اعرف ان السعوديات من اكثر بنات الخليج جمال للشعر وثقل
الموضوع ترا مو وراثه لان شعري وشعر ابوها ثقيل وناعم وطويل وكذلك اخوها الي اصغر منها شعرة ثقيل الا هي حبيبتي متعقده تبي فيونكه تبي ترفع شعرها مثل االبنات ماكوا فياده شنو اسوي شنو اوكلها الله يخليكم عطوني تجاربكم
عمرها بالضبط 3 سنوات و7 اشهر

**ام يوسف** · 10-07-2002, 07:03 PM

ينقل للجمال
والاناقه

بس ماعليه...

عمرها3....
امممممممم

دابر فتيكا هو الحل........

وتسلمين

**ranean** · 12-07-2002, 01:49 AM

اختى العزيزه

ممكن تستعملين لها زيت الخروع لانه انا جربته لبنتى

وبالفعل صار شعرها ناعم وغزير نوعا ما وطويل
بس قبل كل شى كيف الهموجلبين عندها لازم نسبته
معقوله لان لو فيه نقص ما ينمو الشعر
ارجوان اكون افدتك وتسلمين

**شروق الفجر** · 12-07-2002, 08:50 PM

مرحبا اختي
اريد اسال عنك انتي صح مهندسه ديكور والا بس اسم .

**أم جيجي** · 13-07-2002, 03:33 AM

أختي مهندسة الديكور أنا عندي نفس المشكلة فأبنتي شعرها خفيف جدا وكنت قد فكرت بأن أحلق لها على الزيرو حتى يطلع لها شعر كثيف لكني لا أستطيع أن أتصورها صلعاء والأسلام لا يجيز حلق شعر المرأة ولا أدري ماذا أفعل أنا جدا مستائة فهل الزيوت تنفع فعلا؟

ابنتي عمرها سنة ونصف0

**مهندسة ديكور** · 13-07-2002, 10:20 AM

ام يوسف حبيبتي انا فعلا جربت فيتيكا بس ما في فيايده حتى والله دهن الهمنود دابر املا الي ريحته خايسه بعد جربت
اما الخروع وايد ثقيل وجربته خشن شعرها شويه وبطلته ارد عليه
شروقه ايه انا مهندسة ديكور وعندي محل للديكورات باتلكويت
ام جيجي ابشرك المشكلة الي عندي وعندك راح تتم لما يصير عمر البنت 4 سنوات وما تزال ما ابلي اقول قرعه بس يالله شعرها خفيف
ران حبيبتي بنتي اذا تبين تعرفين الجو اطلعها برة بالحديقه شعرها ارصاد جوية اذا رطوبه فلفل
لا شي فوق الوصف حرام مسكسنه مع انها تهبل جميلة بس الحلو ما يكمل
لا الهيموجليبين اوكي عندها ما طافت علي اخذت تحليل دم شامل لها

والله مشكلة
قالوا الي دهن الشميطري السعودي انا قاعده اجربه

**الريم** · 14-07-2002, 01:03 AM

<CENTER >
هلا بالمهندسة0000 شوفي بنتك لسه صغيره وما يبان عليها يعني اصبري عليها00000

وانا كنت مثلك بنتي الصغيره شعرها خفيف ومش حلو00وصرت اقصه لها باستمرار0000الى 4

سنوات0000 بعدين صرت اربطه لها وادهنه لها بكريم (بو وردة) قديم بس مره حلو0000

بعد كذا000بديت اهتم بالزيوت والحنه00000 والآن من صرت ادخل عالمنتدى وآخذ خلطات

للشعر أطبقها على شعر بنتي000 يعني ممكن الآن تتحمل الخلطات( عمرها 7 )

واحب ابهك اني كنت اننوع لها ما اسمع بخلطة الا وحطيتها00ولاحظت انه صارت في شعرها

في المقدمة بقعة صغيرة خاليه من الشعر000 ما أدري من أي خلطة بس وقفت الخلطات اللي فيها

مواد واستمريت على خلطات الزيت العاديه00 والحنة 0000

والحين شعرها كل يسأل ايش تحطين فيه0000 وايش غيره

طولت عليك00 وبالنسبة لزيت الشمطري ماجربته ومثل ما قلتلك لسه صغيره ف انتبهي عليها

وسلامتك

<CENTER>

**شروق الفجر** · 14-07-2002, 01:53 AM

مرحبا اختى المهندسة
مادام انتي مهندسه بغتنمها فرصه لاني اريدك ان تساعديني في الذوق اريد اغير ديكور غرفتى ومش عارفة شوة الشى الجديد في الالوان والديكور .
وارجو منك المساعدة .
مع تحياتي لك اختك شروقة مثل ماقلتي .