شعر حريري وغلييييط!! من تجربتي والله العظيم ماتندمون

**مريم_قطر** · 23-02-2007, 05:37 AM

اول شي نبتدي بالسلام عليكم ورحمة الله وبركاته ...... كل البنات في المنتدى يبحثون عن شي مجرب واكيد لانه الكل يخاف من المغامرة ..... صح ولا لا p: ..

ندخل في الموضوع ::

من فترة كنت ادور في المنتدى عن شي يعالج شعري لانه ضعيف وباهت وطبعا بغيت حاجه مجربه واكيدة وانها تكون طبيعيه !!

وبعد وقت كبير من البحث لقيت وصفه هايله وتجنن وصعبه شوي وطويله لكن قلت ليش مااطبعها واروي اخواتي وخالاتي الوصفه اذا قالوا لي اوكي بسويها والله يصبرنا وانحصل نتيجه ..واول ماروتها امي شجعتني وقالت من اليوم ابتدي واخواتي نفس الكلام والي شجعني انها كلها طبيعيه 100% والحمد لله ابتديت من شهر وشوي .

وقبل مااقول لكم الوصفه ادعوا لصاحبتها لانها بجد تستاهل الدعاء وجزاها الله الف خير وجعله في ميزان حسناتها قووووولووو آآآآآآآآآآآمين

..... واسمحولي على المقدمة الكبيره P:

والوصفة تقول :::::-
__________________________________________________ ___________

- خواتي اشهد ربي العظيم- جل جلاله - ان كل كلمه كتبتها هي من واقع تجربتي.. انا كنت اول اروح الاعراس ويفكرون شعري وصله او باروكه وفي العرس يسحبون شعري علشان يتاكدون انه صدق من طوله وغلظه كان طويل وغليظ (قولوا ماشاء الله) لدرجه انهم كانو يسالوني من وين شاريه الباروكه...وانا بكل غباء اقول لهم لا هذا شعري .. لكن حاليا قصيته مع الاسف لانه كان يجيني صداع من طوله.. ولاني ذبحته بالصبغات والهاي لايت ( والله يازينه ايام الحنه.. والحين شيب وخفيف مع الاسف من الصبغات والهم طبعا ) المهم ...ليش المقدمه هذي .. لانه في قصه ورا طول شعري..وهي اني قصيته من دون علم امي ..وخفت تذبحني .. فقعدت شهرين ونص ذابحته عنايه وكل همي يطول قبل لاتكتشف امي اني قصيته وفعلا طول وكانت النتيجه فتاكه بشهرين تقريبا لما تحطون الزيوت لازم مســــــــــــــــــــــاج ( مهم جدا جدا جدا جدا جدا جدا جدا جدا جدا جدا المساج )
واليكم جدول العنايه.....

- كل يوم احط خلطة على شعري وبين كل يوم و يوم راحه.. ولكم جدول الخلطات:

- خلطـــــــــــــــــــــه الحنــــــــــــــــــــــــــ ــــه:

- مكونه من حنه + صفار بيض + زيت سمسم + زيت مازولا + زيت خروع + شوي ليمون وماي ورد لزفر البيض + روب + عسل + ماي دافي
تعجن المقادير وتوضع دافيه على الشعر ويلف بنايلون ويترك من 2 الى 3 ساعات ويغسل بالشامبو والبلسم وينشف ونحط عليه زيت لوز ونتركه يوم راحه بالزيت ( هذي الخلطه للتطويل والتنعيم والتكثيف ).

- خلطــــــــــــــــــــــة الزيــــــــــــــــــــــوت:

- خلطه مكونه من : زيت زيتون + زيت مازولا او عافيه + زيت لوز+ زيت خروع كثري منه + زيت سمسم + اي نوع زيوت عندك حطيه ..مسج شعرك ( لاااااااازم مساج ) مسجيه لو كم دقيقه وانتي قدام التلفزيون اوخلي حد يمسجه ولفيه بنايلون وخليه ساعتين .. واغسلي بشامبو وبلسم ... وحطي زيت او كريم شعر وخليه يوم راحه..ممكن بدون غسل الكريم والزيت لحد الخلطه الجايه..او اغسليه ان ماقدرتي تخلينه..

- خلطـــــــــــــــــــــــــــ ــــــــــه الروب :

- روب + زيت اي نوع + عسل + صفار بيضه( ممكن الاستغناء عنها) حطيه ولفيه بنايلون ساعه واغسلي يالشامبو وحطي كريم او زيت.. ويوم راحه..بدون اي خلطه ماعدا من الزيت او الكريم بدون غسل اوممكن غسله لموعد الخلطه الجايه..

- خلطـــــــــــــــــــــــــــ ـــــــــــــة السدر:

- كوب ماي دافي + 2 ملعقه سدر من نوع جيد ( انا استخدم اليمني) خليه نصف ساعه بالكوب يخمر وحطيه ساعتين على شعرك ..واغسليه بشامبو بعدين حطي كريم اوزيت.. ويوم راحه..ماعدا من الزيت او الكريم بدون غسل او ممكن نغسله لموعد الخلطه الجايه..

- بنات لاتجهدون شعركم بالخلطات يعني كل يوم خلطه ويوم راحه للشعر.. ولحد يقول لي تعب .. مافي شي يجي يالساهل ( واسالوا نفسكم النبات لو ما راعيناه هل ينبت ويطول ؟؟؟ اكيد لا..كذلك شعوركم..) وصدقوني لما تشوفون النتيجه بتدعون لي .. ومابي غير دعواتكم بالستر والتوفيق....

- ملاحظه هامه:
1- فيه بنات مافهموا تنسيق الايام ..مش ضروري تلتزموا بنفس الخطوات المهم ماتجهدون شعركم..مثلا اختاري الاحد وحطي خلطه الحناء واغسلي وحطي بعد الغسل زيت اوكريم واتركيه ليوم الاثنين ..يوم الاثنين اعتبريه يوم راحه لاتحطين عليه شي وممكن تغسلينه من الزيت او الكريم ويوم الثلاثاء نحط الخلطه الي بعدها..المهم بين كل خلطه والثانيه يوم راحه للشعر ..

2- فيه بنات سالوني على المساج ..نسيت اوضح الافضل يكون براحه اليد او اطراف اصابعك بشرط تحريك الفروة نفسها مش تشدين الشعر باطراف الاصابع.

3- بالنسبه للمقادير غير محدده..ماقدر احدد بس زيدوا زيت الخروع دايما لانه يغلظ ويطول.

__________________________________________________ _______________

وبصراحه يااخواتي البنت صادقه في كل شي قالته وانا مجربه بنفسي وصار لي لحد الان على هذا المووووال شهر واسبوع والنتيجه بينت من ثاني اسبوع بس بصراحه تعبت شوي بس الحين انا مبسوطه ومتحمسه اكثر

..
وللأمانه انا ضفت خلطه زيادة من عندي وهي خلاصة الصبار احطه على شعري ساعتين والفه بنايلون واتسبح عادي واريح شعري يوم ... وكل جمعه ادهن شعري بزيت املا دابر والفه بنايون لمدة ساعتين وانام لين الصبح بس بدون النايلون عشان شعري يتنفس .

عاد قلت لازم افيد اخواتي في المنتدى علما بأن الموضوع من نفس منتدنا بس انا حبيت اذكركم لا أكثر.. واقول لكم اني جربت بنفسي ... والي عندها اي استفسار انا حاضرة .... والي تجرب ياليت تقولنا .

**حبة فروت** · 23-02-2007, 11:42 AM

مشكوووره عزيزتي

وانه بعد سويت خلطة الزيوت والحناء من فتره والله وطال شعري

اضع الزيت قبل ما انام واسويه مساج

والصبح .. والله احسه منتعش

على كلٍ .. انا من المشجعين لك وسأقوم بعمل الموضوع هنا

بالتوفيق عزيزتي

**الورد فى الاكمام** · 23-02-2007, 11:56 AM

مشكوره اختى مريم

ما هو الروب قصدك الزبادى ...

زيت الخروع ودابراملا لوحدهم كفى لتكثيف وتطويل الشعر

انا جربت دابر املا التقليد تونى عرفة انه مو اصلى لكن كانت لها نتائج ممتازه

ويترك من 2 الى 3 ساعات

3ساعات كثيره شعرى راح يتخمر

**loulou67** · 23-02-2007, 11:58 AM

ربنا يخليكي يامريم ويوفقك دنيا واخرة بس كملي جميلك وقوليلي ايه هو السدر او احسن شيء ياريت تحطيلي صورته "شفتي طماعة ازاي " يارب يوفقك انقديني

**مريم_قطر** · 23-02-2007, 12:41 PM

مرحبا اخواتي العزيزات

اولا شكرا على الردود والمرور .... حبة فرووت يسلمو حبوبه ,,,,الورد في الاكمام (( الروب هو الزبادي )) وثلاث ساعات حلوة وماراح يتخمر وفي الاخير الشعر بينغسل

.....اختي loulou67 السدر ياحبيبتي نبات والمقصود هنا بورق السدرالناشف والمطحون وبتلاقيه عند العطارين بكثرة وفي اي بلد وبحاول اجيب لك صورته بس على فكرة هو يشبه الحنا بالضبط .

**mayoya2828** · 23-02-2007, 12:46 PM

مشكورة
يارب تجيب نتيجة معايا

**mayoya2828** · 23-02-2007, 12:54 PM

معلش سؤال
ممكن نستبدل زيت عافية بإيه
هو زيت عافية ده بتاع الطبيخ
ولكى جزيل الشكر

**مريم_قطر** · 23-02-2007, 01:00 PM

ماتعقديهاش يا mayoya2828 .... هههههههههههه

ايوه ياحبيبتي زيت عافيه هو زيت الذرة للطبيخ وممكن اي زيت بس يكون زيت ذرة

**النفس المطمئنة** · 23-02-2007, 04:03 PM

جزاكي الله خيرا حبيبتي ...بس ليا سؤال بعد اذنك ...هل الشعر مش بيتعب من كتر غسله بالشامبو كل يوم بعد يوم ...ولا نغسله بماية بس ولا ايه ...لأان الدكتورة قالتلي انو لازم اغسل شعري بس مرة في الاسبوع بالشامبو ...في الشتاء ...وفي الصيف مرتين ...عشان الشعر ميجفش ....لاني بحس اني كدا برهقه مش من الخلطات ...لأ ...بس من كتر غسله بعد كل خلطه ...ياريت يا حبيبتي تفيديني بالله عليك ...لان انا شعري مش دهني ...جاف وخفيف وقصير ...فبالله عليك افيديني ...وجزاكي الله خيرا ...