مطلوب دخول كل بنات مصر

**رشا المصريه11** · 02-11-2006, 11:13 PM

السلام عليكم انا نفسي افرد شعري وبطلب من اللي عندهم خبره في الموضوع ده يقولولي وميبخلوش عليا ياريت اللي جرب اي نوع فرد للشعر وكان كويس يقولي متكسفونيش بقا يابنات بلدي مصر هستني الردود بلاش تطنيش

**yomizo** · 02-11-2006, 11:50 PM

ان شاء الله البات يفيدونا

**ملاك الاحلام** · 02-11-2006, 11:59 PM

بصي ياقلبي انا عن نفسي بخاف جدا من الفرد عشان ليه 4 اعرفهم فردو بعد حوالي اسبوع شعرهم بدأ يتساقط بغزاره فانا بنصحك بلاش عشان متندميش في الاخر
ممكن لو شعرك اكرت ممكن تنعميه بالكريمات و حمام الزيت ده احسنلك
و انا موجوده لو اي سؤال يا جميله

**زومره** · 03-11-2006, 02:35 AM

شوفى حبيبتى انما عمرى ما جربت موضوع الفرد ده لانى مش بحبه وبقلق منه لان فى ناس بيجيب معاها نتيجه وفى ناس ممكن شعرهم بيخف بعد ما يعملوه على طول بس انا الحقيقه ليه واحده صحبتى وشعرها اكرت جدا وتقيل كمان وسمعت عن كوافير بيعمل الفرد وبيستمر على طول فى الشعر ما بيروحش وراحت فعلا عملته بس الصراحه ما اقولكيش شعرها بقى حرير بجد تحفه وفعلا الفرد فضل فى شعرها مبيروحش بس لما شعرها بيطول بيقى طبعا الشعر من الامام بيطلع خشن علشان ده الجديد اللى طلع فبيبقى طبعا باين الفرق ان فى جزء مفرود وجزء مش مفرود وراحت عملت الجديد يعنى مش بتعمله كله بعد كده لا هى بتعمل اللى بيطلع جديد بعد كده وبقلها حوالى 3 سنين بتعمله وشعرها تحفه الصراحه بس هى قالتلى انها اول مره راحت تعمله الكوافيره جربت جزء من ورا من شعرها علشان تعرف شعرها ينفع يتعمله ولا لأ
وانا جبتلك اسم الكوافير ومكانه بس اولا الكوافير هو قريب من الجيزه واسمه كوافير سحر ومكانه اخر كوبرى المنيل يمين وهو كوافير معروف هناك

ويارب اكون افدك

**بركانية الطباع** · 03-11-2006, 02:43 AM

شوفى انا سمعت عن اعشاب البنات هنا فى المنتدى كانوا بيشكروا فيها واسمها سوفت اند بيوتفل وهى امريكية وب68 جنية انا لقيتها فى مركز تجميل كبير فى الاسماعيلية وسالت عن سعرها وانتى ممكن تلاقيها فى الصيدليات الكبيرة فى مصر او المنصورة وهى متوفرة وابقى قولى لى اخر الاخبار