()()()() طلب من المصريات .... صبغه الشعررر ()()()()

**زرقاءاليمامه** · 01-11-2006, 11:23 PM

السلام عليكم ورحمه الله

ازيكو يااحلى بنات

انهارده عايزه مساعده منكم ... اختكم ماشاءالله خييييييييييبه ونفسى اغير لون شعرى بس فى البيت يعنى اعمله انا بنفسى

يعنى بفكر فى اللون الاحمر الغامق لان الفواتح ماتليق على بس كمان عايزه اعمل فوق الاحمر خصل لون تانى .... ها تنصحونى بايه يعنى الادوات والصبغات <<< ياريت البنات المصريات يفيدونى بأسم صبغه مجربه او نوع معين من الحنه ...وطبعا الطريقه الصحيحه ... الله يعزكنننن يابنات خلال اسبوع قبل زياره زوووووجى

واللى بتساعدنى والله حادعيييلها من قلللللللبى ربنا يسعدها وتتجوز بسرعه

واى سؤال انا موجوده ان شاءالله

**كنافه بالقشطه** · 02-11-2006, 12:01 AM

افشتك يازروقه
عايزة تصبغى شعرك ليه يا هانم هاه

عايزة لون احمر غامق ليه يا حبيبتى بس كده

اه لو كنت اعرف مكنتش هبخل عليكى

**hmm842010** · 02-11-2006, 01:01 AM

طيب اللى مش عارفة تساعدك فى حاجة ملهاش دعوة كدة على الماشى هههههههه والله ح ابحث ليكى ويارب اعرف افيدك

**زرقاءاليمامه** · 02-11-2006, 02:37 AM

كتبت بواسطة كنافه بالقشطه

افشتك يازروقه
عايزة تصبغى شعرك ليه يا هانم هاه

عايزة لون احمر غامق ليه يا حبيبتى بس كده

اه لو كنت اعرف مكنتش هبخل عليكى

بت ياكنافه بقى انا هربانه منكو تجولى هنا فى الجمال ....اعمل ايه بسسسسسس عايزه اعمل نيولوك يابنتى لازم تجديد بين حين وآخر

يااااااااااااااااااارب حد يفيدنىىىىىىىى احسن حيأس خلاص

**زرقاءاليمامه** · 02-11-2006, 02:39 AM

كتبت بواسطة hmm842010

طيب اللى مش عارفة تساعدك فى حاجة ملهاش دعوة كدة على الماشى هههههههه والله ح ابحث ليكى ويارب اعرف افيدك

شووووفتى بقى كنفنف الفضوليه يعنى تدخل تتريق ومتقوليش حاجه مفيده

بس حدعيلها يااااااااااارب تنول كل اللى فى بالها

وانتى كمان ياااااااااااااااااااااااااااااارب تتجوزى بسرعه خخخخخخخخخخخخخخخ

جزاك الله خيرا حبيبتى ويارب متعبكيش معايا

**ملاك الاحلام** · 02-11-2006, 04:45 AM

بصي ياقمر انا لسه عملاها في البيت بقالي اسبوعين انتي جيبي صبغه جرين لايت و 2 كريم اكسوجين اوك
و بعدين افرقي شعرك نصفين نصف لميه و التاني خدي حته حته لحد مايخلص و خشي على التاني
وسبيه لمده ساعه ونصف و اشطفيه عادي خالص و بعديه حطي كريم عشان يطريه بس اساسن صبغه جرين لايت مش بتنشف الشعر جميله انا علطول بجربها
و بعد اسبوعين خشي على الخصل خصلي شعرك و حطي اللون اللي عايزاه لو غامق عادي بس لو فاتح فلازم تفتحي الخصل بالاكسجين و بعد ما تشطفيه نشفيه جيدا و حطي اللون الفاتح اللى تحبيه

يارب اكون افادتك
و انا تحت امرك في اي وقت

**كيرلي** · 02-11-2006, 10:28 AM

حيالله زرقاءاليمامه منوّرة الركن والله

شوفي انا مش مصرية بس حساعدك
بما اني من غشاق اللون الاحمر والعنابي للشعر، كنت دائما استخدم صبغة L'oreal لانها بتعطي لون روعة وجذاب وممكن ان تختاري اللون المحدد ورقم العلبة من الكتالوج المخصص بأرقام الأوان، كما انها تعطيك اللون المطلوب اذا كان شعرك طبيعي، اما اذا كان شعرك بالأصل مصبوغ وبدك تغيري لونه للاحمر فيجب ان تخلطي كذا لون مع بعض ليعطيك درجة اللون المناسبة.

ربنا يسعدها وتتجوز بسرعه

الله يسعدني انا موافة،، بس اتزوج لاااااا لأني عروس جديدة لسّا

**noralkamar** · 02-11-2006, 12:50 PM

بتاكيد لوريال رائعة كيرلى

ومن الممكن تجربة الجرين لايت

وانا مصرية حبيتى وانصح

اذا اردتى ان تخصلى شعرك يجب ان تذهبى الى كوافير متخصص وبجملت المصاريف هههههههههه

يالا ادعيلى بقى

واذا اردتى حناء يوجد حناء اصالة

**زرقاءاليمامه** · 02-11-2006, 10:12 PM

كتبت بواسطة ملاك الاحلام

بصي ياقمر انا لسه عملاها في البيت بقالي اسبوعين انتي جيبي صبغه جرين لايت و 2 كريم اكسوجين اوك
و بعدين افرقي شعرك نصفين نصف لميه و التاني خدي حته حته لحد مايخلص و خشي على التاني
وسبيه لمده ساعه ونصف و اشطفيه عادي خالص و بعديه حطي كريم عشان يطريه بس اساسن صبغه جرين لايت مش بتنشف الشعر جميله انا علطول بجربها
و بعد اسبوعين خشي على الخصل خصلي شعرك و حطي اللون اللي عايزاه لو غامق عادي بس لو فاتح فلازم تفتحي الخصل بالاكسجين و بعد ما تشطفيه نشفيه جيدا و حطي اللون الفاتح اللى تحبيه

يارب اكون افادتك
و انا تحت امرك في اي وقت

جزااااااااااااااك الله خيرا ياقمر والله فعلا افدتينى ... معلش اختك خيييييييييبه ... الله يسعدك سارب وينولك اللى فى بالك

**زرقاءاليمامه** · 02-11-2006, 10:16 PM

كتبت بواسطة كيرلي

حيالله زرقاءاليمامه منوّرة الركن والله

شوفي انا مش مصرية بس حساعدك
بما اني من غشاق اللون الاحمر والعنابي للشعر، كنت دائما استخدم صبغة L'oreal لانها بتعطي لون روعة وجذاب وممكن ان تختاري اللون المحدد ورقم العلبة من الكتالوج المخصص بأرقام الأوان، كما انها تعطيك اللون المطلوب اذا كان شعرك طبيعي، اما اذا كان شعرك بالأصل مصبوغ وبدك تغيري لونه للاحمر فيجب ان تخلطي كذا لون مع بعض ليعطيك درجة اللون المناسبة.

الله يسعدني انا موافة،، بس اتزوج لاااااا لأني عروس جديدة لسّا

منووور بوجودك ياكوكو
وجزاك الله خيرا حبيبتى كوكو وانا عارفه طبعا انك لسه عروسه الله يسعدك ياغاليه

وتجيبى لنا نونو وتيجى عندنا ركن الامومه والطفوله

خلاص ياقلبى بروح الصيدليه وبساله على نوعين الصبغه دول والله المستعان