--------------------------------------------------------------------------------

السلام عليكم ورحمة الله وبركاته
اخواتي الغاليات هذا الموضوع بس للي عملت خلطه او اتبعت طريقة ونفعت معاها وبجذي نفيد الاخوات الغاليات على انهم يلاقون الطريقه والخلطه الي تناسبهم, ايضا اذا في نصيحه بنوع معين من الزيوت الشامبو الكريم بس يكون مجرب. وارجو مايكون في رد باستفسار او شكر للموضوع حتى لا تكثر الصفحات وتطيح الخلطات بين السلامات والقبلات شرايكم فيني مو اصلح مشرفه على هالشروط>>>>>خلوني اونس عمري شوي ههههههه.

وقبل كتابة الخلطه او الطريقة لزم نذكر التالي:

نوع شعرها شنو؟
شنو كان طوله ولي وين وصل مع الخلطه؟
وكم مدة استخدام الخلطه؟
وكتابة اسماء المواد , واذا امكن بالانجليزي لان في وايد بنات مغتربات مايعرفون اسماء المواد بالانجليزي

ببتدي انا
انا شعري من النوع العادي
كان طوله لين نص ظهري والحين لاخر ظهري
المدة من شهر 6 تقريبا يعني اربع شهور تقريبا
واستخدمة الطريقه الي راح اذكرها متقطع يعني مااستمريت عليها اسبوعيا, بالبداية ركزت بعدين خففت شوي شوي لان خفت شعري يتعود على الزيوت واتوهق يوم اني اقطع عنها.
الي استخدمها لشعري .
الي استخدمه من زيوت:
زيت دابر
زيت الياسمين
وزيت جوز الهند

الشامبو:
Herbal Essences



وايضا ELVITAL من L`OREAL

الطريقة :

احط على كفة ايدي زيت دابر وافرك فيه فروة الراس باصابعي مو بالاظافر
بس الفروة , عقب احط من زيت الياسمين واحطه على فروة الشعر وعلى الشعر كله, بعد ربع ساعه اغسل شعري بماي دافي بعدين احط زيت جوز الهند واخليه ثاني يوم عقب اغسله بشامبو الي ذكرته وعقب ماينشف شعري لنص مو كلها يعني مرطب شوي احط الكريم الي ذكرته, لان الزيوت نشفت شعري استخدمت الكريم. اول ثلاث اسابيع واضبة كل ثلاث ايام عقب خليت كل اسبوع مرة بس اخر اسبوعين ماسويت لان شفت شعري طال للطول الي ابي وتكيسلت بس شكلي برد وعلى فكرة الشعر بيثقل .وهذي تجربتي وطريقتي الي انا بتكرتها .
بالنسبه للقشرة:
عملت الطريقه من ثلاث سنوات تقريبا ولا ردة لي ابد استخدمت الخل بعد كل سبحه على الغسله الاخيره وطريقه عملتها تقريبا ثلاث مرات يعني بعد كل سبحه مرة لين كملت ثلاث مرات والحمدلله مارجعتلي ابد.
زيت الزيتون ما استخدمه لان بس استخدمه يطيح شعري
اما عن خلطات المنتدىماجربت اي وصفه للحين بالمنتدى




والي تجرب اي طريقة وتفيدها لاتنسنا بالدعاء
منقوووووووووول
للاستفادة