السلام عليكم ورحم الله وبركاته
العناية بالشعر
طبعا اى بنت من البنات بتحلم ان يكون شعرها صحى وطويل وناعم وسليم وعشان ده يتحقق لازم تهتمى بشعرك عن طريق الخطوات الاتية :-
1 – أعرفى نوع شعرك واستخدمى الشامبو المناسب لهو أغسلى شعرك مرة أو مرتين على الأكثر فى الأسبوع .
2- استعملى الملطف او البلسم المناسب لنوعية شعرك .
3 –حمامات الكريم او حمام الزيت .
[حمامات الكريم ]
و دى انك بتشترى نوع حماما كريم حسب شعرك وياريت مثلا لو اشترى أكتر من نوع وتخلطيه على بعض زى مثلا حمام كريم نخاع و ده للشعر المجهد + حمام كريم بالتوم وده للشعر الضعبف القصير .
طريقة عمل حمام الكريم :-
1 أغسلى شعرك بالشامبو المناسب .
2 – حطى حمام الكريم على شعرك من جذوره لاطرافه ودلكى الكريم وانتى بتحطيه .
3 – البسى بونيه بالستيك وحطى عليه فوطه بالماء ساخن لمدة 45 دقيقة
4- اشطفى شعرك بدون شامبو واستعملى فقط البلسم :
ثانيا حمام الزيت
ياريت إنك تستعملي خلال فصل الصيف الزيوت الطبيعية زي "زيت جوز الهند وزيت الزيتون" لأنها بتساعد على ترطيب شعرك خاصة لو كان شعرك من النوع الجاف وكمان يا ريت إنك تعملي حمام زيت لشعرك وليكن حتى مرة في الأسبوع.

قسمى شعرك لاربع أجزاء ( من الامام – الخلف – يمين – شمال ) عشان تقدرى تتحكمى فيه .
- حطي الزيت على فروة رأسك ولغاية أطراف شعرك وخلي كل قسم لوحـده حتى نهاية الرأس .
اعملي مساج خفيف لفروة الرأس علشان تتأكدي من وصول الزيت لجميع أجزاء الشعر

غطي شعرك ببونيه بلاستيك لمدة 30 دقيقة .

ودي آخر خطوة وهي إنك تغسلي شعرك بالمية الفاترة وبعد كده بشامبو وبلسم مناسب لنوع شعرك.
ملحوظة :-
ممكن تخلطى اى نوع من انواع الزيوت الاخرى لعمل حمام زيت ( زيت خروع – زيت زيتون – زيت جرجير – جوز الهند –اللوز ) .
الطريقة التانية لعمل حمام زيت للشعر
دلكى فروة الرأس قبل حمام الزيت لتنشيط الدورة الدموية .
سخني الزيت الموجود عندك عن طريق وضع زجاجة الزيت في إناء به ماء مغلي وحطي الزيت على رأسك و طبعا ميوصلش لدرجة الغليان عشان فروة شعرك يعنى يكون الزيت دافى.
البسى بونيه بلاستيك لمدة ساعة أو ساعتين و ضعى عليه فوطة مبلولة بماء ساخن .
اغسلى شعرك بالشامبو البلسم المناسب لنوعية شعرك .

وسواء عملتى اى طريقة من الطريقتين دول ياريت بعد ما تخلصى غسيل شعرك تسريحه من تحت لفوق وبالراحة وبلاش تستعمل المشط الضيق خصوصا وهو مبلول لان الشعرة بتكون ضعيفة جدا وهى مبلولى ومحتاجه عناية خاصة جففى شعرك بالفوطة عن طريق الظغط وحطى زيت مناسب وادهنى شعرك ولفيه.
ويارب يجيب نتيجة لكل اللى هيجربوه .