السلام عليكم ورحمة الله وبركاته

إخواتى الحلوات .. أخباركم إيه ؟ وحشتونى

ندخل فى الموضوع ..

الأيام إللى فاتت دى مريت بظروف أحمد الله عليها .. أرهقتنى بعض الشئ نفسيا وعضويا .. فحبيت إنى أعالج إرهاقى ده ببعض التغيير ..

حبيت إنى أغير شكل شعرى ولونه .. بس نفسى أنا إللى أعمل ده بإيدى .. فطبعا مفيش حد ممكن يساعدنى غيركم بإذن الله

أولا عايزة أقص شعرى بس مش بمعنى تقصيره .. إنما بمعنى عمل قصة فيه لأن شعرى طويل وكله طول واحد ماعدا غرة بسيطة فى الأمام .. فأنا محتارة مابين تدريجه على شكل طبقات كاملة من الشعر .. أو تدريجه من الطروف فقط .. فمحتاجة نصيحتكم فى الإختيار وكمان عايزة أعرف لو كان ممكن أعمل ده بنفسى ولا لأ

ثانيا عايزة أعمل فيه خصل وأنا شعرى إسود غامق وبشرتى فاتحة .. تفتكروا إيه لون الخصل إللى ممكن يليق عليا وطريقة عملها إزاى .. لأنى اتمنى إنى أعمل ده كله بنفسى

معلش أنا بشغلكم معايا كتير .. بس إنتوا دايما بتكونوا عند حسن ظنى .. وربنا ميحرمنيش منكم

مكنش عشمى فيكم كدة .. 81 واحدة تدخل ومفيش ولا رد
دانا بقول إنى مليش غيركم تقوموا تعملوا كدة

هلا أختي أولا الحمدلله ع سلامتك...
القصه أنا عندي مدرج كله أفضل
أذا كان شعرك ناعم أو مموج .الخشن ماأدري
أن شاء الله البنات يفيدونك أكثر

كنت اتمنى افيدك بس بجد معرفش

اهلا حبيبتى اولاا القص ليه ناسوا وانتى لو لعبتى فى شعرك بالمقص ممكن تبوظيه روحى للكوافير خليه يقصلك مدرج على طوله

اما بالنسبه لتغير لون الشعر المنتدى فيه وصفات كتير بالحناء ممكن تعمليها بنفسك واعتقد ان الخصلات مش موضه

انا انصحك تقصي اطرافة وتقصي الباقي مدرجات واصبغي اللون الباذنجاني بس اتلشعر كلة مو خصل
وانصحك لا تخصلي لانها موووضه قديمة وانا عن نفسي ما احبها
حتى لو تقصي شعرك ((شاقي طويل)) حلو اذا كان وجهك طويل او بيضاوي
بس ما يكون كبير وجهك ؛؛؛

السلام عليكم ورحمة الله وبركاته

جزاكم الله كل خير على الرد

بالنسبة لقص الشعر أنا إقتنعت إنى أروح لكوافيرة

أما بالنسبة للصبغة .. أنا لسة لحد دلوقتى بشوف فى برامج خاصة بالمكياج والشعر لسة بيعملوا خصل فى الشعر بس بسيطة فى العدد والحجم
ومن ضمن أسبابى فى إنى عايزة أعمل خصل هى إنى لسة فى شعرى بقايا صبغة من أيام فرحى فأنا أسمع إنه مينفعش أصبغ تانى إلا إذا راحت الصبغة الأولانية علشان الشعر ميضعفش

وثانيا أنا شعرى إسود غامق وأنا بحب الللون ده جدا لأنه نادر شوية فكونت عايزة أحافظ على وجوده فى شعرى مع بس تزويد بعض الخصل للتغيير والزينة
فانتوا إيه رأيكم .. إنصحونى وأنا هسمع كلامكم إن شاء الله
مع ملاحظة أنا الحنة مش بتلون شعرى خالص لأنه غامق
وياريت تبعتولى أى روابط لإستخدام الصبغة

بدل ماتبوظي شعرك بالخصل وانتى بتقولى ان فيه بقايا للون تانى من ايام فرحك
ممكن تصبغيه بتنجانى
او لون البذنجان يعنى موف او بنفسجى
اللون ده عليكي عشان انتى بيضاء هيكون حلو اوى وهيبيضك اكتر كمان
انا عملته ولو فى بقايا فى الاطراف ممكن تزال بالقص او انك تصبغي عليها وتبقى افتح
بس مش انتى كنتى حامل والصبغه مضرة على الحوامل
ولا انتى ربنا قومك بالسلامة ؟!

ماشاء الله البنات ماقصروا معك بالتوفيق ان شاء الله...