مشكلللللللله....

**هايبرا** · 15-01-2006, 07:45 PM

السلام عليكم ورحمة الله وبركاته

أهلين يا أخوات ...
أنا عندي مشكلة وبالمررره تعبتني

وهي تساقط الشعر وخاصة عند الاستحمام ..
يعني بالمره يتساقط بشكل ماتتصورونه ... مثلا أمس شفت إلي تساقط من شعري قدرته تقريبا ألف شعره(لا لا يمكن أقل شوي)
بس ياليت تعطوني حل معقول وسهل....

**ريحانة الفؤاد** · 16-01-2006, 05:34 PM

والله نفس المشكله أتمنى البنااات يساعدونا..

**لهب** · 16-01-2006, 07:03 PM

خواتي هايبرا وريحانة الفؤاد ..
يمكن تستخدمون ماي حار ؟ اذا تستخدمون ماي حار حق شعركم يسبب التساقط ..
او يمكن نوعية الشامبو مو زين؟
اتوقع شعركم ضعيف ويبيله تغذية مثل حمام زيت .. زيت خروع وايد زين .. زيت اللوز .. الخ
اتمنى ان في بنات يساعدونكم ..

**aljameelh** · 16-01-2006, 08:29 PM

سلاامممممممممممممممممممممممممممممممممممممممممممممم مممممممممممممم
وانا معاكي نفس المشكله
فياليت الاخوات يعطونا حل باسرع مايمكن

**الوردة الجديدة** · 16-01-2006, 09:13 PM

حبيباتى........
أنا كنت نفس المشكلة بس والله مثل ماقالت ألأخت لهب
على العموم أستخدمو زيت الخروع مرررررررررررررررة روووووووووعة أخت كان شعرها يفضح
بس والله بعد زيت الخروع صار جنااااااااااااااااااااااااااان بس يبى صبر شوى
وبعد الحمام حاولى أنك ما تمشطينة مرة بس على الريحة
وكمان كانت لى زميلة فى الثاتوى تقول لى (وهى شعرها خيال ماشاء الله)أستخدم زيت الخروع وبعدين خليتة واستخدمت زيت اللوز الحلو وتقول أحنى شعرى
وترى الحنا مرة حلو للشعر تدرون لية لأنة يطلع القشرة والقشرة تمنع نمو الشعروتخلية يتساقط

ولاتنسونى من دعواتكم أنى أدخل جامعة الملك سعود _ بقسم علم نفس_

**قلب الزهرة** · 17-01-2006, 08:00 PM

انضري الى موضوعي الخلطه السريه للشعر

**أم الثوأم** · 20-01-2006, 02:57 AM

مرحبا

يمكن لأنك تستخدمين ماي حار أثناء الشاور ..!! لازم يكون الماي دافئ مايل لللبروده و تجنبي تمشيطه مع الاستحمام..و بعد لازم اتغيريين الشامبو كل 3 أشهر عشان يسوي مفعوله و كمان استعمال بلسم مناسب للأطراف فقط..هذا بالنسبه لطريقه الغسل ..

أما بالنسبه لحمامات الزيوت و الكريمات المغديه ...فهناك العديد من الوصفات مثل :

أدا كنتي تحبين الكريمات فممكن تاخدين حمام زيت كريم بالثوم و تجيبين رأسين ثوم تدقينهم و تخلطيهم مع حمام الزيت و تحطينهم على شعرك لمده ساعه ..ثم تغسلين شعرك ..هده العمليه يوم واحد بالاسبوع فقط و من الاحسن يكون نفس اليوم لأن الثوم مثل الأنتبووتيك نفس المعاد لازم يكون..

و ممكن تخلطين الثوم بزيت الزيتون بنفس الطريقه أيضا..

جربي زيت براشووت كذلك ..سخنيه شوي ودلكي به فروه الرأس وياريت لو تخلين أختك أو احد يسوي لك مساج لشعرك مع هدا الزيت لأنه وايد مفيد للشعر ..التدليك يحرك الدوره الدمويه و بالتالي تحفيز بصيلات الشعر و تخليها أقوى من جديد..وبدلك يمنع تساقط الشعر..

و يا ريت أكون أفدتك ولو بالقليل ..لأن هدا من تجربه شخصيه و الحمد لله أعطت نتايجها بس يبيلها مداومه و صبر..

أختك
أم الثوأم ..............., و ادعولي الله يخلي لي ثوأمي البنات يا رب ..و يهدي أبوهم.....قولوا أمين.......

**الحـــ العنيد ــــــرف** · 20-01-2006, 10:11 AM

حبيبتي الحاله النفسيه إلها دور كبير وما طاح شعرتج بها الطريقه إلا في شي إمضايقتج وإتفكرين فيه بإستمرار.
ولو إتسوين تمليس للشعر واااايد وبإستمرار وصبغتيه بيتساقط بطريقه فضيعه.
وأنصحتج بزيت الخروع ممتاز ..أتمنى أكون فدتج

لا تنسيني من الدعاء