يابنات مصر اتفضلوا بالدخول والمشاركه لتفيدي وتستفيدي

**رحوبه السكره** · 13-07-2005, 04:31 PM

يابنات مصر كتير بنسمع عن خلطات وكريمات في المنتديات مش موجوده عندنا في مصر

عشان كده تعالوا نعمل مرجع لمنتجاتنا كل واحده تقولنا بتستخدم ايه

خلطه للتفتيح الجسم وموكناتها منين؟
اللوشن الاسكراب ؟
الشاور جل
كريمات التفتيح للمناطق الداكنه؟؟

هقولكم على خلطاتي بس لما الاقي منكم تفاعل

**ريناملاك** · 13-07-2005, 06:15 PM

هاى رحوبة السكرة

انت فعلا سكرة و افكارك كمان سكرة ... انا من مصر و عادة اواجة مشكلة عندما اذهب للعطار اطلب منة وصفة احضرتها من الانترنت لان اغلب المسميات بتكون مختلفة و فى كتير من المكونات مش موجود اصلا و دى فكرة حلوة اننا نتبادل المصطلحات العربية المختلفة دى

انا هبدا بوصفة لتفتيح البشرة
منذ حوالى شهر بدات اهتم ببشرتى و شعرى لان زواجى بعد 8 اشهر و سمعت عن الطمى المغربى و الرمل المغربى و فوائدهم
و ايضا الخميرة البيرة

المهم علشان ماطولش عليكم ذهبت للعطار اسال عن الرمل المغربى و فعلا اعطانى حجر لونة ابيض سكرى غامق شوية وقال لى اطحنة و فعلا طحنتة و اضفت لة خميرة بيرة و ممكن نضع معهم قليل من بودرة التلك بتاعت الاطفال للترطيب و تعمل عجينة و توضع على البشرة لمدة 15 - 20 دقيقة و تفرك بخفة و ستلاحظين بفارق فى لون البشرة و مع الاستمرار يخفى اثر الحبوب ايضا

انشاء الله تعجبكم جميعا الوصة و اسمع رائيكم فيها لانها اول مشاركة منى
زى ما قولتلك هى مفيدة فى تفتيح لون البشرة و ترطيبها و اخفاء اثار الحبوب

يارب كل البنات يبقوا زى القمر

**رحوبه السكره** · 14-07-2005, 02:31 PM

اهلارينا ملاك الف مبرووووووووووك ربنا يتملك على خير
انا بقى جربت الليمون على وجهي ادلك وجهي بنص ليمون لمدة عشر دقايق واتفرجوا على النظافه والبياض
والشاور جل من لوكس
الاسكراب نوع مستورد مش فاكره اسمه
والبلسم من لاكتويل الاصفر يجنننننن
اما للتتخين باخد حبوب الخميره وكبد الحوت من الصيدليه
ركبتي بقى استخدمت كتير وغلبت معاها

وللحديث بقيه......................

**رحوبه السكره** · 16-07-2005, 04:51 PM

فينكم ابنات

**jihad** · 17-07-2005, 12:24 AM

اهلا بيكى رحوبه السكره انا كمان من مصر وشفت وصفه بنت الدوسرى بس ما عرفتش اجربها لان صابون الغار داه مش موجود والعطار بيقولى هو صابون نابلسى شاهين بس بصراحه خايفه استعمله ياريت لو حد يقولى هو فعلا ولا لاه وكل الشكر ليكى ياسكره على هذه الدعوه عشان نفيد بعض

**بنت مسلمة** · 17-07-2005, 12:36 AM

أهلاً أخواتى
أنا كمان مصرية

أنا بقى استعملت ماسك الترمس للتفتيح و تنقية البشرة
هو مفعوله بطىء شوية لكن فعلاً بيصفى البشرة من أى بقع

الماسك عبارة عن : ترمس مطحون + عسل + زبادى

و لو بشرتك دهنية حطى زبادى قليل جداً أو حطى مياه بس

و الكمية قدريها انتِ بحيث انه ينفع عجينه متمايكة على الوش
المهم تتركيها ساعة واحدة و بعدها حطى كريم مرطب

ملاحظة: ما تكتريش من العسل عشان الماسك ينشف فى خلال ساعة

**رحوبه السكره** · 17-07-2005, 01:43 PM

جهاد انا سالت واحده مصريه ف مندى اخر قالتلي انها بتجيب صابون الغار من محل اسمه اماليت في مول عباس العقاد في الدور التاني
والصابونه بعشرين جنيه

نفسي واحده تقولي بتستخدم ايه لتبيض الركب والمناطق ال .............

**زرقاءاليمامه** · 17-07-2005, 02:54 PM

رحوووووووووووووووووووووبه اهلا ببنات مصر

انا من مصر بس مش عايزه اقولك خيييييييييييييييييييييييييييييييييييييييييييبه معرفش اى حاجه فى اى حاجه

ودخلت الركن ده بعد عذاب

بس الحمدلله دلوقتى بعد مااتخرجت ابتديت اهتم بنفسى بس انتو بقى ساعدونى اما انا معنديش وصفات كتير غير من المنتدى هنا

**الراجية رضاالله** · 17-07-2005, 03:35 PM

بسم الله الرحمن الرحيم السلام عليكم ورحمة الله وبركاته

ازيكم كلكم يا بنات ايه يا زرقاء اليمامة ما تزعليش كلنا بنحاول انا بقى عندى وصفة حلوة احتمال النهارده اجربها س يارب القى المكونات بتعتها ولو جابت نتيجة اكيد هقلها لكل بنات منتدى ليك الحلويييييييييييين

السلام عليكم ورحمة الله وبركاته

**SALY** · 17-07-2005, 03:39 PM

السلام عليكم
انا ايضا من مصر
ربنا يجعلنا دايما اخوات فى الاسلام
انا عندى لكم خلطه للبشره بجد مفيده جدا لنظافة ونعومة البشره
بياض 1 بيضه معلقه صغيره ماء ومعلقه صغيره ماء اكسجين
بس خذوا بالكم من عينيكم
هذه الوصفه اخذتها من مبارك الاشقر بيجى فى قناة الديره
ومن اول المره شعرت انى بشرتى مثل بشره الاطفال فى النعومه طبعا

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: يابنات مصر اتفضلوا بالدخول والمشاركه لتفيدي وتستفيدي

أدوات الموضوع

العرض