ببدأ أولا بوصف شعري كان كثيف ناعم بس من النوع إلي فيه تموجات بس كانت حلوه مع صحة شعري اتذكر كنت أدرس بالمتوسطه
ولكن تغير شعري تغيير فضيع بحكم نقلنا من منطقه الى أخرى وتغير عليه الأجواء و الماء هذا وأنا بالثانوي طبعا نزل شعري الى النص او اكثر من النص صار من النوع الي ينفش حتى كثير كان يستغرب فيه كيف كان وايش إلي صار له المهم في هذه الفتره تدرون هالسن والوحده تبي تدلع كل مره صبغه شكل قصه شكل يعني لم اعطيه اي اهتمام بل كنت انا وشعري وهالمعادلة :
استشوار+صبغ+جميع مستحضرات التجعيد=شعر (تالف +مقصف +خفيف+منفوش) =دماااااااار

بعد هالدمار والحاله التي اصابت الشعر المسكين كنت كل مره أقصه تدرون القص يشيل التقصف ويكون الشعر شكله ارتب وارحم وماتبان حالته الميئوس منها بنظري بس من كثر القص بدأشعري يزعل مني ويتوقف نموه يعني كان يطول الى الكتف ويوقف .


بدأت اهتم فيه بشكل غير مستمر لأني كنت عجوله أبي نتائج تظهر وبسرعه بس كييييييييييف؟ إلي تدمر وانتهى بإهمال سنين ما أقدر ابنيه بيوم وليله وهذي قاعده لاتنسوها أبدااااااااااا


طبعا بسبب استعجالي وعدم استمراري بالاهتمام بشعري رجعت وصرت أقصه واصبغه قلت بنفسي خلاص مو هو خرباااااااان خربااااااااااان ايش اسوي له.


ولكن........ للحديث بقيه أكمل لكم بكره بإذن الله

تاااااااااااااااااابعوني

أووووووووووكي ريتاج الحين كملي و بعدين شصار لان انا مثل حالتج ترى فكملي و قوليلي اخر شي شنو سويتييييييي

مافي احد عبرني بس منون
المهم انا بضع التجربه

طبعا بتسألوني ايش كانت نتيجة تجربتك
شوفو الاعلان التالي

من شعر تالف قصير باهت الى شعر صحي طويل ناعم واكثر من رائع

بشرط تصبرين عالنتائج ولا تستعجلين ابدا لأني كنت من هالنوع ولا استفدت ولا أفدت
وتبتعدي عن مسببات الدمار (الصبغة والاستشوار)

بس بعد الموقف الي صار لي بفرح اخوي العام هو سبب عزيمتي وإصراري والحمد لله النتيجة رائعة بفضل الله
الموقف كان عرس اخوي العام بأول الاجازه وذهبت للكوفيره لأعمل تسريحه معينه حاطتها ببالي هي الي راح تمشي مع الفستان وكانت مرفوعة لفوق وشكلها خيالي حتى اكسسوارات كنت شارتها لها المهم لما بدأت تخلص الكوفيره ن جزء بالتسريحة سألتني لازم ترفعي شعرك قلت لها ايه لازم قامت قالت شوفي هالخصله قصيره ماتجي ومن هالكلام الي صدمني وما كنت عامله حساب لكذا تخيلوا قامت فكت شعري وبديت انا وهي نحاول نرتبه حتى يطلع بالشكل إلي أنا أبيه وتأخر الوقت وكانت النتيجة أمي زعلت لأني تأخرت ومن هالسواليف
ومن بعدها قررت تطويل شعري والاعتناء فيه مهما كان ومهما صار وبمشيئة الله تميت على الاهتمام فيه.



الرد المقبل بداية تجربتي


فاااااااااااااااااااااااااااااااصل ونواااااااااااااااااااااااااااااااااااااااصل

اولا: بعطيكم طريقته
المقادير
1- زيت النارجيل (جوز الهند) وهذا صورته



2- رأس ثوم كامل

الطريقة:تضعي بالقدر كل الزيت ثم تسخينيه لما تحسينه سخن اطفي النار وتكونين فارمه الثوم ناعم
اهم شي مايكون الزيت حار مره تضعي الثوم وغطي القدر ضروري تغطيه( فاهمين) اتركيه وجهزي
علبه او برطمان زجاجي(انا استخدم علب الخل الفاضيه )وبعد مايبرد بتلاحظي ان لون الثوم اشقر كذا يكون تمام
(اذا صار محروق لا تستخدميه)
صفي الزيت بكوب كبير عشان تقدري تعبي العلبه تمام اما اذا كان برطمان فوهته واسعه يصير تضعي الصفايه عليه وتعبيه على طول (ادري كثرت الكلام بس أبي الكل يفهم)


ثانيا: المدة إلي استخدمت فيها زيت الثوم
تقريبا شهر ونص بالاجازة وكنت أضعه كل يوم من ثلاث الى اربع ساعات


ثالثا :طريقتي بوضع الزيت
وفري هالاشياء وبتسهل عليك العملية
علبة صبغه فاضيه (اعبي فيها من الزيت واستخدمها بتوزيع الزيت على شعري)


كاب بلاستيكي (أنا أجيبها من عند أبو ريالين)

اعمل مساج سريع للفروه وبعدين اقسم شعري إلى أربع أقسام وأغرقه بالزيت( الزيت كفى شهر ونص لأن شعري كان خفيف وقصير) واغطيه بالكاب من3الى 4ساعات
وبعد كذا تغسليه بأي شامبو تحبينه ولاتمشطين شعرك وهو مبلل بس تحسينه بدا يجف شوي مو كثير مشطيه
ولفيه خفيف او اعمليه طاقيه.

أكيد بتسألوني في ريحه برد عليكم إيه في ريحه بس بعد الغسل الريحه تخف وسريع ما تروح إذا جف شعرك
أنا كنت أضعه على شعري الساعه12بالليل واغسله الساعة 3او4 واصلي الفجر وأنام ولما اصحى اسأل البيت كله شعري فيه ريحه يقولون لا.


رابعا :نتائجه على شعري
من أول مره تحسين بنعومه ولمعه وأنا كنت اعمله طاقية وألفه بإشارب وأنام لما اصحى من النوم بصراحة كنت اندهش للنعومه والترتيب ولا ينفش ولا شي.
بعد فترة من الاستخدام الكل صار بالبيت يلاحظ ان طول شعري تغير إلا أنا ما كنت أحس بكذا



المهم بعد ما خلص الزيت قلت لازم أكمل اهتمامي بشعري مادام فيه نتائج حلوه تشجعت بس غيرت الزيت
ورحت للصيدلية وجبت
1-زيت بذرة الكتان
2-زيت ام الجدايل(هذا مانفع ابدا وبحكي لكم ليه)
الزيوت من شركة وادي النحل(للمعلوميه)
3-فاشكول الثوم(رووووعه)

يوم استخدمت زيت بذرة الكتان وبنفس الطريقه اضعه من ساعتين الى ثلاث كان حلو على شعري ونتائجه مقبوله
اليوم الثاني استخدمت زيت ام الجدايل بصراحه تفاجئت بعد ما غسلت شعري كان ناشف مرة ونفش لما جف شعري وتركته
شريت بداله علبة جوز الهند
وصرت يوم اضع زيت بذرة الكتان ويوم اضع زيت جوز الهند والايام الي ارتاح فيها وكانت قليله بفترة الاجازه
اضع على شعري الفاشكول
وكانت المده تقريبا شهر ونص ولكن لما بدأت الدراسه تغير البرنامج
و أي اسئله انا حاضره


تابعووووووووووني الرد المقبل برنامجي أيام المدرسة وتجربتي مع خلطة زيت أخذتها من المنتدى
ونتائجه مذهله

لحووووووووووووووووووووووووول وبعدين معك رتاج هاتي من أخره وماعليش لأني مستعجلة بس لو تشوفي شعري عذرتيني مدري وين اروح وايش اسوي عشان كذا الله يرضى عليك بسرعة

اهلين غلا بداية التجربه عند ك تقدرين تبداي فيها الحين ونتائجها رائعه
والباقي ان شاء اكتبه اليوم وأضيفه بكره
بعدين انا ايش قلت لا تستعجلييييييييييييييييييييين

تعقيب على كلامك اختي رتاج :
لما اسوي اللي قلتي كل يوم واغسله كل يوم مشكلة لأني بكذا احرم شعري من زيته الطبيعي يعني غسل الشعر كل يوم مو كويس ابدا فكيف راح احطه كل يوم .... هذا اولاً
اما ثانيا برضوة لما غيرتي الزيت وكل يوم تحطي زيت غير مو كويس للشعر لأنك لازم تستمري على زيت واضح
ليش .... لأني انا ماعدم شعري الا كثرت الزيوت ....
فياليت توضيح بسيط منك ......
انه احطه مثلا 3 مرات فالاسبوع واستمر عليه من غير ما أغيره اذا خلص يعني يخلص ارجع اجيبه وكمان
شعرك غير نوعيه شعري انا طويل وناعم ووسط يعني مو كثيف ولا خفيف بس مشكلته تقصف وجفاف يعني
ماله منظر .... ياليت توضحي هالكم استفسار ومشكورة خيتو ............

مو مشكله ياغلا لو تستخدميه 3 ايام ونفس الزيت كمان نتائجه بتكون واضحه بس انا لما استخدمته
كان شعري مره تالف فكنت ابي اي شي اسويه بس الحمد لله نتائج كانت مره حلوه وشعري الحين كثيف وصحي بعد وانا كنت كل يوم اضع الزيت

كنت اضع لشعري مرتين بالاسبوع زيت النارجيل إلي صورته فوق من غير أي إضافات
بس ادفيه شوي وبنفس الطريقة السابقة اعمله بس بصراحة كنت اتركه على شعري ساعتين فقط
وبعض الأيام استغنى عن الزيت خاصة لما أكون طالعه واضع من الفاشكول وكان نتائجه مره رووووووعة


النتائج كانت يوم وراء يوم تبان على شعري والكل يسألني بالمدرسة ايش تسوي بشعرك
لمعه وصحه وطوله تغير كانوا كل يوم يسألوني ايش تسوين .


فنصيحتي لكم اخواتي انك تعتنين بشعرك واعطيه عشان يعطيكي
لأن الشعر زينة المرآة وبعدين العرسان مايبون إلا شعر طوييييييييييل وتلاقي شرط كل واحد يبي عروس أول شرط يقوله أبي شعرها طويل



الرد المقبل تجربتي مع زيت جديد من أجل شعر طويل