كيفكن صبايا آنسات ومدامات طبعا
اليوم جايبتلكم تشكيلات ملابس بتمنى تعجبكم وتنال رضاكم.
هاي المجموعة باللون البيج الفاتح مع بعض الخطوط البنية الفاتحة ايضا.
أنا أحسه لون محايد وحلو يعني مناسب للعمل طبعا إذا تم تغيير الصندل لأنه غير مناسب للعمل.
هاي المجموعة كمان بنفس الألوان السابقة تقريبا وحبيت فيها الحقيبة كتييير.
طبعا ما بتنفع للطلعات الخارجية تبعا لتقاليد ديننا بس يمكن تكون لقعدة نسوان طبعا مع مراعاة لبس بنطلون تحت التنورة يتناسب مع الموديل والألوان بحس رح يجي حلو عليها وكمان لانو كتير قصيرة.
وهاي باللون المفضل لدي البنفسجي طبعا واضح إنوا فيه درجتين للبنفسجي الفستان درجة أفتح من الجاكيت بس الاثنين حلوين ومناسبين .
وهاي باللون الاسود والرمادي مع القليل من البيج الفاتح جدا والمائل للذهبي مجموعي انا عن نفسي عجبتني كتيييييييير مع انها بتنفع للآنسات أكثر بس كمان نحن المدامات لسة فينا ندلع أنفسنا فيها.
طبعا هي المجموعة صيفية بس حبيت أدرجها لانها عجبتني (بس مو تروحون فيها للشط مثل مو مكتوب بالصورة!!!! لا عيب ههههه)
بس ممكن تضيفي عليها جاكيت جينز فاتح مثل المجموعة السابقة.
وهاي كتيييير كتير حلوة بألوانها وتفاصيلها بس بالنسبة لي لو إني رح ألبسها رح غير الحذاء بشئ مشابه لكن بدون كعب.
هاي مجموعة بناتية وحلوة وبتعطي نعومة وعمر أصغر وبحسها مريحة وناعمة وبس لأن المجموعة بتحكي عن نفسها لحالها.
وهاد اللون الأسود سيد الألوان طبعا
بيعطي أناقة وقوة للأطلالة واللون مناسب لكل المناسبات.
أكثر شئ عجبني بهالمجموعة البالطو والساعة والحلق.
هاي مجموعة أنا بحب ألوانها جدا لأني بحب هاللونين مع بعضهم بحسهم بيعكسوا الطبيعة الأرض والسماء فبيعطي إحساس حلو ورائع.
أما بالنسبة للتصاميم فهي أروع يعني هي المجموعة أنا حبيتها كلها بألوانها وتصاميمها.
وهون اللون الأحمر الرائع اللي بعشقوا شخصيا بحسوا بيعكس الأنوثة والقوة بنفس الوقت.
وهاي المجموعة بالذات بحسها مريحة وعملية ابتداء من الفستان ذو القصة العملية المريحة للحذاء الفلات اللي بفضلوا للراحة.
وبالختام بتمنى إنوا ذوقي نال رضاكم.
الروابط المفضلة