لو انتي طالبه بالجامعه وعايزه تروشني لبسك ادخلي هنا

اهلا وسهلا بكم في الحقيقه انا طالبه بجامعه اسكندريه وبيلفت نظري كل يوم في الكليه مش الملابس الجديده ولكن بيشدني اكتر اللبس الروش الشيك وديه عده خطوات اتبعيها في لبسك وهتحسسك انك مختلفه عن صحابك وروشه
1.بما اننا في الشتاء هاتي بادي صوف ساده يعني مثلا لونه لبني وقصي من اكمامه لحد الكوع وقصريه شويه من تحت كمان وباستخدام ابره وخيط صوف اصفر حاولي تقفلي اطراف البادي اللي اتقصت من ناحيه الاكمام وكمان بنفس اللون الاصفر خيطيه من تحت كانك بتسرفليه بس برده تفضل الاكمام قصيره وهقولك ليه لانك هتلبسي تحتيه بادي تاني ساده بس يكون اصفر يعني نفس لون السرفله وبكده هتظهر اكمام البادي الاصفر وكمان اجزاء منه من تحت وفوقيه البادي الاصفر كمان تقدري تلبسي عليه اسكارف وعقد اصفر في لبني وممكن كمان تحطي عليه حزام
2.الفكره التانيه
هاتي بادي عندك اسود او ابيض او اي لون بس المهم يكون ساده يعني مفيش عليه رسوم وبعدين بالمقص قصي فتحات صغيره ومتوسطه في البادي من ورا ومن قدام وممكن في الاكمام كمان وبعدين هاتي خيط صوف بس يكون لون تاني غير لون البادي وحاولي تقفلي الفتحات ديه بابره الكروشيه طبعا وكانك بترقعيه وبعد ماتقفلي كل الفتحات اللي في البادي هاتي ترتر وخرز ملون وطرزي حواف كل رقعه
3.البسي جيب جينز قصيره فوق البنطلون الجينز وديه بيكون شكلها حلو اوي او لو مش عندك هاتي جيبه قديمه وقصيها وقصريها بحيث انك تقدري تلبسيها فوق البنطلون الجينز او لو مش عندك ممكن تلبسي تونيك طويل وفوقيه جاكيت جينز وده برده شكله حلو اوي
4.لو انتي من هواه لبس العبايات حاولي تكوني شيك وختلفه وبخطوات بسيطه بلبس الاعقاد الملونه فوق العبايات وممكن كمان بشوف بنات بتلبس بولورو جينز قصير فوق العبايه السودا وبيكون شكله خطير جدا ...
انتي كمان ممكن تقصي من اكمام العبايه لحد الكوع وتلبسي تحتها بادي اصفر او نبيتي او احمر وتلبسي فوق العبايه كوفيه فيها الوان العبايه والبادي
5.بالنسبه للشنط انا شايفه انه مش من الازم انك تجيبي شنطه جديده لكل طقم لانك تقدري تغيري شكل الشنطه بلمسات بسيطه يعني مثلا ممكن تجيبي شريط ساتان وطرزيه بالوان خرز مختلفه وبعدين حطي في نصه ورده ولفيه حولين الشنطه وكانه حزام وهيكون شكله حلو اوي ..
كمان هقولك فكره حلوه اوي بالساتان هاتي 3 شرايط ساتان ويكون احسن لو الوانهم مختلفه يعني ممكن احمر واورانج وبوستيج مثلا واربطي طرفهم في بعض ولفيهم كانهم ضفيره وممكن برده تطرزيه واستخدميه كحزام فوق التونيك او البنطلون الجينز طبعا ديه فكره جديده وانتي الوحيده اللي هتكوني عاملاها وهتعجب الكتير من اصحابك

انتهت الافكار بس يارب اكون عرفت افيدكم
انتظروني

مشكوووووووووووووووووووووووووووووووووووووووووو وورهـ

للاسف انا مش لاقيه رابط لتحميل الصور ووضعها علي المنتدي لو حد يقدر يساعديني

يسلمووووووووووو

مششششششششششششششششششششششكورهـ

تحياتيـ

مشكووووووورة

مشكورة

ميرسي علي الأفكار
لكن لو سمحتي ليا رأيي بسيط
مش منظر لطيف أن واحدة تلبس عباية وتحط علي العباية اكسسوارات وساتانات وحاجات ملونة ومزركشة
المفروض ان اللي تلبس عباية أو اسدال تكون دليل علي المرأة او الفتاة المسلمة الملتزمة الغير مبتذلة لأما تقلع العباية وتلبس لبس عادي . دا مجرد رأي ولا أقصد به التجريح وشكرا لكي اختي وجزاكي الله خيرا