ساعدوننننني يابنات جدة

أنا خلاص زعلت منكم هذي ثاني مرة أطلب منكم مساعدة وتطنشوني
معقولة مافي ولا وحدة من جدة
حعيد طلبي ثاني ولكن مابا كمان تطنشوني ترى والله أزعل مرررررةوأعصب
ولو عصبت أرجع ثاني طيبه
المهم أباكم تدلوني على خياطة ممتازة وسعرها حلو أو على ملابس جاهزة
بس ماتكون مكررة يعني الموديل يكون
مفصل مرة واحدة بليييييييز ساعدوني فرح أخوي قرب وأنا لسى أدور موديل زين
وشكرا

معليش يا اختي والله نفسي اساعدك بس للاسف ماني ساكنه في جده بس اقدر اساعدك اذا تبغي شي من المدينه المنوره

المطاختي العزيزة ممكن تروحي للبوتكات الموجوده في شارع الامير سلطان كمان مركز الاندلس في ار القديم في الدور الثاني في فساتين سهره حلوه

الله يسعدكم يابنات أنا أبغى أخيط وأبغى موديلات فخمة وبنفس الوقت جذابة
لو تعرفوا خياطات أو مصممات دلوني ضروري ساعدونييييي
وين التعاون

بصراحة انا من اهل القصيم وكان نفسي اساعدك

اختي بصراحة انا مابعرف خياطات بس بعرف العمارة الزرقاء شاطرين بالخياطة واسعارهم معقولة

بس بالنسبة للجاخز روحي سوق لمسات الدولي
وفي محل جنب سوق النجار بنفس دخلة المطعم الصيني اسمه ريوان وخدي فكرة عن الضباء مول جنبه وان شاء الله تلاقي طلبك

شوفي أنا من جدة وفي خيااطة رووووعة اسمها الجلباب تجيب لك موديلات مرررة حلوة بس سعرهم شوي غالي ولكنه مررررة حلو في حي النهضة ....

إذا تبغيني أوصف لك بالضبط فينها ماعندي مانع ....

عزيزتي روحي السلطان مول وفي محل اسمه الجديعي وفي له فرع ثاني في النجار والله عنده فساتين مررة روعه
ماتلاقي زيها في اي مكان
وفي محل اسمه عبير في النجار يبيع قطعة واحة من كل فستان
وكمان في محلات كثيرة بس اسعارهم شويه غالية
اذا تبغي اسمائهم انزلهم لكي
بس على فكرة الفساتين تبدأ اسعارها من3500
اذا تبغي انا في الخدمة
بس هذه نصيحة مني روحي الجديعي واشتري وانتي مطمأئنة
لاني انا اشتريت من عندو فستان من قبل ثلاث سنين
الى يومك هذا وانا اروح افراح كثيرة
عمري ما شفت زي فستاني احد لابسه والله العظيم

مشكورة خواتي على الردود أختي أمل الغد ممكن توصفيلي بالضبط محل الخياطة
وأسعارهم تبدأ من كم وممكن يكون القماش من عندهم ولو عندك رقمهم أرسلي على الخاص
أختي dewmoon مشكورة بس كيف أسعار الجديعي بكم يطلع الفستان وفي منه فرع بلمسات ولا لا
وشكرا

شوفي اسعاره حلوة مش غالية كثيير وانتي روحي وشوفي
والله ما اعرف اذا كان له فرع في لمسات ولا لا