أفضل مشاغل في جدة

**TOOTI** · 03-12-2007, 02:37 AM

السلام عليكم حبيباتي
ابغى افضل المشاغل تبع الخياطة في جدة عشان فرح اخويا عقبال عندكم
او افضل بوتيك او محلات طيبة في الاسواق مو مشكلة السعر المهم الموديل
وتكون موديلات رااااااائقة وخفييييييفة
ساعدوني الله يخليكم او مناسبة لينا في عائلتي الله يحفظنا ويحفظكم انتو اهاليكم
ودامت افراحكم

**لمعة الألماسة** · 03-12-2007, 04:26 AM

أول شي ألف مبروك ياقلبي
ثاني شي عندك محل لمسات اللي قدام أسواق الحجاز مرررة رااااايق وأسعاره مناسبة ومختلفة
وكمان عندك بوتيك فايزة بس والله ماني فاكرة مكانه بالضبط لكن أسألك وأتأكد
وعندك كمان محمود سعيد هو محل واحد مافيه غيره بس فيه فساتين حلوة
عندك كمان الجامعة مول مليااااااااان فساتين وكلها جناااااان أنا أغلب فساتيني من هناك والمحل اللي أغلب الأحيان أشتري منه اسمه مونيا
أتمنى أكون أفدتك وإدعيلي بصالح الدعاء

**TOOTI** · 03-12-2007, 10:41 PM

مشكورة اختي على المرور
وبوتيك فايزة طريق الملك حبيبتي قريب مني
بس ابغى فساتين تكون موديلات غريبة اخت العرييييييييييييييييييييس عاد
والله يحققلك كل اللي في بالك ويحظلك اهلك ويدخلك الفردوس الاعلى
مشكورة مرة تانية

**لمعة الألماسة** · 04-12-2007, 02:14 AM

اللهم آمين طيب عندك مشغل اسمه الإمبراطورة مصممة الأزياء اللي فيه اسمها نوال الجدعاني مرة معروفة وتصميماتها غريبة بحي الصفا على ماأظن 6932529
هذا رقم المشغل يارب أكون أفدتك بشي

**TOOTI** · 06-12-2007, 02:01 AM

الله يسعدك حبيبتي

**الفتاة المسلمه** · 06-12-2007, 03:29 PM

السلام عليكم
اختي شارع الامير سلطان فيه بوتيك العروسه مررررررره يمدحونه
وبوتيك فاديه شارع الكيال خلف ابراج البدريه
ومركز حراء الدولي على ما اظن البوابه الي بجنب تواليت النساء بس مو متاكده
ومركز المساعديه طريق المدينه لا يفوتك
وصاري مول شارع صاري
وسلامتك وانشا الله اكون افدتك