لبس للنفاس و لأول يوم دخله

السلام عليكم ...

طلبي هو العنوان اللي فوق انا ابي لبس ينفع لاول يوم او للنفاس ..

و السموحه ..

اتمنى انكم ما تكسفوني

عزيزتي انا امس اخذت قميص رضاعة للنفاس عشان انا على وشك ولادة
اخذته عشان البسه في المستشفى اول ما اولد وكمان اذا زارني احد في الصباح زي جيران امي او خالاتي وحريم اخواني ما راح البس جلابية فخمة او فستان استقبال هذا القميص حلو وناعم اخذته من محلات العساف وهي مشهورة في الملابس الداخلية
روحي لهم هم بضاعتهم حلوة مع انها تقليدية بس عملية وفخمة من زواج امي وهي تتعامل معاهم حتى اسعارهم ما تتغير

هلا اختي
اول يوم الدخله حاولي انك تلتزمي بالالوان الفاتحه والروب الطويل الساتر
مثل يكون اللون ابيض او بيج او سكري
وتكون القماشه ناعمه جدا ستان او حرير
ويكون فيه شغلات خفيفه وتطريزات
اما بالنسبه للنفاس مثل ماذكرت الاخت ماوايكون جلابيه حلوه وفخمه شوي ومريحه لك اهم شي طبعا
هذا للي عندنا بالخليج
وترى بعدي بنت ماعرف واجد يعني لكن اظن اني وصلت المعلومه
الله يومك بالسلامه ياماوا
ويبارك لك يا سمايلي فيس
والسلام عليكم

مشكورات الغوالي على ردودكن الطيبة ...

كنت ابغى صور على الاقل اقدر افصل لي كمن موديل .. يعني ابغي كذا لاكمام فيها حركات ..بس مني عارفه كيف اوصف اللبس للخياط ...

و السموحه