ظاهرة جديدة بدأت تنتشر في الكويت

انتشرت في الكويت خلال السنوات الاخيرة ظاهرة جميلة وهي كثرة مصممات الازياء وخبيرات التجميل

وزادت معها الاماكن الخاصة لعرض منتجات المصممات مثل بيت شرق وديفا وديما

صحيح انها ظاهرة حلوة تخليك تتعرفي على ابداعات المصممات وموديلات جديده ومبتكره غير موجودة في السوق

لكن لها بعض السلبيات ومنها برايي الاسعار المبالغ فيها مقارنة مع جودة المنتج سواء كان قماش او اكسسوار او شنطه او حتى مكياج

انا لي تجربه شخصيه مع احد المصممات الجديدات قريت اعلانها في الجريدة وتوجهت لها وفعلا وجدت موديلات وفساتين مناسبات ودراعات غريبه ومبتكرة

لكن باسعار مبالغ فيها

المهم انه عجبني فستان وكان معروض على المنيكان وقلت لها تفصل لي مثله مع انه سعره مبالغ فيه

بس قلت يالله اهولاستقبال العيد شي مميز وجديد

بعد التسليم اكتشفت ان القماش الي خاطته غير الي انا شفته والموديل ايضا مو مثل ما توقعت ولاني ما احب المشاكل اخذته وقلت اعدل عليه

هذه تحربه حبيت انقلها لاخواتي علشان يحتاطون

بما ان الظاهرة مثل ما قلت منتشرة بشكل كبير وملحوظ عندنا

وشكرا

الله يعينك يا اخت اصيلة على الصدمة انا او منك كنت رجعتهولها وبما ان الاسعار مبالغ فيها يبقى انت مكنتيش تدفعى حاجة انتى ما طلبتيهاش طبعا انا ما طلبتش منك انك تهاوشيها ولكن كنتى تتكلمة معاها وتقولى لها مش هو دة الموديا اللى انا طلبتة منك وكمان مش هو دة القماش وكنتى تنوهى وتقولى لها انها بكدة هتخسر زبونة وهتخسر سمعة المحل وصدقينى كانت هتخاف وترجعة وانصحك المرة الجاية انك تختارى القماش اللى على هواكى والموديل اللى تبية وتروحى لترزى او خياطة كويسة وكانت التكاليف هتبقى اقل من كدة على العموم محدش بيتعلم بالساهل والله يعينك.اختك بركانية

شكرا اختي الغاليه على ردك الكريم
وهذه تجربه انا مريت فيها
وحبيت افيد خواتي علشان ما يتعرضون الى الي انا تعرضت له
والله المستعان

الله يعين

مشكورة اخت اصيلة ان شاء الله البنات في الكويت يحتاطون...

ليش تسكتين على حقك؟؟
أنت كذا تعطينها المجال عشان تخدع ناس ثانية, يعني أنت ساعدتيها, على الأقل بيني لها أنك مو راضية أبد عن الي سوته معك, وأنك راح تبينين خطأها لغيرك.

أنا هذا رأيي.

والله يوفقك حبوبتي.

عزيزتي أصيله

علشان ما نظلم المصممه .. يمكن لزحمة العيد حصل هالخطأ الغير مقصود .. و بالتأكيد تتحمل جزء من اللوم .. ولكن انتي ملامه أيضاً .. اعتبريني اختج ولا تزعلين مني .. كلنا نحب نطلع بأحلى طله في صبحية العيد و كلنا نبي نكون شيك .. بس هل تسوى البدله او الشنطه لو كان الكواليتي لها تعبان؟
لو مكانج بعتبر من هالتجربه و ماراح اجرب الا الشي من المكان المضمون

و عيدج مبارك مقدماً

هلا اختي أصيله...
ياحياتي قهر لو أنا رجعته ووريتها الفرق..

أنا مستحيل اخيط عند وحده محد جربها او ماسألت عنها..

الحين سويت لي فستان نعووم عند مصممة وعلى الله يطلع حلو..
شفت عندها فساتين تجنن والناس عليها كثير وشكلها أمينه وخياطهم مره نظيف ومرتب..

البروفا الأسبوع الجاي وإنشالله يضبط..

ودعواتكم