يابنات القاهرة محتاجة مساعدتكم

**meshmesh_2005** · 07-09-2006, 02:03 AM

يابنات محتاجة اعرف منكم ..فين الاقي محلات لانجيريهات وبيجامات كويسة واسعارها معقولة مش غالية في القاهرة؟؟؟ممكن تساعدوني؟

**دور1** · 07-09-2006, 02:58 AM

بسم الله الرحمن الرحيم

أزيك يا قمر عاملة اية

شوفي يا ستي و انا بجهز كنت طبعا بشتري اللانجريهات

و فية اماكن كتير و اسعار اكتر

طبعا انتي عارفة ان اغلى لانجريهات هي جويا و لاسو و دول اشيك لانجريهات بصراحة

و خامتهم ممتازة بس المشكلة انهم غاليين شوية

و فيه عندك لانجريهات اسعارها معقولة زي انواع زمزم

دول بقى ممكن تجيبيهم من المحلات العادية الموجودة في كل حتة

بس السعر بيكون غالي شوية لكن انا و انا بجهز كنت نازلة الحسين

عشان كنت بشتري حجات و عطارة من عند خضر العطار

و مشيت في الشارع بتاع خضر دة على طول لغاية ما وصلت عند جامع الازهر كدة

المهم هناك لقيت محل لانجري هو تشوفية لأول وهلة تقولي انة حقير

لكن و الله عندة نفس الموديلات بتاعت زمزم و كدة بس بأسعار ارخص من وسط البلد كتير

و عندك كمان سوق غزة بردو بيكون فية لانجريهات بأسعار معقولة نوعا ما

و الموسكي فية ناس بتبيع الحجات دي جملة و قطاعي انا شوفتهم و بيبيعو الملابس الداخلية كمان

هو دة اللي اعرفة يا رب اكون فدتك

**meshmesh_2005** · 07-09-2006, 03:18 AM

اختي الغالية
انا مش عارفه اشكرك ازاي
اني كلامك جامع وشامل
ويارب اقدر اوصلللمحلات وللماركات اللي قلتي لي عليهم
معلش بقي استحمليني شوية لاني ملياش اخوات بنات اكبر مني
كنت محتاجة اعرف منك ولو علي الخاص ايه الانجيريهاتت والملابس اللي مفروض العروسة بتشتريها؟؟؟؟؟؟؟؟؟؟؟؟؟؟؟؟؟

**meshmesh_2005** · 07-09-2006, 08:18 PM

معقولة يابنات محدش راضي يساعدني؟

**لوئ** · 07-09-2006, 08:51 PM

انا لمياء من اسكندرية والله صدقينى معرفش حاجة فى القاهرة لانى زى ماقولتلك من اسكندرية كان نفسى اساعدك كتير ان شاء الله حد هيسعدك

**meshmesh_2005** · 07-09-2006, 09:19 PM

ميرسي جدا يا لؤى علي ردك
وياريت لو ني متجوزة او بتجهزى تقدري تساعديني وتقوليلي اجهز ايه بالظبط؟

**زومره** · 07-09-2006, 11:43 PM

حبيبتى الغاليه انا عايزه اساعدك بس انا اللى انا عارفاه هو ان فى محل بيبيع لانجيرى فى مدينة نصر فى شارع عباس العقاد هو ده المكان اللى انا عارفاه بس فعلا اسعاره غاليه شويه بس عنده حاجات تحفه وفى فرع تانى فى وسط البلد فى شارع فؤاد بس اصحابى اللى حاكولى عليه بس الحقيقه انا معرفش فين بالضبط ويارب اكون افدتك

**meshmesh_2005** · 08-09-2006, 12:45 AM

مشكورة اختي زومرة
انا هاحاول اروح فرع مدينة نصر......بس كنت عايزة اسالك معلش سؤال غريب شوية....ايه هيالحاجت اللي بتقولي عليها تحفة؟؟يعني ايه بالظبط لانجيريهات ولا بيجامات ولا قمصان؟؟يعني المحل فيه ايه بالظبط علشان ابقي عارفة قبل ما اروح كل المسافة ديه

**زومره** · 08-09-2006, 01:51 AM

حبيبتى المحل فيه قمصان نوم روعه وفيه بيجامات وفيه اى حاجه انتى عايزاها من ملابس البيت واطقم البكينى والبراوات وان شاءالله هتلاقى كل اللى انتى عايزاه عنده متقلقيش

وانشاء الله ربنا يتمملك فرحك على خير والف مبروك يا جميل