عاوزة اسئلكم سؤال للمصريات

بيتلبس اية يوم تعارف اهل الزوج مع اهل الزوجة ويوم قراية الفاتحة لانى اعرف ان يوم الشبكة بس بيتلبس سوارية

البسي تايير شيك او بدله حلوة بس ياريت تبعدي عن ان البدله تكون مخططه
او فستان طويل بس بسيط اهم حاجه تلبسي حاجه رقيقه وابعدي عن التكلف

انا مع الاخت cute snowy
يوم التعارف مهم جدا تلبسي حاجه رقيقه وبلاش مكياج تقيل واعرفي ان الانطباع الاول بيدوم علي طول
الافضل في قرايه الفاتحه فستان شيك ورقيق ومناسب لسنك
وبلاش الحاجات المخططه مش بتكون لذيذه وفي لبس دلوقتي بناتي جميل والوان هاديه رقيقه ومهم اوي الاكسسوار البسيط او الذهب
وربنا يوفقك وتكوني جميله
علي فكره حاولي تعملي تسريحه بسيطه وتبين وشك

صح بدله رقيقه او طقم شيك
وبلاش مكياج كتير او بلاش خالص
مسكره وكحل بسيط
كمان اكسسوار بسيط

اخواتي المصريات لو عايزه حاجه من امريكا وفي اسرع وقت

انا رايي انك تلبسى بدلة أو تايير شيك و كل ما يبقى بسيط يكون أشيك

انا من رايى البنوتات انك تكونى بسيطة وتلبسى حاجة شيك .
عن تجربة شخصية
انا فى يوم التعارف وخصوصا مع حماتى لبست شال طويل وبنطلون واسع يعنى الشال قبل الركبة بشبر والطرحة لون الشال (طقم ) والحمد لله حماتى انبسطت منى اوى وقالت امورة اوى (ربنا ستر)
اما بالنسبة للمكياج خفيف جدا انتى ركزى على المناطق اللى انتى عارفة انها جميلة فيكى فىالمكياج انا مثلا عملت العينين بمكياج خفيف بنى وكحل اسود بسيط وملمع شفاف وتاتش بسيط روجاجو علشان انتى اصلا حتتكسفى فوشكك حيحمر لوحدة من غير حاجة .
ارجو اكون افدتك يا قمر دة بالنسبة ليوم التعارف لما حماتك تشوفك لازم تكونى بسيطة ورقيقة .
اتفقنا وألف ألف مبروك مقدما.

اما يوم قراءة الفاتحة
البسى فستان بسيط اوتايير واسع( أوعى من الضيق) علشان سهولة الحركة والمنظر العام
حاجة للليل تايير اوفستان مطرزبسيط برضة
البساطة رمز الاناقة صدقينى .
انا اخترت فستان بسيط فى الفاتحة لونة ابيض وفى ورد صغير اصفر وترترة بتلمع صغيرة
وطرحة صفراء وعليها شبك ابيض بسيط جدا بس تحفة وشيك .
انا بقولك خبرتى الشخصية
ومبروك عليكى عقبال ما تسألى على الفرح بقى ان شاء الله

شكرا يا بنات

انا من السعودية دخلت و ما حبيت اخرج كذا بدون ما ادعيلك

يا رب يوفقك و ان شاء الله البنات يساعدوك و تجي تقولين لنا ان الامور مشت تمام