بنات الامارات ابي منكم خدمه

**دلع ماله سنع** · 29-04-2005, 06:31 PM

انا رايحه دبي بعد كم يوم
وبصراحه انا رايحه اتسوق علشان زواجي
بس ابي منكم خدمه صغيره

ابيكم تدلوني على محلات واسواق الاقي فيها بضايع حلوه ومو غاليه
يعني شي حلو وسعره فيه

محلات شنط ماركات - ملابس رسميه وتيورات - ملابس سبور- ملابس سهره فخمه
جزم - محلات بخور وعطور شرقيه -وكل مستلزمات العروس

شكرن لكم على قرائتكم الموضوع
والله يسعدكم ويوفقكم
ويجزاكم خير الجزاء

**غراشيب** · 29-04-2005, 09:42 PM

مرحبا ملايين ...

هلا فيج أختي ..بصراحة أخترت المكان المناسب ...لأن مافيه أحلى من دبي ,,,

عندج مركز ديرة ستي سنتر فيه كل اللي طلبتيه..

مركز البستان..يمدحون الفساتين الي عندهم.

ومركز الصحارى بين دبي والشارجة. أما البخور فأحلى الأنواع ناخذها من الحريم

يعني شغل بيت .

ولو أعرف وين تنزلين بساعدج في سالفة الدخون .

وإنشالله الأخوات يفيدونج أكثر.

**قمــــــــــره** · 29-04-2005, 10:28 PM

السلام عليكم ورحمة الله وبركاته ..

وما ازيد على كلام الاخت الا في شيء بس اسعارهم روووعه
وكل الاشياء الي عندهم تقليد للماركات
في مصانع عجمان اقصد "البيجامات اليوميه يعني سبور على فكره هم تقليد للماركات"
خذيهم من هنالك تقريبا اسعارها من 15 الى 45 درهم بس روووعه

اما البيجامات الراقيه جدا وقمصان الالنوم عندج النوراني في سوق القديم في الشارقه
وعندج بعد في نعومي

وبالنسبة للجزم روووحي سوق الوصل في دبي عندهم اشياء حلوووه

وبالنسبه الاشياء الهنديه والفساتين الهنديه وهالشغلات عندج مينا باز في دبي

والجلابيات الفخمه الي نفس الجلابيات الكويتيه عندج في مزكر دون في شارع الضيافه في دبي اسعارهم حلوه

واذا ذكرت شيء برجع اكتب لج

وبالتوفيق وربي يسعدك ويقر عينج فيه ويرزقج الذرية الصالحه اللهم امين

اختك في الله

**الولهاااانه** · 29-04-2005, 11:10 PM

مبروك اختي وعقبال خواتي الي في المنتدى انشا الله
الصراحه دبي احلى احسن مكان تتسوقين منه
المهم انا بخبرج شو تشترين ومن وين تشترين اغراضج
اول شي واهم شي قمصان النوم والملابس الداخليه
الصراحه احلى قمصان نوم ولابس داخليه بتحصلينها في محل نعومي في الستي سنتر دبي
وبالنسبه للعبي والشيل الصراااحه احلى عبي واحلى شي في محلين محل (الاختيار الاول) (فيرست جويس) وبتحصلينه في ستي سنتر دبي وبتحصلينه بعد في ستي سنتر عجمان والمحل الثاني والي ماعليه كلام ابد محل ((بوحليقه))
اما بالنسبه للجلابيات فالصراحه احلى جلابيات هنديه بتحصلينها في(( شيتل )) الصراحه جلابياته روعه واسعارها حلوه
اما بالنسبه للنعول مركز مركاتو والستي سنتر وشارع الوحده في الشارجه وعندهم شنط بعد
اما بالنسبه للخامات اذا تبغين اتخورين انصحج بسوق السور الصراحه قطعهم وايد حلوه في الشارجه وبالنسبه للتخوير احسن خياط ايخور خياط العروسه الي في الشارجه الصراحه معروف وااايد وتخويراته كلها جديده واذا بغيتي شي الغاليه راسليني وما يصير خاطرج الا طيب
مبروك والله ايوفجج في حياتج انشا الله
وانشا الله اكون افدتج اختي

**دلع ماله سنع** · 30-04-2005, 05:20 PM

تسلمون والله يخليكم لي يا ربي
بس ابي محلات للفساتين الجاهزه لان الخياطه ما يمديني عليها
مافيه وقت
فساتين مناسبات جاهزه وتيورات رسميه حقت دعوات عشاء او سهرات بسيطه

اما بالنسبه لملابس النوم والداخليه انا تفريبا خلصتها
وفيه نعومي بالسعوديه اخذت من عنده اشياء حلوه مره مره

والجلابيات ابي اسعار حلوه بحدود 400 ولا 500 درهم ما ابي شي غالي
وياليت تدلوني على صالون اصبغ شعري عنده
يكون في دبي واسعاره حلوه
اللي عندها فكره عن اسعارهم تقول لي
على فكره انا شعري مو طويل وسط لحد اول الظهر فوق الستيانه
بس ابي شي مضمووووووووووووون

ويعطيكم الف الف عافيه

**فارسة دبي** · 30-04-2005, 10:06 PM

بسم الله الرحمن الرحيم

هلا اختي شرفتيناشوفي عاد أنا بقول لج اللي أعرفه:

تبين نعله حلوه روحي مركز الغرير مع أن أسعارهم غالية شوي بس أوكي.
شيل وعبايات عندج ايليت....سويت ليدي....حبايب في عجمان وفير ليدي وحناين في سيتي سنتر.
وممكن تصبغين شعرج في مركز الضيافة للرشاقة والتجميل أو صالون منى.
ملابس رسمية زارا مانجو برومود ومحلات ميركاتو ملابس روعة مع انها شوي غالية بس روحي مصانع عجمان ترى ثيابهم غاوية.

تحياتي.

**lamya** · 01-05-2005, 08:32 AM

بس بضيف على كلام الاخوات للقص و الصبغ: صالون فيرست دبي شارع الرقة جنب مخبز اتو ماتيك و الشارجة صالون حرير قريب من دوار اسبينس هذه صالونين برأيي تخصص في هالشغلتين

**anna** · 01-05-2005, 04:28 PM

thanks alot

**دلع ماله سنع** · 04-05-2005, 01:19 AM

مره تسلمون الله يسعدكم يااااارب

**reem2** · 06-05-2005, 10:44 PM

السلام عليكم ورحمة الله وبركاته

الفساتين : مركز البستاان بدبي
الشيل : سويت ليدي بدبي
الشنط والجواتي : ميغا مول بالشارجة وصحاري : جربي ALDO ماركة
البخور : جربي بخورات أجمل وعبداللصمد القرشي واالرصاصي

مممم

بس
الله يتمم لش بخير

دعوزاتج الطيبة