يوميات فطام يوسف- تجربة ام ناجحة -

**ام يوسف000** · 12-05-2009, 02:26 AM

السلام عليكم
ازيك ياام ياسين وايه اخبار ياسين يارب تكونو بخير

المهم دي يوميات فطام يوسف
اليوم الاول:
طبعا حاولت امنعه بس ماما قعدت تقولي حرام عليكي

وهو قعد يخبط راسه في الارض

حطيت علي حلمه الصدر صبار
المفاجاه

ان يوسف رضع عادي رحت حطيت حنه والحمد لله قرف جداااااااااااااااا

وهو حاول يرضع بس اول ماحط بقه حس بملمس زي التراب فمقدرش يرضع
وكل شويه يجي عاوز يرضع اقوله فيها قرف واول ميشوفها يبعد بعد كده كل مايجي اقوله لسه قرف
الليل وماادراكم ما الليل بكاء وصراخ

مش طبيعي لدرجه ان جارتنا جات تشاطرنا الاحزان
كل ماكان يصحي اديله ميه
اليوم التاني:
نفس القصة حطيت حنه بس بقي مكنتش مستحمله ضربه ليا في صدري سخنت جدا وتعبت جدا جدا

تخيلو اليوم التاني اصعب من الاول عياط مستمر والتعب مش مخليني مستحمله حتي الصوت

جاء الليل بس الحمد لله كان اسهل لان يوسف كان تعب من العياط طول النهار

اليوم التالت :
الحمد لله حسيت ان يوسف نسي شويه وفقد الامل اني ارضعه وكنت اديله عصاير

بس للاسف هو لسه اكله مش كويس بس انا بقول هو لسه بيتعود وان شاء الله حياكل كويس قريب

دعواتكم جميعا
ربنا يهدي يوسف وياكل كويس
ربنا يحلل عقدة لسان يوسف وياسين يارب ويجعلهم من الصالحين ويكرمهم بحفظ القران الكريم واولاد المسلمين جميعا يارب
واخيرا بحبكم في الله

**Oum Lina et Lilia** · 12-05-2009, 02:52 AM

عن جد الفطام صعب

**أم تولينا** · 12-05-2009, 03:31 AM

الله يعينك .. يوميات مؤلمة بصراحة..

بس حابة أتأكد من موضوع.. انت لما فطمت ابنك هل تدرجت معه في موضوع الفطام؟!!
أنا فضلت أدرج لبنتي فترة طويلة نوعا ما.. وبقيت اقلل عدد الرضعات شوية شوية حتى صارت الرضاعة مقتصرة على فترة النوم فقط.. بعدها تدرجت معاها في رضعات الليل.. الى أن فطمتها.. الحمدلله ماتعبتني كثير وأنا كمان ما تعبت كثير وسخنت كثير وصدري ماحجر كثير.. لأني أصلا بدأت بالتدريج..
طبعا كان في تعب وجهد.. بس تعب عن تعب يفرق..

انت طبعا خلاص فطمت ولدك الكتكوت ربي يحميه والله يكتبلك الأجر على تعبك..
بس أنا قلت أكتب تجربتي يمكن امهات ثانيين يستفيدوا..

دمتي بإشراق..

**azmiralda000** · 12-05-2009, 03:36 AM

اهلا يا ام يوسف ازيك انتى و يوسف
الف مبروك الفطام و ربنا يعيننا على اللى جاى
ربنا يكرمك على دعواتك و يتقبلها و تكون من نصيب يوسف و ياسين يارب

معلش واحدة واحدة هتلاقى الاكل اتحسن بالتدريج
بس انتى قللى السكريات و العصير عشان ما تسدش نفسه

و صدقينى لو اكل بيضة يوم بعد يوم
و شرب كوباية لبن كل يوم و حتة بروتين يبقى كويس اوى

بس انتى نوعى فى الاكل
يوم بيضة مسلوقة يوم مقلية يوم اومليت
اللبن لو مش راضى اعمليله عصير موز باللبن فراولة باللبن
او زبادى از مهلبية اهو كله لبن

و ابقى طمنينى

احبك الله الذى احببتينا فيه

**ام يوسف000** · 12-05-2009, 03:52 AM

كتبت بواسطة Touraya

عن جد الفطام صعب

السلام عليكم
والله ياحبيبتي بالنسبه ليوسف الفطام كان صعب لانه كان معتمد علي الرضاعه تماما وكان مش بينام الا علي صدري وكان بيرضع طول الليل وده كان خطا انا وقعت فيه لان الرضاغه طول الليل مجهده
اتمني ياحبيبتي لو بترضعي بنتك بالليل تحاولي تبطلي من دلوقتي وكانت واحده من مشرفات لك الجمال جدا قالتلي علي طريقه وهي كالتالي:
1-فطام تدريجي:
تكوني محضره جنبك كبايه ميه من النوع اللي ميكبش الميه ولما تصحي علشان ترضع اديها المايه مره ورضعيها المره اللي بعدهاوحاولي تقللي عدد الرضعات بالتدريج لغايه متبطل تصحي بالليل والموضوع ممكن ياخد معاكي اسبوع
2-فطام نهائي:
مهما تصحي اديها الكبايه لغاية متحس انها بتصحي علي الفاضي ان شاء الله يوم والتاني والتالت وتنسي وتنام طول الليل ان شاء الله
علي فكرة انا اقصد تفطميها بالليل بس مش نهائي لانها لسه صغيرة وانا بصراحه بشجع الفطام قرب السنتين
الاخت العزيزه اللي كتبت لي الطريقة هي مشرفة ركن الامومه والطفوله الاخت حمرة الورد جزاها الله كل خير وكان الكلام علي يوسف وكان اكبر من بنتك بس بيتهيالي لو حاولتي من دلوقتي حيكون اسهل
ربنا يخليلك بنتك ويحفظها من كل شر

**ام يوسف000** · 12-05-2009, 04:01 AM

كتبت بواسطة azmiralda000

اهلا يا ام يوسف ازيك انتى و يوسف
الف مبروك الفطام و ربنا يعيننا على اللى جاى
ربنا يكرمك على دعواتك و يتقبلها و تكون من نصيب يوسف و ياسين يارب

معلش واحدة واحدة هتلاقى الاكل اتحسن بالتدريج
بس انتى قللى السكريات و العصير عشان ما تسدش نفسه

و صدقينى لو اكل بيضة يوم بعد يوم
و شرب كوباية لبن كل يوم و حتة بروتين يبقى كويس اوى

بس انتى نوعى فى الاكل
يوم بيضة مسلوقة يوم مقلية يوم اومليت
اللبن لو مش راضى اعمليله عصير موز باللبن فراولة باللبن
او زبادى از مهلبية اهو كله لبن

و ابقى طمنينى

احبك الله الذى احببتينا فيه

الحمد لله رب العالمين
ان شاء الله اكله يتحسن وربنا يهديه
والله من ساعة مارجعت من عند ماما وانا نفسي اكتب الموضوع علشان اطمنك بس طبعا جيت لاقيت جوزي حبيبي سايب شباك في البيت وتراب الشارع كله كان معزوم عندنا
طبعا اضطريت اغسل السجاد والستاير وانفض التراب كانت ازمه اكتر من ازمة الفطام مش عارفي الاقيها من يوسف ولا من ابوه ربنا يحفظهملي الاتنين
ان شاء الله قريب اكتب اقولك يوسف بياكل كويس يارب يارب

**ام يوسف000** · 12-05-2009, 04:10 AM

كتبت بواسطة أم تولينا

الله يعينك .. يوميات مؤلمة بصراحة..

بس حابة أتأكد من موضوع.. انت لما فطمت ابنك هل تدرجت معه في موضوع الفطام؟!!
أنا فضلت أدرج لبنتي فترة طويلة نوعا ما.. وبقيت اقلل عدد الرضعات شوية شوية حتى صارت الرضاعة مقتصرة على فترة النوم فقط.. بعدها تدرجت معاها في رضعات الليل.. الى أن فطمتها.. الحمدلله ماتعبتني كثير وأنا كمان ما تعبت كثير وسخنت كثير وصدري ماحجر كثير.. لأني أصلا بدأت بالتدريج..
طبعا كان في تعب وجهد.. بس تعب عن تعب يفرق..

انت طبعا خلاص فطمت ولدك الكتكوت ربي يحميه والله يكتبلك الأجر على تعبك..
بس أنا قلت أكتب تجربتي يمكن امهات ثانيين يستفيدوا..

دمتي بإشراق..

السلام عليكم
الحقيقه ياحبيبتي انا فطمته مره واحده لاني حاولت قبل كده اقلل الرضاعه بس يوسف عنيد عايز يرضع يعني يرضع بس انا تاني يوم اخدت برشام ينشف اللبن وده هون شويه من الالم
جزاك الله كل خير

**ارغول** · 12-05-2009, 04:34 AM

ربناااااااااااااااااااا يخليلك يوسف ويعينك عليه

*** نور هدى *** · 12-05-2009, 04:43 AM

انصح أخواتي أن يمتنعن عن وضع الأشياء المرة على صدورهن لأنها تسبب عقدة نفسية للطفل
فيصبح الطفل مثلا شرها للحلويات ليزيل المرارة التي خلفها ثدي الأم من فمه والتي ستظل في عقله الباطن دوما
أنا أقول هذا الكلام عن تجربة وعن رؤية لعدة أشخاص كذلك يعانون من مشاكل ( تلعثم - شره للحلويات - .... ) وعندما بحث عن السبب كان طريقة الفطام المرة
واسأل الله لي ولكن جميعا الرشد والسداد