فن مخاطبه الاطفال بالطريقه الحديثه # موضوع صيفي ساخن #

**dooo22** · 04-07-2008, 09:16 PM

فن مخاطبة الأطفال

فن مخاطبة الاطفال موضوع يحتاج بالفعل لمؤتمر وجلسات عمل لأن العيال الأيام دي محتاجة طريقة حوار وتعامل غير اللي اتربينا عليها زمان ، العيال الأيام دى وصلوا ، والعالم مفتوح على بعضه مش زينا اللى اتربينا على القناة الأولى والتانية بالتيلة

خلاص مينفعش تقول للعيل دلوقتي العصفورة قالت لي

وفتنت لي عليك

عصفورة إيه وهو بيفهم في الموبايل بتاعك أحسن منك ؟

ومينفعش تخوف العيل بأبو رجل مسلوخة

لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.

مينفعش تعاقبه بأنك تأومه من أودام فيلم بيحبه وبيتفرج عليه..

لأنه هايشوفه تاني يوم على نفس المحطة الصبح وإنت ف الشغل

ويخليك زي قرطاس الجوافة.

عايز تعاقبه

نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.

لما تعوز تدلعه وتكافؤه على تفوقه

مينفعش تجيب له بندقية صيد وكوره وكتب م المكتبة الخضراء والجو القديم ده كله

تجيب له( DSL) ممكن تظبطه بويب كام جامده تدخل علية (LCD بسكرين)

مينفعش لو أبنك سألك عن حاجه منتش عارفها تألفله أى أجابة من دماغك

بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 لما يسألك أقعد معاه ع النت ودور معاه ع الأجابة المظبوطة و بلاش قلة قيمة

وأوعى تفهم الواد إن الرياضة هى أهلي وزمالك

بلا نيلللللا.. على رأى ماري منيب لأنه دلوقتى عارف لعيبه ريال مدريد والأرسنال وعارف
أسعارهم كمان .

وأذا طلب رأيك ف أكلة دليفرى م اللى بياكلوها الأيام دي

أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد

-------------------------------------------------------------------------------

اللهم صلي وسلم وبارك على حبيـــبنا المصطفى وعلى اله وصحبه والتابعين اجمعين

صلى الله عليه وسلم

---------------------------------------------------------------------------

إذا ارهقتك هموم الحياة ومسك منها عظيم الضرر
وذقت الامرين حتى بكيت وضج فؤادك حتى انفجر
وسدت بوجهك كل الدروب واوشكت تسقط بين الحفر
فييم الى الله في لهفة وبث شكواك لرب البشر

**dooo22** · 06-07-2008, 01:25 AM

ايه الموضوع مش عاجبكوا ولا ايه

**ميرة الاميرة** · 06-07-2008, 01:51 AM

لاطبعا موضوعك جميل وعندك حق فى كل اللى قلته
والله بنتى عندها 4سنين وبتبهرنى فى فتحها الكومبيوتروبتجيب موقع الالعاب لوحدها
وحتى لما بتمسك الموبايل بتاعى ولما تسمعها بتتكلم ماشاء الله
بس مش عارفة والله دى نعمة ولا نقمة
الله يهديهم ويقدرنا عليهم تسلمى على الموضوع

**azmiralda000** · 06-07-2008, 10:59 AM

الموضوع حلوووووو يا دووووووووو
انا بحاول اكون روشة مع سيسو

**Anny SaS** · 06-07-2008, 02:20 PM

هههههههههههههه
والله معك حق في كل اللي قلتيه
الله يعينا على تربيتهم
تسلمي على الموضوع حبيبتي

**مسامرة النجوم** · 06-07-2008, 04:11 PM

يسلمو خيتو العزيزة

**حمرة الورد** · 06-07-2008, 05:20 PM

ماشاء الله تبارك الله يا dooo

احسنت اختيار الموضوع .. واحسنت كتابته ونقاشه وكمان اسلوبك كان لذيذ وخفيف .( شكلي جيعانة) .

سبحان الله قبل شوية كنت بأتكلم مع جوزي في نفس الموضوع تقريباً .. عندي الكبار من النوع الديجتال دا . يعني كل يوم بدهم يشتروا حاجة ديجتال وممكن بكل سهولة يصيروا مدمنين انترنت وكمبيوتر .

والصغير مو عارف يرد على التلفون الاسلكي يقولي كيف اشغل اسبيكر.. والأدهى والأمر مو عارف كيف يشغل المايكرويف .

نحنا لما نشتري حاجة .. اخبيها عنهم لحد ما اتعرف عليها واعرف اشغلها وابرمجها خخخخ خاصة اليي مايخصهم .. يعني مايعرفوا للغسالة ولا النشافة ولا الفرن ولا غسالة الصحون ولا موبايلي ولا التلفزيون والمكيف والمكايرويف يادوب تشغيل مايعرفوا لبرمجتهم ابداً . حتى الراديو لأنهم اولاد ديجتال طبعاً .الراديو بالنسبة لهم تراث .. يختي كفاية عليهم الكمبيوتر والإنترنت . وبنحاول نسبقهم .. ما ادري كيف الأمهات اليي مالها لا في الطور ولا في الطحين واولادها شوية ويصيروا هكرز .

**dooo22** · 07-07-2008, 03:35 AM

كتبت بواسطة ميرة الاميرة

لاطبعا موضوعك جميل وعندك حق فى كل اللى قلته
والله بنتى عندها 4سنين وبتبهرنى فى فتحها الكومبيوتروبتجيب موقع الالعاب لوحدها
وحتى لما بتمسك الموبايل بتاعى ولما تسمعها بتتكلم ماشاء الله
بس مش عارفة والله دى نعمة ولا نقمة
الله يهديهم ويقدرنا عليهم تسلمى على الموضوع

ربنا يحفهم ويقدرنا على تربيتهم

كتبت بواسطة azmiralda000

الموضوع حلوووووو يا دووووووووو
انا بحاول اكون روشة مع سيسو

هند حبيبتى وحشتينى والله وسيسو عامل ايه رجعتى ولا لسة فى مصر طمنينى عليكى

كتبت بواسطة Anny SaS

هههههههههههههه
والله معك حق في كل اللي قلتيه
الله يعينا على تربيتهم
تسلمي على الموضوع حبيبتي

كتبت بواسطة مسامرة النجوم

يسلمو خيتو العزيزة

اسعدنى مروركم

كتبت بواسطة حمرة الورد

ماشاء الله تبارك الله يا dooo

احسنت اختيار الموضوع .. واحسنت كتابته ونقاشه وكمان اسلوبك كان لذيذ وخفيف .( شكلي جيعانة) .

سبحان الله قبل شوية كنت بأتكلم مع جوزي في نفس الموضوع تقريباً .. عندي الكبار من النوع الديجتال دا . يعني كل يوم بدهم يشتروا حاجة ديجتال وممكن بكل سهولة يصيروا مدمنين انترنت وكمبيوتر .

والصغير مو عارف يرد على التلفون الاسلكي يقولي كيف اشغل اسبيكر.. والأدهى والأمر مو عارف كيف يشغل المايكرويف .

نحنا لما نشتري حاجة .. اخبيها عنهم لحد ما اتعرف عليها واعرف اشغلها وابرمجها خخخخ خاصة اليي مايخصهم .. يعني مايعرفوا للغسالة ولا النشافة ولا الفرن ولا غسالة الصحون ولا موبايلي ولا التلفزيون والمكيف والمكايرويف يادوب تشغيل مايعرفوا لبرمجتهم ابداً . حتى الراديو لأنهم اولاد ديجتال طبعاً .الراديو بالنسبة لهم تراث .. يختي كفاية عليهم الكمبيوتر والإنترنت . وبنحاول نسبقهم .. ما ادري كيف الأمهات اليي مالها لا في الطور ولا في الطحين واولادها شوية ويصيروا هكرز .

انا والله ابنى الكبير بيعرف حاجات فى الكمبيوتر انا ما بعرفها وبيخرج فايلات معرفش منييين قرد كمبيوتر مع انه لسه متعلمه مفيش من كام شهر

**نسائم حائره** · 07-07-2008, 02:24 PM

هههههههههههههههه موضوعكزى السكر

بس الله عندك حق وربنا يهدي اولادنا و بناتنا
ويحسنو استخدام الامور ديه
لانها كارثه
نسال الله العلم النافع و العمل الصالح

ونشكرك على تناول الموضوع بالشكل الذيذ ده

**lanazn** · 07-07-2008, 03:04 PM

هههههههههه..

مع انك طرحت الموضوع باسلوب مرح شوي..بس والله هاي مشكلة الزمن هدا.. الواحدة مش عارفة كيف ممكن تقدر تسيطر على هاي الامور خاصة انه طفالنا عم يسبقونا بكل شي..