السلام عليكم ورحمة الله وبركاته,,
اولا" شكرا" لكل اللي سألو عني وباركولي ودعولي مشكورين وماقصرتو,,
انا الحمدلله ولدت يوم السبت اللي فات 10 رمضان الموافق 22 سبتمبر
اقلكم اللي سار..
يوم الخميس فالليل اكلت تمر وعسل وحبه سودة مع بعض قالولي انها تحمي الطلق وبعدين رحت امشي وبدأت بطني توجعني...
الجمعه الصباح زاد الالم وكان مستمر حاولت انام بس مافي فايدة الالم ما بيخف فكلمت ماما تجيني ودهنت بطني بجوزة الطيب وزيت جوزة الطيب ولفيتها وجلست امشي..
الالم زاد وسار الطلق تقريبا منتظم كل 7 دقايق وعلى صلاة الجمعه رحت المستشفى وفحصوني وقالتلي الرحم بس مفتوح 1 سم قالتلي اروح وارجع لما يسير الطلق كل 3 او 4 دقايق..
رجعت البيت ودهنت بطني فكس ولفيتها والطلق منتظم وبيزيد الوجع اكتر واكتر لدرجة اني سرت ابكي مع كل طلقه..
وسار الطلق كل 4 دقايق تقريبا" فرحت المستشفى الساعه 1 فالليل وفحصوني بس كان مفتوح برضه 1 سم ونزل دم مع يد الدكتورة واول ما وصلت المستشفى خف الالم وسار الوقت بين الطلقات 10 دقايق تقريبا قالتلي ارجعي البيت تاني..
رجعت البيت وحاولت انام بس زاد الالم وعلى صلاة الصبح نزلت مني موية البيبي فرحت بسرعه عالمستشفى وكانت المويه خضرة لانه البيبي اتبرزت فبطني لانها عدت موعدها..
اول ما رحت حطولي جهاز النبض والطلق وكانت قوة الطلق 70 و 80 بس الرحم برضه ما فتح غير 1 سم..
فاعطوني محرض للطلق فالمحلول عشان قالت ممكن اذا زادت قوة الطلق يمكن يفتح الرحم وكنت جالسه عالكمامه وزاد الالم شويه فاعطوني ابرة مسكن فالعضل..
زادت قوة الطلق ل100 و 120 وطالع بس الرحم برضه فاتح 1 سم بس ومو راضي يزيد,,
والالم مررررة زاد وسرت ماني قادرة استحمله ابدا" فقالتلي اخد ابرة الضهر لانه يمكن مع الالم والشد عضلات الرحم ماهي راضيه تفتح ويمكن لو راح الالم مع الابرة ترتخي العضلات ويفتح الرحم,,
المهم اخدت الابرة وراح الالم الحمدلله وجلست مرتاحة يمكن ساعتين وطول الساعتين يقلبوني عاليمين واليسار ومع التقليب اتحركت الابرة وسار الدوا بس بيروح على اليمين وسرت اتالم من اليسار تخيلو!!
والالم قويييييييييييييييييي فرجعت للكمامه وطول الوقت وانا بابكي واتوجع والطلق منتظم كل 3 دقايق وقوته 120 وطالع بس الرحم مقفول ومن كتر البنج اللي اخدته سارت شفايفي منمله وعيوني مقفله واتهد حيلي خلااااااااااااص,,
اخر شي قالو خلاص نولدك قيصري لانه سار خطر عالبيبي لانه من الصبح نازله مويتها وكانت خضرا وخايفين تشرق منها او ينقص الاكسجين او شي وانا ما كنت راضيه ادخل قيصري بس دخلوني بالغصب وماما ما كانت راضيه بس زوجي وافق ودخلني بالغصب وهو دخل معايا وما دخلو ماما مع اني كنت ابغاها وقلتلهم دخلوها بس ما رضيو لانها كانت منهارة وبتصرخ فخافو تعمل شي,,
المهم مو قلتلكم انه التخدير سار بس فالجنب اليمين لانه الابرة اتحركت فسرت حاسه بكل الالم فاليسار قلتلهم انه جنبي وبطني اليسار يوجعني بس ما ردو عليا وربطو يديني ورجولي سرت زي المصلوبه ثبتوني عالسرير عشان لا اتحرك وجات تبدأ العمليه اول خط بالمشرط تخيلو اني حسيت بيه!!!!
لانه التخدير كان خربان فسرت اصرخ واتوجع فزوجي قلهم ترى حست وبعدها قررو يعطوني بنج كلي وبعدها ما ادري عن الدنيا غير فغرفة الافاقه..
واللي يضحك اني كنت اكتر وحدة فالمنتدى لبغى زوجي يدخل الولادة بس لما عملولي بنج كامل خرجو زوجي عشان لا يشوفني ويسير فيه شي..
و لما صحيت كان ريقي ناااااااااااشف وصوتي رايح ومعايا كحة ولما اكح احس الخياطة حتنفتح واتالم وابكي..
وطبعا ممنوع اشرب وكان معايا زوجي اقله ابغى اشرب فسار يبلبل شفايفي بالمويه وانا كنت احاول اني امص المنديل عشان تنزلي مويه,,
والله كل ما افتكر يوم الولادة يجيني البكى احزن على نفسي والله مسكينه,,
وبعدين جابولي صورة البيبي بس طبعا ماني شايفه كويس بسبب البنج والبكا..
والصوت طبعا رااااااايح ما كان في ولا نقطة صوت كنت اكلمهم بحركات فمي بس..
وودوني على الغرفه وجابولي النونو وحطوها على يدي وحضنتها حياتيييييييييييييي
وبعدين اخدوها وانا جلست صاحيه شويه بعدين نمت وصحيت عالساعه 6 تقريبا وبعت مسجات للناس,,
وبس,,
ها كيف القصه؟؟
انشالله تكون عجبتكم؟؟
وبالنسبه للاسم قبل الولادة سالت زوجي ما بدك اسم تولين؟؟ لاني من اول سالته وقاللي ما عجبه
ولما دخلوني قيصري وسرت ابكي قام قللي يالله معليه عشان تجيبي تولين ههههه وبكدا سميناها تولين
ايش رايكم فالاسم؟؟

الف الحمدلله على سلامتك وسلامة بنوتك الحلوة ربنا يحميهالك يارب
بس والله ضحكتيني على زوجك في الاسم بس فعلا اسم جميل جدا

الف حمدالله على سلامتك انتي وتولين والله يحفظها لكم يا رب

الف حمد الله على سلامتك و سلامة تولين و اسمها جميل جدا ما شاء الله

يااااااااارب كل الالم اللى شوفتيه ده يبقى فى ميزان حسناتك يااااااااااارب.........امين يا رب العالمين

حمدلله على سلامتك انت وتولين ان شاء الله تتربى في عزكم
يعني يامسكينة اكلت وجع الطلق ووجع القيصري
يللى كله اجر وعافية ان شا ءالله

الف الحمد الله على سلامتك وسلامه تولين تتربى بعزكم ان شاء الله

الف الف الف حمد لله على سلامتك ام تولين.
بورك لك فى الموهوب وشكرت الواهب وبلغ اشده ورزقت بره.
وانشاء الله ربنا هيجعل كل الم تعرضتى له فى ميزان حسناتك انشاء الله.
وكل حاجه تهون عشان عيون تولين ولا ايه رايك ام تولين ههههههه.
وانشاء الله تتربى بعزك وعز ابوها.

ألف الحمد لله على سلامتك يا ميمي وسلامة تولين ..الله يخليها لك يااارب ..
بس والله تعبك ان شاء الله يكون في ميزان حسناتك ..

الف مبروك والحمد لله على سلامتج وسلامه تولين اسم جميل الله يخليها لكم

آآآآآآه ذكرتيني بمامضى
الف الحمدلله على سلامتك وسلامة تولين
وتتربى بعز والديها
بنتك تولين وبنتي تالين اسمائهم متشابهه..
الله يجعلها من عباده الصالحين..