كيفكم ياحوامل اعذروني ما بدخل معاكم كثير كيفكم وكيف رمضان والحمل أنا فطرت يوم واحد لحد الآن الحمد لله بس بحس بجوع كتير وتعب ومايجي وقت الفطور إلا وأنا هلكانه من الشغل مع إن كل اللي أسويه يادوب شوربه وسمبوسه ومعجنات وحتى حلى ماصرت أسوي ..

سؤالي أنا في الأسبوع ال13 ليا ثلاثه أيام يعني اعتبر في بداية الرابع صح واخر دورة كانت 18 / 4
أنا قبل أمس كنت زعلانه من زوجي الهرمونات عامله دور ههههههههههه وبعدين جا يراضيني ويقول خلاص سامحيني ومعرف إيش ومن دا الكلام المهم كنا قاعدين جنب بعض وأنا منسدحه شوي عالكنبه بس مو متمدة على ظهري وكنت حاطه يدي على أسفل بطني مدري إيش خلاني أحط يدي وقتها بس حسيت بشي غريب شي ما أدري كيف أوصفه زي الرفه بس مره مره خفيف يمكن لو مو حاطه يدي ماحسيت شي كذا سبحان الله أول مره أحسه ما أدري هيا دي حركة البيبي ولا يتهيألي لأنهم يقولو البكرية ماتحس إلا في الخامس وهيا كانت يادوب رفتين خفيفه وماعاد حسيت لا اليوم ولا أمس لأني ما أحط يدي بس ذاك اليوم سبحان الله ...
قولولي يا صاحبات الخبرة متى حسيتو بحركة البيبي تبعكم وفي أحد زيي ولا البيبي حقي مستعجل ولا أنا اللي مستعجله ههههههه .. في انتظاركم ..
بعدين ليش التيكر حقي مايمشي وقف على نفس اليوم اللي حطيته ..

اهلين سما نورتي الركن
ربي يتمم لك علي خير يارب
اما حركة البيبي مثل ماكيتي انت بكريه
وبداية الرابع كمان مش عارفه اذا كان الي حسيتي بيه حركه بيبي
وان شاء الله الاخوات يفيدوك


اما عن الجوع والتعب ربي يعينك غلاتي

اقري الموضوع ده ان شاء الله يفيدك

الحمل ورمضان معلومات تفيدكي (موضوع متميز)

اهلين سمسم

وربي يتمم حلمك على خير

ايوم ياقلبي انت اللي حسيت فيه حركة البيبي لانه اول احساسك فيها يكون مثل ما وصفة رفرفة

هم يقولوا مثل رفرفة الفراشة

يارب يكبر ووصل لك بالسلامة وتفرحي فيه

ممكن ما تحسي بالحركة هذه ثاني الا بعد كم اسبوع وبعد ذلك حتحسي فيها اكثر

أهلا سماء
ربي يتمم حملك على خير
نعم حبيبتي ما أحسست به هو حركة الجنين
في حملي أنا بدأت حركة جنيني في بداية الشهر الرابع ومثلما قلتي عبارة عن رفرفة خفيفة راقبيها عندما تنامين على ظهرك وتكونين في حالة إسترخاء ستشعرين بها مرة أخرى
وستكثر الحركة في الخامس واستعدي للركل في السادس والسابع والدوران والقفز والتمدد في جميع انحاء البطن في الثامن والتاسع إحساس رائع

16 weeks

الله يسعدكم ياللي رديتو عليا وإن شاء الله تكون حركت البيبي لأنه إحساس جدا حلو والله لا يحرم وحده منه ... أنا سألت ماما اليوم وهيا خلفتها كلها عيال ماشاء الله ماعدا أنا بنت وحيدة ،...... قالت إنها بتبدأ تحس في بداية الرابع فقلت يمكن أنا زيها مع إنه مو شرط بس قلت مدام ماما بتحس وهيا في أول الرابع يعني مو بعيد يكون اللي حسيت بيه حركة البيبي يعني في أحد يحس في الرابع لأن قريت في النت وسمعت قالوا ماتحس الوحدة قلت يمكن يتهيألي بس الرفه مره نعومه ياناس ياليت تتكرر تاني ... وعلى قول نوجود أستعد للركل في السادس والسابع والقفز والدوران والتمدد في الثامن والتاسع ... والله يعين يارب ويقومني ويقومكم بالسلامة وعقبال مانشيل عيالنا ونفرح فيهم يارب معافيين كامليين الخلقة يارب ...

ربنا يتمم حملك على خير وتفرحي بمولودك بين احضانك ياااااااااااارب

حبيبتي الي حسيتي بيه حركة البيبي وشوية شوية حتزيد وتصيري تحسيها حتى بدون ما تحطي يدك على بطنك

انا مثلك حسيت بالحركة من بداية الرابع و كانت خفيفة جدا و مع تقدم الحمل صارت اقوى و تبان حتى فوق الملابس

وفعلا هو اجمل احساس وام فيش زيه

ربنا لا يحرم واحدة منه ويرزق كل متمنية يااااااااااااااااااااااااارب ياااااااااااااااااااااارب

آمين يارب يا أختي وربي مايحرم وحده من دا الإحساس وربي يكرم كل وحدة منتظرة الحمل يارب ...

يا رب تمم حملنا علي خير وقومنا بالسلامه