السلام عليكم ورحمة الله وبركاتة
يا بنات انا محتاجة رايكم جداااااااااااا ومحتاجة الاكتر الدعاء ان ربنا يكرمنى بالحمل الصالح واخاوى ابنى عاجلا غير اجلا
انا ابنى عندة سنتين ونص وبعد ولادتة ب10 شهور وقفت برشام منع الحمل
ومفيش حمل حصل نهائى طول الفترة دى حتى بعد الفطام
من شهر واحد اللى فات (يعنى من خمس شهور عملت اشعة صبغة ) لانى كنت والدة قيصرى بسبب وجود كيس دم 9سم عالمبيض الشمال
وكانت نتيجة الاشعة كالاتى
* التصاقات حول الامبوب اليمين
* كيس دم على المبيض الشمال 4*6 حجمة
الدكتورة فى الاول ادتنى منشط(كلوميد قرصين يوميا وحقنتين كيرمون فى اليوم 12 بعد متابعة التبويض) لمدة شهرين ومحصلش حمل فقالتلى اخد علاج سيكوبروجينوفا ودة بيقلل حجم الكيس وخدتة شهرين زاد وزنى جدا بسببة وبسبب المنشطات ومحصلش حمل
بصراحة روحت لدكتورة استشارية واول ما شافت الاشعة قالتلى
ان الالتصاقات الموجودة حولين الانبوب الايمين هتمنع الحمل منة لانها هتعوق حركة الانبوب فى انة يمسك البويضة
وان الكيس اللى عالمبيض الشمال هيمنع خروج بويضات منة
(يعنى مفيش امل فى الحمل )
لكن قالتلى احنا هنجرب وكتبتلى مضاد حيوى ولبوس قالتلى دول بيفكو الالتصاقات وبيقللو حجم الكيس وطلبت تحاليل هعملها يوم 8/6 يعنى اليوم العشرين للدورة وقالتلى لو الدورة الجاية نزلت عادى هتدينى منشطات قوية لمدة شهر لو محصلش حمل
يبقى اعمل منظار جراحى
بس استغربت لانى سالتها هل المنظار كدة لو اتعمل يبقى المشكلة خلصت قالتلى لا ممكن برضو ميحصلش حمل والاضمن ليا اعمل حقن مجهرى
بصراحة اتفاجئت من كلامها جدا لانى الحمد لله حملت اقبل كدة فى ابنى بالمنشطات رغم ان مكنش فى مانع للحمل اعملة دلوقتى لية ؟
وبعدين مهو الحقن المجهرى ممكن مينجحش؟
وبرضو المنظار اعرف ناس كتير عملوة وفكو الالتصاقات وسحبو الكيس الموجود وحملو عادى
انا تهت اوى ياريت حد يفيدنى
الروابط المفضلة