السلام عليكم ورحمة الله وبركاته
اولا جزاكن الله خيرا لكل القائمات على المنتدى على مجهودكن العظيم وبالتوفيق
ثانيا مشكلتى بقى انى بستعمل حبوب cilest لمنع الحمل
هو انا اول ماولدت كنت بستعمل مايكرولوت عشان كنت برضع وبعدين بطلت رضاعة فالدكتورة كتبتلى على سيلست دة
وقالتلى استعمله فى اول يوم دورة عشان جسمى ياخد عليه ولما اخلص الشريط اخد راحة منه 7 ايام وفى السبع ايام دى هتنزلى الدورة ولما تخلص ابدا اخد تانى وهكذا
فعلا عملت كدة ودلوقتى بقالى 4 ايام مبطلاه ولسة الدورة مانزلتش
مش عارفة اعمل ايه دلوقتى انا يعنى
كدة الدورة لو نزلت فى اى وقت مش هتخلص قبل مالسبع ايام يخلصو فانا كدة اخد الحبوب تانى امتى لما السبع ايام يخلصو حتى لو الدورة لسة عندى ولا لما الدورة تخلص ودة هيكون بعد السبع ايام الراحة ؟
وبعدين افرضو مانزلتش خالص طول السبع ايام دول هل اخد الحبوب بقى فى معادها سواء جت ولا ماجاتش ولا اعمل ايه مش عارفة ؟
ولحد مالدورة تنزل او اخد الحبوب تانى هل ينفع يحصل جماع ولا مش هيبقى امن ولا استعمل وسيلة تانية زى اللبوس مثلا لحد ما اخد الحبوب ؟
الله يكرمكم افيدونى بسرعة لاحسن متلخبطة خالص ومش عارفة اعمل ايه
الروابط المفضلة