السلام عليكم اخواتي ارجوانكم تكونو بخير
المهم كنت اعاني من التهاب كبد مناعي قبل الحمل والطبيب متابع معاي كل شهرين مرة لاني باخد دوا للكبد ولازم ساوي تحليل دم لحتى الطبيب يطمن على الانزيمات وعلى وضع الكبد
اليوم كان عندي موعد لما الطبيب شاف تحليل الدم قلي وضع الكبد طبيعي تماما بس في مشكلة انو عندك البروتين ناقص
يعني الطبيعي لازم يكون 35 انا عندي 28
المهم عملي فحص بول سريع ووجد انو في بروتين بالبول وسالني اذا عندي تنفيخ بجسمي وقلتلتو نعم من اسبوعين وانا منفخة وحتى زاد وزني فجاة هذا الشهر حوالي 3 كيلو
عطاني عبوة كبيرة وقلي جمعي فيها البول 24 ساعة وجيبيها للمختبر وبعدين نشوف وانا يوم الاتنين عندي موعد سونار فقلي قولي للممرضة المسؤولة تعملك سونار على الكبد والكلى كمان و ما شرحلي اكتر من هيك
انا دخلت النت وبحثت لقيت انو ممكن يكون عرض من اعراض تسمم الحمل او التهاب البول فارجو يلي عندها خبرة بالموضوع تفيدني واذا في دكتورة هون بالمنتدى تخبرني شو اعمل لانو عنا عطلة ليوم الاتنين وانا قلقانة جدا
سمعت انو يمكن يصير خطر على الجنين ارجو انكم تطمنوني وتقولولي نصايحكم
مشكورات طولت عليكم
الروابط المفضلة