السلام عليكم
أخواتي مين فيكم عملت مسحة عنق الرحم مع وجود الفطريات في المهبل؟
يعني هل وجودها بيتعارض مع التحليل او ما بيعطي نتيجة صحيحة للخلايا الموجودة و لازم ينعاد مرة تانية؟؟؟؟
حاولت اعالجهم كتير بكل الأدوية بس للأسف بيرجعوا مرة تانية بدون سبب!!! و اتفاجات بس انتقلت لدولة أجنبية من جديد انه هالتحليل بينعمل كل سنتين من بداية الزواج بدون ما يكون في حاجة او أعراض معينة!!! مع العلم أني قبل ما أسافر لهون راجعت اكتر من دكتورة لاسباب تانية و ما حدا طلبه مني..
حاليا الي متزوجة 4 سنين يعني راح علي تحليل واحد بس.
أنا خايفة اعمل المسحة مع الفطريات يبين شي غير طبيعي و يشككني و يخوفني زيادة ( هاد اذا بيتعارضوا مع بعض ) و مو قادرة استني عشان ما تزيد المدة اكتر و اصلا مو ضامنة الفطريات تروح بشكل تام او لا..
غير هيك النظام بهالبلد اوقات بياخد اشهر لحتي اقدر أخد موعد مع دكتور!!! نظام غريب فعلا الحمدلله علي كل شي.
الله يخليكم اللي بتعرف اي شي عن الموضوع تساعدني و اللي ما بتعرف تدعيلي الله يطمن قلبي.
سامحوني طولت عليكم اله يجزيكم كل خير و يهدي بالكم جميعا
الروابط المفضلة